युहन्‍ना 17:22 - मध्‍य पुरविया थारू

²² जे महिमा अहाँ हमरा देनेचियै, ओह्‍या महिमा हम ओइसबके देनेचियै, ताकि जहिनङे हम आ अहाँ एक चियै तहिनङे ओहोसब एक हेबे।

युहन्‍ना 17:22 ပူးပေါင်းရင်းမြစ်များ

मरकुस 6:7

येसु आपन बारहो चेलासबके आपनलग बोलाइल्‍कै आ ओइसबके भुत आत्‍मासब निकालैके सक्‍ती आ अधिकारो दके दुइ-दुइ गोरा कैरके परचार करैले पठेल्‍कै।

लुका 22:30

तब तुसब हमर राजमे हमरे सङे-सङे खेबही, पिब्‍ही आ इजराएलके बारहो कुलके नियाइ करैले राज गद्‍दीमे बैठबिही।”

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 1:16

ओकरे अनुगरहसे उटुङ-टुटुङ भैरके आसिस उपर आसिस मिलरहल छै।

युहन्‍ना 14:20

‘हम पितामे आ तुसब हमरमे आ हम तोरासबमे चियौ’ से बात तुसब ओइ दिन जानबिही।

युहन्‍ना 17:24

“हे पिता, हम इक्‍छा करैचियै कि, जकरासबके अहाँ हमरा देनेचियै, सेसब हमरसङे रहे आ हमर महिमा देखे, जे महिमा सन्‍सार सिरिस्‍टी हैसे पहिने अहाँ हमरा परेम करलाके कारनसे देनेछेलियै।

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

रोमी 8:30

जकरा जकरा परमेस्‍वर पहिनेसे चुनल्‍कै, उ ओकरासबके बोलेबो करल्‍कै। जकरा बोलेल्‍कै ओकरासबके आपन नजरमे धरमी ठहरेल्‍कै। जकरा जकरा धरमी ठहरेल्‍कै, ओकरासबके आपन महिमामे सहभागी सेहो करेल्‍कै।

२ कोरन्‍थी 3:18

हमरासबके नै झापले चेहरासे परभुके महिमाके झलकाइचियै। परभु आत्‍मा चियै आ उ अपनासबके औरो आपनलखा महिमामय रुपमे परिबरतन कैरतेजेतै।

२ कोरन्‍थी 5:20

ओहैसे हमसब खिरिस्‍टके राजदुतसब चियै आ परमेस्‍वर हमसबसे तोरासबके बिन्‍ती कैर रहलछौ। तुसब परमेस्‍वरसङे मेलमिलाप कर कैहके हमसब सेहो खिरिस्‍टके तरफसे तोरासबके बिन्‍ती करैचियौ।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

एफिसी 2:20

परेरित आ अगमबक्‍तासबके खुनल जगमे बनल घर तुसब चिही। यि जगके मुल खम्‍हा येसु खिरिस्‍ट आपने चियै।

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

१ युहन्‍ना 1:3

हमसब जे देखने आ सुन्‍ने चियै, से हमसब तोरासबके सुनाबैचियौ जेकि तुहुसब हमरासबसङे सङगती करेसकी। अपनासबके सङगती त पिता आ ओकर बेटा येसु खिरिस्‍टसङे छै।

१ युहन्‍ना 3:24

जे परमेस्‍वरके आग्‍यासब पालन करैछै, उ सबगोरा ओकरेमे रहैछै आ परमेस्‍वर ओकरासबमे रहैछै। परमेस्‍वर अपनासबमे बास करैछै से बात परमेस्‍वरके द्‍याल पबितर आत्‍मासे हमसब जानैचियै।

१ युहन्‍ना 4:17

अहिनङे अपनासबके परेम सिध हैतजेतै आ नियाइके दिनमे अपनासबके डराबे नै परतै, कथिलेकी खिरिस्‍ट जहैनछै, तहिनङे अपनोसब यि सन्‍सारमे चियै।

परकास 21:14

ओइ सहरके देबालके बारहटा जग छेलै आ ओइमे थुमाके बारह परेरितसबके नाम लिखल छेलै।