युहन्‍ना 14:6 - मध्‍य पुरविया थारू

⁶ येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 14:6 ပူးပေါင်းရင်းမြစ်များ

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

युहन्‍ना 1:4

बचन सिरिस्‍टी भेल सब चिजके जिबन दैबला छेलै। यि जिबन दैबला लोकसबके लेल इजोत छेलै।

युहन्‍ना 10:28

हम ओकरासबके अनन्‍त जिबन दैचियै, उसब कहियो नै नास हेतै आ कोइ नै ओकरासबके हमर हाथसे छिनके लजाबे सक्‍तै।

युहन्‍ना 10:7

ओहैसे येसु फेनो ओइसबके कहल्‍कै, “हम तोरा साँचोके कहैचियौ, भेंरासबके ढुकैबला केबार हम्‍ही चियै।

युहन्‍ना 10:9

ढुकैबला केबार हम्‍ही चियै, जे कोइ हमरबाटे ढुकतै से कोइ बाच्‍तै। उ भितर-बाहर करतै आ घास हैबला ठाममे चरैले पाबतै।

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

युहन्‍ना 15:1

येसु आपन चेलासबके कहल्‍कै, “साँचो अङगुरके लती हम्‍ही चियै आ हमर पिता किसान चियै।

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

युहन्‍ना 5:21

कथिलेत जहिनङ पिता मरलाहासबके जियाबैछै आ ओकरासबके जिबन दैछै, तहिनङ बेटो जकरा मन करैछै तकरा जिबन दैछै।

युहन्‍ना 6:33

कथिलेत परमेस्‍वरके रोटी ओह्‍या चियै, जे स्‍वरगसे आइबके सन्‍सारके जिबन दैछै।”

युहन्‍ना 6:51

स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

युहन्‍ना 6:57

जहिनङे हमर पिता हमरा पठेल्‍कै आ हम ओकर कारनसे जिबित चियै, ओहिनङे हमर देह खाइबला हमर कारनसे जिबित रहतै।

युहन्‍ना 6:68

सिमोन पतरुस जबाफ देल्‍कै, “हे परभु, हमसब कते जेबै? अहाँसङे अनन्‍त जिबन दैबला बचन छै।

युहन्‍ना 8:32

तब तुसब सतके जानबिही आ सत तोरासबके छुटकारा देतौ।”

युहन्‍ना 8:51

साँचोके हम तोरासबके कहैचियौ, यदी जे कोइ हमर कहल बचनके पालन करतै त उ कहियो नै मरतै।”

परेरित 3:15

अहिनङे जिबन दैबलाके तुसब मारलिही, जकरा परमेस्‍वर मरलसे जियाइल्‍कै। हमसब यि बातके गबाही चियौ।

परेरित 4:12

“येसु बाहेक औरो कोइ दोसरमे उदार नै छै, कथिलेत हमरासबके उदार पाबैले स्‍वरगके निचा लोकसबके बिचमे औरो कोनो दोसर नाम नै देनेछै।”

परेरित 9:2

आ उ दमस्‍कसके सभाघरसबके नाममे पुरजी माङल्‍कै, चाहे उ मरद हेबे या जनि, परभुके बाटमे चलैबला ओइसबके पकैरके यरुसलेम आने सकि कैहके अधिकार माङल्‍कै।

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

रोमी 5:2

खिरिस्‍ट हमरासबके बिस्‍बास दुवारा परमेस्‍वरके अनुगरहमे लाबने छै। यह्‍या अनुगरहके हमसब अखुन अनुभव करैचियै आ परमेस्‍वरके महिमामे सहभागी हैके आसमे आनन्‍द मनाबैचियै।

रोमी 5:21

पहिने पापके सक्‍ती सब लोकसबके पाप करैले लगेल्‍कै आ मरलै। आब परमेस्‍वरके दयासे हमसब ओकर अगा धरमी ठहरैचियै आ अपनासबके परभु येसु खिरिस्‍ट दुवारा अनन्‍त जिबन पाबैछै।

१ कोरन्‍थी 15:45

तैखातिर पबितर धरमसास्‍तरमे एहेन लिखल छै, “पहिल्‍का लोक आदम जिबित परानी भेलै।” महज अन्‍तिम आदम अरथात खिरिस्‍ट जिबन दैबला आत्‍मा चियै।

