युहन्‍ना 14:31 - मध्‍य पुरविया थारू

³¹ महज हम पिताके परेम करैचियै से बात सन्‍सारके सबलोक जाने कैहके हम सबकाम ओकरे आग्‍या अनुसार करैचियै। आब उठ आ अपनासब अतेसे चल।”

युहन्‍ना 14:31 ပူးပေါင်းရင်းမြစ်များ

मतीके लिखल सुसमाचार 26:39

उ कन्‍हिक अगा बैढके भुइयामे मुरी गोइतके अनङ कैहके परथना करेलाग्‍लै, “हे हमर पिता, यदी भ्‍यासकैछै त यि दुखके बाटी हमरासे हटा दिय, महज तैयो हमर इछा बमौजी नै, बल्‍की अहिके इछा बमौजी हेबे।”

मतीके लिखल सुसमाचार 26:46

आब उठ, ज्‍याके देख्‍ही त! हमरा धोखा द्‍याके पकराबैबला आइबगेल छौ।”

लुका 12:50

एकटा दुखके बप्‍तिस्‍मा हमरा लैले परतै। जाबेतक हम उ बप्‍तिस्‍मा नै लेबै ताबेतक हमरा चैन नै हेतै।

युहन्‍ना 10:18

कोइने हमर परान हमरासे लैले सक्‍तै, महज हम आपने राजिखुसीसे दैचियै। आपन परान दैके अधिकार हमरेसङे छै आ फेनो ओकरा लैयोके अधिकार छै। एह्‍या आग्‍या हम आपन पितासे पाबनेचियै।”

युहन्‍ना 12:27

“आब हमर मन बेचैन भेल छै, हम कथी कहु? कि हम यि कहबै ‘हे परमेस्‍वर पिता, आबैबला दुखसे हमरा बचाबु’? नै, एह्‍या कारनसे हम अइ समयतक आइबगेलियै।

युहन्‍ना 12:49

कथिलेकी हम आपने मनसे नै बाजैचियै महज हम कथी कहबै आ बोल्‍बै तैके आदेस हमरा पठाइबला पिता आपनेसे देने छै।

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

युहन्‍ना 15:9

“जनङ पिता हमरा परेम करने छै, हम्‍हु तोरासबके परेम करनेचियौ। आब तुसब हमर परेममे रह।

युहन्‍ना 18:11

महज येसु पतरुसके कहल्‍कै, “आपन तलबार मियानमे राख। पिता हमरा देल यि दुखके बाटीसे कि हम नै पिबै?”

युहन्‍ना 4:34

येसु ओइसबके कहल्‍कै, “हमर खाइबला चिज यि चियै, जे हम आपन पठाबैबलाके इक्‍छा बमोजिम करनाइ आ ओकर काम पुरा करनाइ चियै।

फिलिप्‍पी 2:8

उ मानबके रुप धारन कैरके आपनके नम्‌र बनाइल्‍कै आ मिरतु तक मातरे नै, कुरूसके मिरतु तक आग्‍याकारी भ्‍याके रहलै।