युहन्‍ना 15:27 - मध्‍य पुरविया थारू

²⁷ तुहुसब हमर बारेमे गबाही देब्‍ही, कथिलेकी तुसब सुरुवेसे हमरसङे चिही।”

युहन्‍ना 15:27 ပူးပေါင်းရင်းမြစ်များ

मरकुस 1:1

परमेस्‍वरके बेटा येसु खिरिस्‍टके सुसमाचार अनङके सुरु हैछै।

लुका 24:48

तुहिसब यि बातके साक्‍छी चिही।

युहन्‍ना 19:35

जे कोइ यि घटना देखल्‍कै से कोइ ओकर गबाही देनेछै आ ओकर गबाही सत छै। उ जानैछै कि उ सत बोलैछै ताकि तुसब बिस्‍बास कर।

युहन्‍ना 21:24

यि ओह्‍या चेला चियै, जे यि सब बातके बारेमे गबाही द्‍यारहलछै। ओह्‍या यि लिखने छै आ ओकर गबाही सत छै कैहके हमसब जानैचियै।

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

परेरित 13:31

गालिल इलाकासे ओकरसङे यरुसलेममे एल्‍हासब लग बहौत दिनतक ओकर देखाब दैत रहलै। अखुन्‍तो उसब इजराएलके लोकसबलग ओकर साक्‍छी छेबेकरै।

परेरित 18:5

सिलास आ तिमोथी माकेडोनियाके इलाकासे एलाकेबाद पावल आपन पुरा समय सुसमाचार सुनाबैमे लाग्‍यादेल्‍कै। उ यहुदीसबके समझाइत रहलै, “येसुवे मुक्‍ती दैबला खिरिस्‍ट चियौ।”

परेरित 23:11

ओहै रात परभु पावलके लगमे खरा भ्‍याके कहल्‍कै, “पावल, साहस कर! कथिलेत जहिना यरुसलेममे हमर बारेमे गबाही देने छेल्‍ही तहिना तोरा रोममे सेहो गबाही दैले परतौ।”

परेरित 3:15

अहिनङे जिबन दैबलाके तुसब मारलिही, जकरा परमेस्‍वर मरलसे जियाइल्‍कै। हमसब यि बातके गबाही चियौ।

परेरित 4:20

कथिलेत जे बात देखने चियै आ सुनने चियै हमसब नै कैहके नै रहे सक्‍बै।”

परेरित 4:33

उ परेरितसब बहुत सक्‍तीसे परभु येसु मरके जिबित भ्‍याके उठलै तै बातके गबाही दैछेलै आ उसब सबके सङे परमेस्‍वरके बहुत बरका अनुगरह छेलै।

१ पतरुस 5:1

हम एकटा मन्‍डलीके एल्‍डर चियै आ खिरिस्‍टके भोगल दुख-कस्‍टके आपनेसे देख्‍ने चियै आ पछा आबैबला महिमामे सहभागी हेबै। ओहैसे हम तोरासबके बिचमे भेल एल्‍डरसबके बिन्‍ती करैचियौ।

१ पतरुस 5:12

हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।

१ युहन्‍ना 4:14

हमसब यि देख्‍ने चियै आ साक्‍छी दैचियै कि, परमेस्‍वर पिता सन्‍सारके मुक्‍ती दैबला हैकेलेल आपन बेटाके पठाइने छै।

परकास 1:2

युहन्‍ना आपनसे देखल सब बात लिख्‍नेछै। उ परमेस्‍वरके बचन आ येसु खिरिस्‍टके देख्‍याल सत बातके गबाही अइ किताबमे लिखनेछै।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।