युहन्‍ना 13:8 - मध्‍य पुरविया थारू

⁸ पतरुस कहल्‍कै, “हम अहाँके आपन टाङ कहियो नै धुवाबैले द्‍याब!” तब येसु ओकरा जबाफ देल्‍कै, “यदि हम तोहर टाङ नै धोबौ त हमरसङे तोहर कोनो समबन्‍ध नै रहतौ।”

युहन्‍ना 13:8 ပူးပေါင်းရင်းမြစ်များ

मतीके लिखल सुसमाचार 16:22

पतरुस यि बात सुइनके ओकरा एक कातमे लज्‍याके हपारैले लाग्‍लै, “हे परभु! परमेस्‍वर एहेन नै हेबे, अहाँ उपर एहेन कहियो नै हेतै।”

मतीके लिखल सुसमाचार 21:29

महज बेटा कहल्‍कै, ‘हम नै ज्‍याब’, महज पछा ओकरा पछुताबा भेलै तब उ काममे गेलै।

मतीके लिखल सुसमाचार 26:33

ओतबेहेकमे पतरुस येसुके कहल्‍कै, “सबकोइ अहाँके छोइर देत महज हम कहियो नै छोरब।”

मतीके लिखल सुसमाचार 26:35

पतरुस ओकरा कहल्‍कै, “अदी हमरा अहाँसङे मरैयो परतै त हम अहाँके कहियो नै इन्‍कार करब।” तब औरो चेलासब सेहो एह्‍या बात कहल्‍कै।

युहन्‍ना 13:6

जब येसु सिमोन पतरुस लग एलै, तब पतरुस कहल्‍कै, “परभु, कि अहाँ हमर टाङ धुवाइबै?”

युहन्‍ना 13:9

तकरबाद सिमोन पतरुस ओकरा कहल्‍कै, “ओहेन छै त, परभु, हमर टाङ मातरे नै, महज हमर हाथ आ मुरो धोइबदिय।”

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

परेरित 22:16

तै खातिर आब कथिले ढिला-सुस्‍ती करैचिही? उठ आ बप्‍तिस्‍मा ले आ येसुके नाम ल्‍याके आपन पापसे सुध हो।’

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

एफिसी 5:26

खिरिस्‍ट मन्‍डलीके बचन रुपी पानीसे धोइबके सुध आ पबितर बनाइल्‍कै।

कलस्‍सी 2:18

हमरासबके दरसन मिललछै कैहके झुठ नमरता देखाबैत, स्‍वरगदुतके पुजा करैबला आ आपनेके महान समझैबलासब छै। उसब एहेन छल-कपटमे फैसके तुसब पाबैबला इनाम नै गुमा। एहेन लोकसब बिना कारन देहके स्‍वभाबके ग्‍यानमे घमन्‍ड कैरके फुलल रहैछै।

कलस्‍सी 2:23

धरम-करम करैबला, देखाबटी नम्‌र रहैबला आ बाबाजी जखा जियैबला, यि सब बुधिमान जखा देखापरैछै, महज यि आपन देहके अधलाह इक्‍छाके बसमे राखैले कोनो कामके नै हैछै।

तितस 3:5

तब उ अपनासबके बचेल्‍कै। अपनासब कोनो धरम-करम करलाके कारन नै महज ओकर दया आपनसबमे भेलाके कारन बचेल्‍कै। ओकर पबितर आत्‍मासे अपनासबके पाप धुवाके अपनासबके नया जलम आ नया जिबन देल्‍कै।

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

परकास 7:14

हम ओकरा कहलियै, “गुरु जी, हमरा थाह नै छै। अहिके थाहछै।” उ हमरा कहल्‍कै, “उसब त बरका भारी सताबट सैहके एलछै आ उसब आपन-आपन बस्‍तर थुमाके लहुसे धोइबके उजर बनाइनेछै।