युहन्‍ना 13:13 - मध्‍य पुरविया थारू

¹³ तुसब त हमरा ‘गुरु’ आ ‘परभु’ कहैचिही। यि त तुसब ठिके कहैचिही, कथिलेत हम ओह्‍या चियौ।

युहन्‍ना 13:13 ပူးပေါင်းရင်းမြစ်များ

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

लुका 10:28

येसु कहल्‍कै, “तोहे ठिक कहैचिही। ओहिनङे कर तब तु जिबही।”

लुका 6:46

“हमर कहल बात नै करैचिही आ नै मानैचिही त तुसब कथिले हमरा ‘परभु, परभु’ कहैचिही?

लुका 7:43

सिमोन जबाफ देल्‍कै “हमर बिचारमे जे कोइ बेसी माफ पाबल्‍कै।” येसु कहल्‍कै, “तोहे ठिक कहलिही।”

युहन्‍ना 11:2

ओह्‍या मरियम पाछे येसुके टाङमे अतर लग्‍याके आपन केससे पोछनेछेलै। ओकरे भाइ लाजरस बिमार भेल छेलै।

युहन्‍ना 11:28

अतबेक कहैके मारथा गेलै आ आपन बहिन मरियमके एक कातमे बोल्‍याके कहल्‍कै, “गुरु जी एते एलछै आ तोरा बोल्‍यारहल छौ।”

युहन्‍ना 11:3

तैखातिर दुनु बहिन येसुके एहेन कैहके समाध पठाइने छेलै, “परभु, जकरा अहाँ परेम करैचियै, उ बिमार भेल छै।”

१ कोरन्‍थी 12:3

तैखातिर हम तोरासबके यि बात बुझ कैहके चाहैचियौ, कि परमेस्‍वरके आत्‍माके अगुवाइमे चलैबला कोइ नै “येसु सरापित हेबे” कहतै आ पबितर आत्‍माके अगुवाइसे मातरे कोनो लोक “येसुवे परभु चियै” कैहके आपन मुहसे सुइकार करैले सक्‍तै।

१ कोरन्‍थी 8:6

महज हमसब जानैचियै कि, अपनासबके एक मातरे परमेस्‍वर पिता छै, जकरसे सब चिजके सिरिस्‍टी भेलै आ हमसब ओकरे लेल जियैचियै। अपनासबके थाहछै कि, अपनासबके एक मातरे परभु, येसु खिरिस्‍ट छै। ओकरेसे सबकुछ सिरिस्‍टी भेलै आ जकरसे हमसब जियैचियै।

एफिसी 6:9

हौ मालिकसब, तैहनङे कैरके अहुसब आपन नोकर-चाकरसबके असल बेबहार करु आ ओइसबके नै धम्‍काब कथिलेत अहाँसबके आ उसब दुनुके एकेटा मालिक स्‍वरगमे छै से बात नै बिसर। उ ककरो पक्‍छ ल्‍याके नियाय नै करैछै।

फिलिप्‍पी 2:11

सबकोइ परमेस्‍वर पिताके महिमाके लेल येसु खिरिस्‍टके परभु कैहके सुइकार करेपरतै।

फिलिप्‍पी 3:8

साँचोके कहबै त, खिरिस्‍ट येसु हमर परभुके चिन्‍हैले पाबैबला अनमोल बातके तुलनामे औरो सब बातके हम बेकार सम्‍झैचियै। खिरिस्‍टके पाबैले सकी कैहके ओकरलेल हम सबबातके नोक्‍सानी भोगने चियै आ सब चिजके मैला सम्‍झैचियै,

याकुब 2:19

परमेस्‍वर एकेटा छै कैहके तु बिस्‍बास करैचिही। बहौत निक! महज एहेन बिस्‍बास त भुतोसब करैछै आ डरसे थरथर कापैछै।