युहन्‍ना 17:11 - मध्‍य पुरविया थारू

¹¹ आब हम सन्‍सारमे नै रहबै, महज उसब त सन्‍सारेमे रहतै आ हम अहाँके लग आइबरहल चियै। हे पबितर पिता, अहाँ आपन नामके सक्‍तिसे एकरासबके रक्‍छा करु, जे नाम अहाँ हमरा देलियै, ताकि ओहोसब हम आ अहाँ एक भ्‍याल जखा एक हेबे।

युहन्‍ना 17:11 ပူးပေါင်းရင်းမြစ်များ

मतीके लिखल सुसमाचार 10:16

“देख, हम तोरासबके भेंरा जखा नरहियासबके बिचमे पठाइचियौ, तै खातिर तुसब साँप जखा चलाक आ पौरकी जखा सिधा-साधा रह।

मतीके लिखल सुसमाचार 5:48

जनङ स्‍वरगमे रहैबला तोरासबके पिता सिध छौ, तोरोसबके ओहिनङे सिध हेबे परतौ।”

मतीके लिखल सुसमाचार 6:9

तुसब अनङके परथना कर- ‘हे स्‍वरगमे रहैबला हमरासबके परमेस्‍वर पिता, अहाँके नामके आदर हेबे।

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

युहन्‍ना 13:3

येसु जानैछेलै कि पिता हमर हाथमे सबचिज देनेछै आ हम परमेस्‍वरसे एलचियै आ परमेस्‍वर लग ज्‍यारहल चियै।

युहन्‍ना 14:20

‘हम पितामे आ तुसब हमरमे आ हम तोरासबमे चियौ’ से बात तुसब ओइ दिन जानबिही।

युहन्‍ना 16:28

हम पितालगसे सन्‍सारमे एलचियै, आब फेनो सन्‍सार छोइरके पितालग घुइमके ज्‍यारहल चियै।”

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

युहन्‍ना 17:23

हम ओकरासबमे आ अहाँ हमरमे चियै। अहिनङके उसब पुरा रुपसे एक हेबे आ अहाँ हमरा पठाइनेचियै आ जहिनङे अहाँ हमरा परेम करैचियै तहिनङे हमरमे बिस्‍बास करैबलासबके परेम करैचियै से सन्‍सारके लोकसब जाने।

युहन्‍ना 17:25

“हे धारमिक पिता, सन्‍सारके लोकसब अहाँके नै जानैछै, महज हम अहाँके जानैचियै आ अहाँ हमरा पठाइनेचियै कैहके यि चेलासब जानैछै।

युहन्‍ना 17:6

“जे लोकसब अहाँ हमरा सन्‍सारसे देलियै हम ओइ लोकसबके अहाँके बारेमे सब चिज कैह देलियै। उसब अहाँके छेलै आ उसबके अहाँ हमरा देलियै आ उसब अहाँके बचन पालन करने छै।

युहन्‍ना 7:33

तब येसु कहल्‍कै, “हम कुछदेर तक मातरे औरो तोरासबसङे रहबौ, तकरबाद हमरा पठाइबला लग जेबौ।

परेरित 3:21

परमेस्‍वर पहिनेसे आपन पबितर अगमबक्‍तासबके मुहसे बोलल्‍हा सब चिजके पुनरअस्‍थापन हैबला बखत नै आबेतक खिरिस्‍टके स्‍वरगमे रहेपरतै।

रोमी 12:5

तहिनङे अपनासब बहुतो चियै तैयो खिरिस्‍टमे एकेटा देह चियै आ अपनासब एक-दोसरके सेबा दैबला अङसब चियै।

रोमी 9:17

कथिलेत पबितर धरमसास्‍तरमे मिसर देसके एक गोरा रजा फारोके बारेमे अनङ लिखल छै, “तोहरमे हम आपन सक्‍ती देखाइले आ पुरे सन्‍सारमे आपन नाम घोसना करैके उदेस्‍यसे हम तोरा रजा बनाइने चियौ।”

१ कोरन्‍थी 1:10

हे हमर भाइ-बहिनसब हम तोरासबके परभु येसु खिरिस्‍टके नाममे बिन्‍ती करैचियौ कि, तुसब एक दोसरसङे मिलजुइलके रह। तोरासबके बिचमे कोनो किसिमके मनमोटाब नै हेबे, महज तुसब एके मनके आ एके बिचारके हो।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

एफिसी 4:4

देह एके चियै आ पबितर आत्‍मो एके चियै। तहिनङ तोरासबके एके आसामे बोलाइनेछौ।

फिलिप्‍पी 2:9

ओहैसे परमेस्‍वर ओकरा सबसे उच बनाइल्‍कै आ ओकरा उ नाम देल्‍कै, जे सबनामसे उच छै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

हिबरु 9:24

खिरिस्‍ट त लोकसबके हाथसे बनल पबितर ठाममे नै ढुकलै, जे सत पबितर ठामके नमुना मातरे चियै, महज उ स्‍वरग भितर ढुकलै आ अखुन अपनासबके लेल परमेस्‍वरके अगा ठारभेल छै।

याकुब 4:4

हे बेबिचारी लोकसब! परमेस्‍वरके छोइरके यि सन्‍सारके खराब चालचलनमे चलैबला लोकसब परमेस्‍वरके दुस्‍मन हैछै से बात तोरौरके थाह नै छौ? अहैलेल यदि कोनो लोक यि सन्‍सारके खराब चालचलनमे चल्‍तै, उ परमेस्‍वरके दुस्‍मन चियै।

१ पतरुस 1:5

तुसब बिस्‍बास करलाके कारन परमेस्‍वरके सक्‍तिसे सुरक्‍छित रहलचिही। उ मुक्‍ती तोरासबके खातिर तैयार करनेछौ जे अन्‍तिम समयमे परगट हेतौ।

१ युहन्‍ना 3:12

अपनासब कयिन जखा नै हेबेपरतै। उ सैतानके लोक भेलाके कारन आपन भाइ हाबिलके मारल्‍कै। उ कथिले आपने भाइके मारल्‍कै? कथिलेत ओकर कामसब दुस्‍ट छेलै। महज ओकर भाइके काम धरमी छेलै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

यहुदा 1:1

हम यहुदा, येसु खिरिस्‍टके सेबक आ याकुबके भाइ, परमेस्‍वर पितासे बोल्‍याल आ येसु खिरिस्‍टसे रक्‍छा पाबलहासबके यि चिठी लिखैचियै।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।

परकास 15:4

हे परभु, अहाँके डर के नै मानैछै? आ अहाँके नामके महिमा के नै करैछै? कथिलेकी अहाँ मातरे पबितर चियै। सब जातीके लोकसब आइबके अहाँके अगा आराधना करतै, कथिलेत अहाँके धारमिक कामसब परकट भेलछै।”

परकास 19:12

ओकर आँख त आइगके धिधरा जखा छेलै आ ओकर मुरीमे बहुत मुकुटसब छेलै। ओइमे एकटा लया नाम लिखल छेलै, महज उ नाम ओकर बाहेक औरो ककरो थाह नै छेलै।

परकास 4:8

उ चारु परानीके छ-छटा डेन छेलै आ डेनके बाहर आ भितरमे आँखसे झापल छेलै। दिनरात उसब नै थाकैत पिराइत अनङ गाबैत रहैछै। “सरबसक्‍तिमान परमेस्‍वर पबितर, पबितर, पबितर चियै। उ छेलै, उ छै आ उ रहतै।”