युहन्‍ना 14:21 - मध्‍य पुरविया थारू

²¹ हमरा परेम करैबला उ चियै जे हमर आग्‍या सुइकार करैछै आ ओकर पालन करैछै। जे हमरा परेम करतै ओकरा हमर पितो परेम करतै। हम्‍हु ओकरा परेम करबै आ ओकरमे हम आपनके परगट करबै।”

युहन्‍ना 14:21 ပူးပေါင်းရင်းမြစ်များ

लुका 11:28

महज येसु कहल्‍कै, “उसब धैनके चियै, जेसब परमेस्‍वरके बचन सुनैछै आ मानैछै।”

युहन्‍ना 14:15

“यदी तुसब हमरा परेम करैचिही त हमर देल आग्‍यासबके मानबिही।

युहन्‍ना 14:18

हम तोरासबके टुगर बनाके नै छोरबौ, हम फेनो तोरासबके लग एबौ।

युहन्‍ना 15:14

यदी तुसब हमर देल आग्‍यापालन करैचिही त, तुसब हमर सङी चिही।

युहन्‍ना 16:14

उ हमर महिमा करतौ, कथिलेत जे हमर चियै, से हमरसे ल्‍याके तोरासबके कैहदेतौ।

युहन्‍ना 16:27

पिता आपनेसे तोरासबके परेम करैछौ, कथिलेत त तुसब हमरा परेम करनेचिही आ हम परमेस्‍वर लगसे एलचियै से तुसब बिस्‍बास करनेचिही।

युहन्‍ना 17:23

हम ओकरासबमे आ अहाँ हमरमे चियै। अहिनङके उसब पुरा रुपसे एक हेबे आ अहाँ हमरा पठाइनेचियै आ जहिनङे अहाँ हमरा परेम करैचियै तहिनङे हमरमे बिस्‍बास करैबलासबके परेम करैचियै से सन्‍सारके लोकसब जाने।

परेरित 22:18

आ परभुके दरसन पाबलियै तब दरसनमे परभु हमरा कहल्‍कै, ‘हबर-हबर यरुसलेमसे जल्‍दीए चैल जो कथिलेत लोकसब हमर बारेमे देल तोहर गबाही नै सुइकारतौ।’

२ कोरन्‍थी 12:8

हमर देहसे यि हट्‍या दिय कहैके हम तिन बेर परभुसे परथना करलियै।

२ कोरन्‍थी 3:18

हमरासबके नै झापले चेहरासे परभुके महिमाके झलकाइचियै। परभु आत्‍मा चियै आ उ अपनासबके औरो आपनलखा महिमामय रुपमे परिबरतन कैरतेजेतै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

२ थेसलोनिकी 2:16

आब अपनासबके परभु येसु खिरिस्‍ट आ अपनासबके परमेस्‍वर पिता अपनासबके परेम करल्‍कै। उ आपन अनुगरहसे अनन्‍त उत्‍साह आ असल आस देल्‍कै।

२ तिमोथी 4:22

परभु तोहर आत्‍मामे बास करैत रहे। तोरासबके उपर परमेस्‍वरके अनुगरह बनल रहे।

१ युहन्‍ना 2:5

महज जे परमेस्‍वरके बचनके पालन करैछै उ परमेस्‍वरके साँचो परेम करैछै। ओहैसे अपनासब ओकरमे चियै से जानैचियै।

१ युहन्‍ना 3:1

देख्‍ही त, पिता अपनासबके कतहेक परेम करने छै, जे साँचोके हमसब परमेस्‍वरके बेटा-बेटी कहाइचियै। सन्‍सारके लोकसब परमेस्‍वरके नै चिन्‍हलाके कारन अपनासबके नै चिन्‍हैछै।

१ युहन्‍ना 5:3

परमेस्‍वरसे परेम करनाइके मतलब ओकर आग्‍यासबके पालन करनाइ चियै। ओकर आग्‍यासब हमरासबके लेल भैरगर नै छै।

२ युहन्‍ना 1:6

परेम करनाइके मतलब ओकर आग्‍या अनुसार जिबन जिनाइ चियै। तोरासबके सुरुवेसे सुनल आग्‍या एह्‍या चियौ कि तुसब सबगोरा परेममे चल।

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

परकास 22:14

उसब धैनके चियै, जे आपन बस्‍तर धोइबके साफ करैछै। उसब जिबनके गाछके फल खाइले आ ओइ सहरके देहरीसे भितर जाइले पाबतै।

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।