युहन्‍ना 12:5 - मध्‍य पुरविया थारू

⁵ “कि यि गमकौवा तेल तिन सय चानीके डलरमे बेचके गरिबसबके देतियै त नै हेतियै?”

युहन्‍ना 12:5 ပူးပေါင်းရင်းမြစ်များ

मतीके लिखल सुसमाचार 18:28

“तब उ नोकर रजालगसे गेलै आ आपनसङे काम करैबला सङी नोकरके भेटलै। जे एकसय चानीके डलर ओकरसे करजा लेने रहै। उ ओकर घेंच पकैरके कहल्‍कै, ‘तु हमरसे जतहेक करजा लेने चिही अखुन्‍ते तिर!’

मतीके लिखल सुसमाचार 20:2

तब ओइ जनसबके एक दिनके बैन चानीके एक टका तोइकके आपन अङगुरके बारीमे काम करैले पठेल्‍कै।

लुका 12:33

तुसब आपन धन बेचके गरिबसबके दहै। आपन खातिर कहियो नै फाटैबला बटुवा तैयार कर। तहिनङे कहियो नास नै हैबला धन स्‍वरगमे जमा कर। जते चोर नै एतौ आ नै किरो लागतौ।

लुका 18:22

यि बात सुइनके येसु ओकरा कहल्‍कै, “तोहरमे एकटा औरो चिजके कमि छौ। तोहर सङे भेल्‍हा सब धन-समपैत बेचके गरिबसबके बाइट दहै, तब स्‍वरगमे तोरा बहुत धन हेतौ आ हमर पछा लाग।”

लुका 6:41

“दोसरके आँखमे कुरकुट देखैचिही, महज आपन आँखमे ढेङो नै देखैचिही?

युहन्‍ना 12:4

महज येसुके चेलासबमेसे एक गोरा यहुदा इस्‍करियोती कहल्‍कै, (जे पछा आइबके धोखा देल्‍कै)

युहन्‍ना 12:6

उ गरिबसबके वास्‍ता करैबला भेलासे एहेन नै कहने छेलै कथिलेकी उ चोर छेलै आ पैसाकौरीके बटुवा ओह्‍या राखैछेलै आ ओहैमेसे उ चोराइ छेलै।

युहन्‍ना 13:29

यहुदासङे पैसाके बटुवा छेलै तैल्‍याके कोइ-कोइ सोच्‍ने छेलै कि येसु पाबैनके लेल कुछो समान चाही से किनके आन या कुछ गरिबोसबके बाइट दहै कहने हेतै।

युहन्‍ना 6:7

फिलिप ओकरा जबाफ देल्‍कै, “दुइ सय चानीके डलरसे किनल रोटी कन्‍हिको-कन्‍हिको देतै तैयो ओइसबके नै पुग्‍तै।”