युहन्‍ना 15:8 - मध्‍य पुरविया थारू

⁸ जब तुसब बहुत फल फराइबिही त हमर पिताके महिमा परकट हेतै आ तुसब हमर असल चेला चिही से बात परमानित हेतौ।

युहन्‍ना 15:8 ပူးပေါင်းရင်းမြစ်များ

मतीके लिखल सुसमाचार 5:16

अहिनङ तोरोसबके इजोत लोकसबके बिचमे चम्‍के, जहिनङ लोकसब तोरासबके असल काम देखके, स्‍वरगमे रहैबला पिताके परसन्‍सा करे।”

मतीके लिखल सुसमाचार 5:44

महज हम तोरासबके कहैचियौ, आपन दुस्‍मनोसबसे परेम कर आ तोरासबके सताबैबलासबके खातिर परथना कर,

मतीके लिखल सुसमाचार 9:8

जब लोकसबके भिर यि देखल्‍कै तब उसब डरा गेलै आ लोकसबके एहेन सक्‍ती दैबला परमेस्‍वरके परसन्‍सा करल्‍कै।

लुका 6:35

“महज आपन सतरुसबके परेम कर आ ओकरासबके भलाइ कर तब कोइ फिरता करतौ तै आसमे पैंचा नै दहै। तैसे तोरासबके इनाम बरका हेतौ तब तुसब महान परमेस्‍वरके बेटाबेटी कहाइबिही। कथिलेत उ बेगुनिया आ स्‍वारथी लोकसबके परेम करैछै।

युहन्‍ना 13:35

यदि तुसब एक-दोसरके परेम करबिही त, ओहैसे सबकोइ जान्‍तौ कि तुसब हमर चेलासब चिही।”

युहन्‍ना 15:5

“अङगुरके लती हम्‍ही चियौ, तुसब ठाइर चिही। यदी कोइ हमरमे रहतै आ हम ओकरमे रहबै त, उ बहौत फल फराइतै, कथिलेकी हमरसे अलग रैहके तुसब कुछो करैले नै सकबिही।

युहन्‍ना 8:31

येसु आपन उपर बिस्‍बास करैबला यहुदीसबके कहल्‍कै, “यदि तुसब हमर बचनके पालन करैत रहबिही त, साँचोके तुसब हमर चेला चिही।

१ कोरन्‍थी 10:31

तैखातिर तुसब खो, पि या जेकुछ कर, सबकुछ परमेस्‍वरके महिमाके लेल कर।

१ कोरन्‍थी 6:20

कथिलेत परमेस्‍वर तोरासबके मोल तिरके किन्‍ने छौ। तैखातिर तुसब आपन देहमे परमेस्‍वरके महिमा कर।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

तितस 2:10

उसब कोनो चोरी-चपाटी नै करे बरु सबदिन असल आ बिस्‍बासी भ्‍याके रहे जैसे आपन मुक्‍तीदाता परमेस्‍वरके बचनके सोहनगर बनाबे।

तितस 2:5

तब उसब आपने आपके बसमे राखैबला, सतबरती, दयालु आ आपन घरबलाके अधिनमे रैहके घर परिबारके सब बेबहार चलाइतै जैके कारनसे कोइयो नै परमेस्‍वरके बचनके बदनाम करे सक्‍तै।

१ पतरुस 2:12

परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।

१ पतरुस 4:11

जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।