युहन्‍ना 13:3 - मध्‍य पुरविया थारू

³ येसु जानैछेलै कि पिता हमर हाथमे सबचिज देनेछै आ हम परमेस्‍वरसे एलचियै आ परमेस्‍वर लग ज्‍यारहल चियै।

युहन्‍ना 13:3 ပူးပေါင်းရင်းမြစ်များ

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

लुका 10:22

“हमर पिता हमरा सबचिजके जिमा देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै आ बेटा ओकरा जकरलग परगट करैके इक्‍छा करैछै से औरो कोइ नै जानैछै।”

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

युहन्‍ना 17:2

कथिलेत अहाँ आपन बेटाके सब लोकसब उपर अधिकार देनेचियै, ताकि अहाँके देल सब लोकसबके अनन्‍त जिबन देबेसकी।

युहन्‍ना 3:13

स्‍वरगसे उतैरके एल हम मानबके बेटा बाहेक कोइ नै स्‍वरगमे चरहल छै।

युहन्‍ना 3:35

परमेस्‍वर आपन बेटाके परेम करैछै आ सब चिज ओकरे हाथमे राइखदेनेछै।

युहन्‍ना 7:29

महज हम ओकरा चिन्‍हैचियै, कथिलेत हम ओकर लगसे एलचियै आ ओह्‍या हमरा पठाइने छै।”

युहन्‍ना 7:33

तब येसु कहल्‍कै, “हम कुछदेर तक मातरे औरो तोरासबसङे रहबौ, तकरबाद हमरा पठाइबला लग जेबौ।

युहन्‍ना 8:14

येसु ओइसबके जबाफदैत कहल्‍कै, “हम आपने बारेमे गबाही दैचियै, तैयो हमर गबाही सुइकारे जोकर छै। कथिलेत हम जानैचियै कि हम कतेसे एलचियै आ कते ज्‍यारहल चियै, महज तुसब यि बात नै जानैचिही कि हम कतेसे एलचियै आ कते ज्‍यारहल चियै।

युहन्‍ना 8:42

येसु ओकरासबके कहल्‍कै, “यदी परमेस्‍वर तोरासबके पिता रहतियौ त, तुसब हमरा मया करने रहतिही, कथिलेकी हम परमेस्‍वर लगसे एलचियै आ अखन हम अते चियै। हम आपन इक्‍छासे नै एलचियै, महज उ हमरा पठेने छै।

परेरित 2:36

“तै खातिर इजराएलके पुरे खानदान निकसे जाने कि येसु जकरा, तोहेसब कुरूसमे लटकेल्‍ही, परमेस्‍वर ओकरा परभु आ खिरिस्‍ट बनाइल्‍कै।”

१ कोरन्‍थी 15:27

कथिलेत पबितर धरमसास्‍तरमे एहेन लिखल छै, “परमेस्‍वर सबकुछ खिरिस्‍टके अधिनमे राइख देनेछै।” महज यि परस्‍ट छै कि “सबकुछ” कहाइके मतलब परमेस्‍वर सबकुछ खिरिस्‍टके अधिनमे राइख देनेछै महज आपने खिरिस्‍टके अधिनमे नै छै।

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।