युहन्‍ना 15:10 - मध्‍य पुरविया थारू

¹⁰ जनङ हम आपन पिताके आग्‍यापालन करनेचियै आ ओकर परेममे रहैचियै, तहिनङे तुहुसब हमर आग्‍यापालन करबिही त हमर परेममे रहबिही।

युहन्‍ना 15:10 ပူးပေါင်းရင်းမြစ်များ

युहन्‍ना 10:18

कोइने हमर परान हमरासे लैले सक्‍तै, महज हम आपने राजिखुसीसे दैचियै। आपन परान दैके अधिकार हमरेसङे छै आ फेनो ओकरा लैयोके अधिकार छै। एह्‍या आग्‍या हम आपन पितासे पाबनेचियै।”

युहन्‍ना 12:49

कथिलेकी हम आपने मनसे नै बाजैचियै महज हम कथी कहबै आ बोल्‍बै तैके आदेस हमरा पठाइबला पिता आपनेसे देने छै।

युहन्‍ना 14:15

“यदी तुसब हमरा परेम करैचिही त हमर देल आग्‍यासबके मानबिही।

युहन्‍ना 14:21

हमरा परेम करैबला उ चियै जे हमर आग्‍या सुइकार करैछै आ ओकर पालन करैछै। जे हमरा परेम करतै ओकरा हमर पितो परेम करतै। हम्‍हु ओकरा परेम करबै आ ओकरमे हम आपनके परगट करबै।”

युहन्‍ना 14:23

येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

युहन्‍ना 14:31

महज हम पिताके परेम करैचियै से बात सन्‍सारके सबलोक जाने कैहके हम सबकाम ओकरे आग्‍या अनुसार करैचियै। आब उठ आ अपनासब अतेसे चल।”

युहन्‍ना 17:4

अहाँ जे काम करैले हमरा जिमा देनेछेलियै, से काम पुरा कैरके पिरथिबीमे हम अहाँके महिमा करनेचियै।

युहन्‍ना 4:34

येसु ओइसबके कहल्‍कै, “हमर खाइबला चिज यि चियै, जे हम आपन पठाबैबलाके इक्‍छा बमोजिम करनाइ आ ओकर काम पुरा करनाइ चियै।

युहन्‍ना 8:29

जे हमरा पठाइने छै उ हमरे सङे छै। उ हमरा असगरे नै छोरने छै, कथिलेत हम हरदम ओकरा खुसि बनाइबला काम करैचियै।”

युहन्‍ना 8:55

तुसब ओकरा चिन्‍हने नै चिही महज हम ओकरा चिन्‍हने चियै। यदी हम ओकरा नै चिन्‍हैचियै कहबै त हम्‍हु तोरासब जखा झुठा ठहरतियै। महज हम ओकरा चिन्‍हैचियै आ ओकर बचन पालन करैचियै।

१ कोरन्‍थी 7:19

कथिलेत खतना करनाइ या नै करनाइ बरका बात नै चियै, महज परमेस्‍वरके आग्‍यापालन करनाइ सबसे बरका बात चियै।

१ थेसलोनिकी 4:1

अन्‍तमे हमर भाइ-भैयासब परमेस्‍वरके मनपरैबला जिबन कनङके जियैछै से हमसब तोरासबके सिखेलियौ ओहिनङके फेनु तुसब जियैचिही। तोरासबके जिबन औरो बहौत असल हेबे कैहके परभु येसुके नाममे हमसब तोरासबके बिन्‍ती करैचियौ।

हिबरु 7:26

अपनासबके लेल अहिनङे परधान पुजारीके आबसेक्‍ता छै। जे पबितर, निरदोस, सुधछै। परमेस्‍वर ओकरा पापी लोकसबसे छुटियाके सबसे उपर स्‍वरगमे राखल्‍कै।

२ पतरुस 2:21

कथिलेकी ओकरासबके देल पबितर आग्‍या जाइनके पछा हटैसे बरु उसब धारमिक बाट नै जानतियै त निक हेतियै।

१ युहन्‍ना 2:3

यदि अपनासब ओकर आग्‍यापालन करबै त अहैसे अपनासब जान्‍बै कि अपनासब ओकरा चिन्‍हैचियै।

१ युहन्‍ना 2:5

महज जे परमेस्‍वरके बचनके पालन करैछै उ परमेस्‍वरके साँचो परेम करैछै। ओहैसे अपनासब ओकरमे चियै से जानैचियै।

१ युहन्‍ना 2:6

परमेस्‍वरमे चियै कहैबला लोक येसुवे जखा चले परैछै।

१ युहन्‍ना 5:3

परमेस्‍वरसे परेम करनाइके मतलब ओकर आग्‍यासबके पालन करनाइ चियै। ओकर आग्‍यासब हमरासबके लेल भैरगर नै छै।

परकास 22:14

उसब धैनके चियै, जे आपन बस्‍तर धोइबके साफ करैछै। उसब जिबनके गाछके फल खाइले आ ओइ सहरके देहरीसे भितर जाइले पाबतै।