एफिसी 2:18

खिरिस्‍टके कारनसे अपनासब एके पबितर आत्‍मा पाइबके पिता परमेस्‍वरके सामने जाइले सकैबला भेलचिही।

कलस्‍सी 2:17

यि सब पछा आबैबला बातसबके छाह मातरे छेलै महज बास्‍तबिक बात त खिरिस्‍टे चियै।

कलस्‍सी 2:9

कथिलेत परमेस्‍वरके सारा परिपुर्‌नता खिरिस्‍टके देहमे बास करैछै।

कलस्‍सी 3:4

तोरासबके साँचोके जिबन त खिरिस्‍टे चियौ। जखैन उ परगट हेतौ तखैन तुसब ओकरे महिमामे परगट हेब्‍ही।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

हिबरु 9:8

पबितर आत्‍मा अहैसे देखाबैछै कि, जहियातक पहिन्‍का कोठलीके पबितर ठाम रहतै, ताबे तक दोसर कोठली महापबितर ठाम जाइबला रस्‍ता नै खुल्‍तै।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

१ पतरुस 2:4

तुसब परभुके लगमे या, जे परमेस्‍वरके जिबित पथल चियै, जकरा लोकसब छाइटदेनेछेलै महज उ परमेस्‍वरके दिरिस्‍टीमे छानल गेल आ बहुमुल्‍यके चियै।

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

१ युहन्‍ना 1:8

यदि अपनासब कहैचियै कि हमरमे पाप नै छै तब अपनासब अपने-आपके धोखा दैचियै आ अपनासबमे सत नै रहैछै।

१ युहन्‍ना 2:23

जे बेटाके इन्‍कार करैछै ओकरसङे पिता नै रहैछै महज जे बेटाके सुइकार करैछै ओकरसङे पितो रहैछै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

१ युहन्‍ना 5:6

येसु खिरिस्‍ट वह्‍या चियै जे पानी आ लहुसे एलै। उ पानीसे मातरे नै महज पानी आ लहुसे एलै। यि बात सत छै कैहके पबितर आत्‍मा साक्‍छी छै, कथिलेकी पबितर आत्‍मा सत चियै।

२ युहन्‍ना 1:9

खिरिस्‍टके सिक्‍छासे बाहर जाइबला लोकसङे परमेस्‍वर नै रहैछै, महज ओकर सिक्‍छामे चलैबला लोकसङे परमेस्‍वर पिता आ बेटा दुनु रहैछै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

परकास 19:11

तकरबाद हम स्‍वरग उघरल देखलियै आ ओते एकटा उजर घोरा छेलै। ओइमे सबार हैबला “बिस्‍बासयोग्‍य” आ “सत” कहेतै। उ ठिकसे नियाइ आ लराइ करतै।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

परकास 22:1

तकरबाद स्‍वरगदुत हमरा इस्‍फटिक जखा चमकदार जिबनके पानीके लदी देखल्‍कै। उ लदी परमेस्‍वर आ थुमाके सिंहासनसे निकैलके,

परकास 22:17

पबितर आत्‍मा आ कनिया कहैछै, “आबु!” जे लोक सुनैछै, उहो लोक कहे कि, “आबु।” जे पियासल छै, उ आबे आ जकरा इक्‍छा लागैछै उ जिबनके पानी मङनिएमे पिबे!

परकास 3:14

“लाउडिकियाके मन्‍डलीके देख-भाल करैबला दुतके यि लिख: ‘परमेस्‍वरके सिरिस्‍टीके सासक, जे बिस्‍बास योग्‍य, साँचो साक्‍छी आ आमेन चियै, उ अनङ कहैछै।

परकास 3:7

“फिलाडेल्‍फियाके मन्‍डलीके देख-भाल करैबला दुतके यि लिख, ‘उ जे पबितर आ सत छै, जकर हाथमे दाउदके कुजी छै आ जकर खोलल केबार कोइ नै बन्‍द करैले सक्‍तै या बन्‍द करल केबार कोइ नै खोलैले सक्‍तै।