युहन्‍ना 13:9 - मध्‍य पुरविया थारू

⁹ तकरबाद सिमोन पतरुस ओकरा कहल्‍कै, “ओहेन छै त, परभु, हमर टाङ मातरे नै, महज हमर हाथ आ मुरो धोइबदिय।”

युहन्‍ना 13:9 ပူးပေါင်းရင်းမြစ်များ

मतीके लिखल सुसमाचार 27:24

जखन पिलातस येसुके बचाइबला यि उपाय असफल हैत मातरे नै बल्‍की अइसे उपदरब मैच जेतै देखल्‍कै, तै डरसे पानी ल्‍याके भिरके अगा आपन हाथ धोवाइत कहल्‍कै, “अइ लोकके लहुके दोसी हम नै चियै। तुहिसब अइ बातके जिम्‍मेबार हेब्‍ही!”

युहन्‍ना 13:10

तब येसु ओकरा कहल्‍कै, “जे असलान करने छै ओकर टाङ मातरे धोबे परतै, कथिलेत उ पुरे सुध रहैछै। तुसब सुध त चिही, महज सबकोइ नै।”

युहन्‍ना 13:8

पतरुस कहल्‍कै, “हम अहाँके आपन टाङ कहियो नै धुवाबैले द्‍याब!” तब येसु ओकरा जबाफ देल्‍कै, “यदि हम तोहर टाङ नै धोबौ त हमरसङे तोहर कोनो समबन्‍ध नै रहतौ।”

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।