युहन्‍ना 14:13 - मध्‍य पुरविया थारू

¹³ तुसब हमर नाममे जे कुछ माङबिही, ओइसे बेटासे पिताके महिमा हेबे कैहके हम पुरा कैरदेबौ।

युहन्‍ना 14:13 ပူးပေါင်းရင်းမြစ်များ

मतीके लिखल सुसमाचार 21:22

तुसब बिस्‍बास कैरके परथनामे परमेस्‍वरसे जे माङबिही से तुसब पाबबिही।”

मतीके लिखल सुसमाचार 7:7

“माङ त तोरासबके देतौ, खोज त तोरासबके भेटतौ, ढकढका त तोरासबके लेल केबार खुलतौ।

मरकुस 11:24

अहै खातिर हम तोरासबके कहैचियौ, तुसब परथनामे जे माङबिही, से पाइबगेलचिही कैहके बिस्‍बास कर आ उ मिल जेतौ।

लुका 11:9

तहै खातिर हम तोरासबके कहैचियौ, माङ, त तोरासबके देतौ। खोज, त तोरासबके भेटतौ। ढकढका, त तोरासबके खातिर केबार खुलतौ।

युहन्‍ना 10:30

पिता आ हम एके चियै।”

युहन्‍ना 12:44

येसु जोरसे कहल्‍कै, “जे हमरा बिस्‍बास करैछै, उ हमरा मातरे नै, महज हमरा पठाइबलाके बिस्‍बास करैछै।

युहन्‍ना 13:31

जब यहुदा बाहर निकैलके गेलै, तब येसु उसबके कहल्‍कै, “आब मानब बेटाके महिमा परगट हेतौ आ ओकरमे परमेस्‍वरके महिमा परगट हेतै।

युहन्‍ना 14:14

तुसब हमर नाममे कोनो चिज माङबिही त से हम पुरा कैरदेबौ।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 15:16

तुसब हमरा नै चुनलिही, महज हम तोरासबके चुनलियौ। आब जो आ सबदिन रहैबला फल फराइहे कैहके हम तोरासबके चुनलियौ। तहैलेल तुसब हमर नाममे पितासे जे कुछ माङबिही उ तोरासबके देतौ।

युहन्‍ना 15:7

यदी तुसब हमरमे रहबिही आ हमर बचन तोरासबमे रहतौ त, तुसब जे माङैले चाहैचिही से माङ आ उ तोरासबके देतौ।

युहन्‍ना 16:23

ओइ दिन तुसब हमरा कुछो नै पुछबिही। हम साँचोके कहैचियौ, तुसब हमर नाममे पिता सङे जे माङबिही, से उ तोरासबके देतौ।

युहन्‍ना 16:26

तै बखत तुसब आपनेसे हमर नाममे माङबिही। हम तोरासबके खातिर पिता सङे माइङ देबौ कैहके नै कहे परतौ।

युहन्‍ना 16:7

महज साँचोके हम तोरेसबके कहैचियौ, हम अतेसे जेबौ तब मातरे तोरासबके असल हेतौ। कथिलेत यदी हम नै जेबौ त तोरासबके सल्‍लाह दैबला पबितर आत्‍मा तोरासबके लग नै एतौ। महज जब हम जेबौ, तब हम ओकरा तोरासबके लग पठाइबौ।

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

युहन्‍ना 5:19

तब येसु ओइसबके जबाफ देल्‍कै, “साँचोके हम तोरासबके कहैचियौ, बेटा स्‍वयम आपनेसे कुछो करे नै सकैछै, महज पिताके जे करैत देखैछै, उ ओह्‍या मातरे करे सकैछै, कथिलेत पिता जे-जे करैछै, बेटो ओह्‍या-ओह्‍या करैछै।

युहन्‍ना 7:37

पाबैनके अन्‍तिम दिन अरथात मुल दिनमे येसु ठार भ्‍याके जोरसे कहल्‍कै, “तोरासबमेसे यदि कोइ पियासल चिही त उ हमरलग आबे आ पिबे।

१ कोरन्‍थी 14:13

तैखातिर जे आन भसामे बोलैछै, तकर अरथ बताबैके बरदानके लेल उ परथना करे।

एफिसी 2:18

खिरिस्‍टके कारनसे अपनासब एके पबितर आत्‍मा पाइबके पिता परमेस्‍वरके सामने जाइले सकैबला भेलचिही।

एफिसी 3:12

येसु खिरिस्‍टमे बिस्‍बास करैके कारन हमसब साहस आ भरोसाके साथ परमेस्‍वरके अगा आबैले पाबैचियै।

एफिसी 3:14

अहै खातिर हम परमेस्‍वर पिताके अगा ठेङहुनिया द्‍याके परथना करैचियौ।

फिलिप्‍पी 4:13

खिरिस्‍टके देल सक्‍तीसे हम सबचिज करैले सकैचियै।

कलस्‍सी 3:17

तुसब किछो कहबिही तैयो, किछो करबिही तैयो सब बात परभु येसुके नाममे कर तब ओकरेसे परमेस्‍वर पिताके धन्‍यबाद चरहा।

हिबरु 13:15

अहैलेल अपनासब येसुके नाउमे परमेस्‍वरके परसन्‍साके बली सबदिन चरहाइत रह। उहे अपनासबके परभु चियै कैहके सुइकार करैत अपनासबके मुहसे निकलल परसन्‍सा अपनासबके चरह्‍याल भेटी चियै।

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

याकुब 1:5

महज तोरौरके बिचमे ककरो-ककरो बुइधके कमी छौ त उ परमेस्‍वरसे माङे आ परमेस्‍वर तोरासबके उदार चितसे परसस्‍त कैरके देतौ।

याकुब 5:16

ओहैसे यदि निक हैले चाहैचियै त आपन करल पाप एक-दोसरके अगा सुइकार कर आ एक-दोसरके खातिर परथना कर। धरमी लोकके करल परथनासे परमेस्‍वर सक्‍तिसाली आ परभावकारी तबरसे काम करैछै।

१ पतरुस 2:5

तुसब जिबित पथल चिही। परमेस्‍वर तोरासबके परयोग कैरके आपन आत्‍मिक मन्‍दिर बन्‍यारहलछौ, ताकी तुसब पबितर पुजारी भ्‍याके येसु खिरिस्‍टसे परमेस्‍वरके मनपरैबला आत्‍मिक बलिदान चरहाइले सकबिही।

१ युहन्‍ना 3:22

तब अपनासब जे माङबिही से सब चिज ओकरेसे पाबबिही कथिलेत अपनासब ओकर आग्‍या मानैचियै आ ओकरा निक लागैबला काम करैचियै।

१ युहन्‍ना 5:14

परमेस्‍वरके इक्‍छा बमौजी जे कुछ माङैचियै उ अपनासबके परथना सुनैछै कैहके अपनासबके पुरा बिस्‍बास छै।