युहन्‍ना 14:23 - मध्‍य पुरविया थारू

²³ येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

युहन्‍ना 14:23 ပူးပေါင်းရင်းမြစ်များ

युहन्‍ना 10:30

पिता आ हम एके चियै।”

युहन्‍ना 14:15

“यदी तुसब हमरा परेम करैचिही त हमर देल आग्‍यासबके मानबिही।

युहन्‍ना 14:17

उ पबितर आत्‍मा चियै जे सब सत्‍यतामे अगुवाइ करैछै। जकरा सन्‍सार गरहन नै करे सकैछै कथिलेत सन्‍सार ओकरा नै देखैछै नै चिन्‍हैछै। महज तुसब ओकरा चिन्‍हैचिही कथिलेत उ तोरासबसङे-सङे रहतौ आ उ तोरासबमे बास करतौ।

युहन्‍ना 14:21

हमरा परेम करैबला उ चियै जे हमर आग्‍या सुइकार करैछै आ ओकर पालन करैछै। जे हमरा परेम करतै ओकरा हमर पितो परेम करतै। हम्‍हु ओकरा परेम करबै आ ओकरमे हम आपनके परगट करबै।”

युहन्‍ना 14:24

जे हमरा परेम नै करैछै, उ हमर बचनके पालन नै करैछै। जे बचन तुसब सुनैचिही, उ बचन हमर नै, महज हमरा पठाइबला पिताके चियै।

युहन्‍ना 15:10

जनङ हम आपन पिताके आग्‍यापालन करनेचियै आ ओकर परेममे रहैचियै, तहिनङे तुहुसब हमर आग्‍यापालन करबिही त हमर परेममे रहबिही।

युहन्‍ना 16:27

पिता आपनेसे तोरासबके परेम करैछौ, कथिलेत त तुसब हमरा परेम करनेचिही आ हम परमेस्‍वर लगसे एलचियै से तुसब बिस्‍बास करनेचिही।

युहन्‍ना 6:56

हमर देह खाइबला आ हमर लहु पियैबला हमरमे रहैछै आ हम ओकरमे रहैचियै।

युहन्‍ना 8:51

साँचोके हम तोरासबके कहैचियौ, यदी जे कोइ हमर कहल बचनके पालन करतै त उ कहियो नै मरतै।”

युहन्‍ना 8:52

तखन यहुदी अगुवासब ओकरा कहल्‍कै, “आब त साँचेके हमसब जाइन गेलियै कि, तोरा भुत लागल छौ। अबराहम मरलै आ अगमबक्‍तासब सेहो मरलै, महज तु कहैचिही कि ‘यदी कोनो लोक हमर बचनके पालन करतै त उ कहियो नै मरतै।’

२ कोरन्‍थी 6:16

परमेस्‍वरके मन्‍दिरके मुरतीसङे कोन समबन्‍ध? कथिलेकी हमसब त जिबित परमेस्‍वरके मन्‍दिर चियै। जनङकी परमेस्‍वर कहनेछै, “हम ओकरासबमे बास करबै आ ओकरासबके बिचमे चल-फिर करबै। हम ओकरासबके परमेस्‍वर हेबै आ उसब हमर परजा हेतै।

एफिसी 3:17

तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

१ युहन्‍ना 2:24

तै खातिर जे बात तुसब सुरुसे सुन्‍ने चिही, तकरा आपन मनमे राखने रह। यदि उ तोरासबके मनमे रहतौ त, तुहुसब बेटा आ पिताके मनमे बास करबिही।

१ युहन्‍ना 2:5

महज जे परमेस्‍वरके बचनके पालन करैछै उ परमेस्‍वरके साँचो परेम करैछै। ओहैसे अपनासब ओकरमे चियै से जानैचियै।

१ युहन्‍ना 4:4

हमर धियापुतासब, तुसब परमेस्‍वरके चिही आ तुसब झुठा अगमबक्‍तासबके जितनेचिही कथिलेत तोरासबमे रहल पबितर आत्‍मा सन्‍सारमे भेल आत्‍मासे सक्‍तिसाली छै।

१ युहन्‍ना 5:3

परमेस्‍वरसे परेम करनाइके मतलब ओकर आग्‍यासबके पालन करनाइ चियै। ओकर आग्‍यासब हमरासबके लेल भैरगर नै छै।

२ युहन्‍ना 1:6

परेम करनाइके मतलब ओकर आग्‍या अनुसार जिबन जिनाइ चियै। तोरासबके सुरुवेसे सुनल आग्‍या एह्‍या चियौ कि तुसब सबगोरा परेममे चल।

परकास 21:22

हम सहरके भितरमे कोनो मन्‍दिर नै देखलियै। कथिलेत सरबसक्‍तिमान परभु परमेस्‍वर आ थुमे ओइ सहरके मन्‍दिर छेलै।

परकास 21:3

तब हम सिंहासनसे एहेन कहल एकटा बरका अबाज सुनलियै, “देख, परमेस्‍वरके बास लोकसबसङे भेल छै। परमेस्‍वर ओइसबसङे बास करतै आ उसब ओकर लोकसब हेतै। परमेस्‍वर आपने ओइसबके परमेस्‍वर भ्‍याके ओकरासबसङे रहतै।

परकास 22:3

आबसे उ सहरमे परमेस्‍वरके सरापके कोनोभी बात नै रहतै। परमेस्‍वर आ थुमाके सिंहासन ओते रहतै आ ओकर सेबकसब ओकरा सेबा करतै।