युहन्‍ना 12:49 - मध्‍य पुरविया थारू

⁴⁹ कथिलेकी हम आपने मनसे नै बाजैचियै महज हम कथी कहबै आ बोल्‍बै तैके आदेस हमरा पठाइबला पिता आपनेसे देने छै।

युहन्‍ना 12:49 ပူးပေါင်းရင်းမြစ်များ

युहन्‍ना 14:10

‘हम पितामे चियै आ पिता हमरमे छै’ से कि तु बिस्‍बास नै करैचिही? जे बात हम तोरासबके कहैचियौ, से बात हम आपने मनसे नै कहैचियौ। महज हमरमे रहैबला पिता यि कामसब करैछै।

युहन्‍ना 14:24

जे हमरा परेम नै करैछै, उ हमर बचनके पालन नै करैछै। जे बचन तुसब सुनैचिही, उ बचन हमर नै, महज हमरा पठाइबला पिताके चियै।

युहन्‍ना 14:31

महज हम पिताके परेम करैचियै से बात सन्‍सारके सबलोक जाने कैहके हम सबकाम ओकरे आग्‍या अनुसार करैचियै। आब उठ आ अपनासब अतेसे चल।”

युहन्‍ना 15:15

आबसे हम तोरासबके नोकर नै कहबौ, कथिलेकी मालिक कथी कैररहलछै से नोकर नै जानैछै। महज हम तोरासबके सङी कैहरहल चियौ, कथिलेकी हमर पितासे हम जे सुन्‍ने चियै से सब तोरासबके कैहदेने चियौ।

युहन्‍ना 17:8

कथिलेत अहाँके देल सिक्‍छा हम ओइसबके देनेचियै आ उसब उ सुइकार करने छै। हम अहाँसे एलचियै कैहके उसब साँचोके बुझनेछै। तब हमरा अहै पठेलियै कैहके उसब बिस्‍बास करने छै।

युहन्‍ना 3:11

साँचोके हम तोरा कहैचियौ, जे बात हमसब जानैचियै, ओह्‍या बात हमसब कहैचियै आ जे बात देखने चियै ओहैके गबाही दैचियै, महज तैयो तुसब हमरासबके गबाहीके सुइकार नै करैचिही।

युहन्‍ना 3:32

उ जे बात देखनेछै आ सुन्‍नेछै, उ तहै बातके गबाही दैछै, महज ओकर गबाही कोइ नै सुइकार करैछै।

युहन्‍ना 5:19

तब येसु ओइसबके जबाफ देल्‍कै, “साँचोके हम तोरासबके कहैचियौ, बेटा स्‍वयम आपनेसे कुछो करे नै सकैछै, महज पिताके जे करैत देखैछै, उ ओह्‍या मातरे करे सकैछै, कथिलेत पिता जे-जे करैछै, बेटो ओह्‍या-ओह्‍या करैछै।

युहन्‍ना 5:30

“हम आपनेसे कुछो करे नै सकैचियै। हम पितासे जे सुनैचियै, ओह्‍या अनुसार हम नियाइ करैचियै आ हमर नियाइ ठिक छै, कथिलेत हम आपन इक्‍छा नै महज हमरा पठाइबलाके इक्‍छा अनुसार करैचियै।

युहन्‍ना 6:68

सिमोन पतरुस जबाफ देल्‍कै, “हे परभु, हमसब कते जेबै? अहाँसङे अनन्‍त जिबन दैबला बचन छै।

युहन्‍ना 7:16

तब येसु उसबके जबाफ देल्‍कै, “हमर देल सिक्‍छा हमर नै चियै, महज ओकर चियै, जे हमरा पठाइल्‍कै।

युहन्‍ना 8:26

तोरासबके बारेमे कहैबला आ नियाइ करैबला बहौत बातसब हमरसङे छै। महज हमरा पठाइबला सत छै आ हम जे ओकरसे सुन्‍ने चियै ओहे बात सन्‍सारके लोकसबके बताइचियै।

युहन्‍ना 8:28

तहैलेल येसु कहल्‍कै, “जब तुसब मानबके बेटाके उपर उठाइबिही, तखन तुसब जानबिही कि हम ओह्‍या चियै। हम आपने मनसे कुछो नै करैचियै महज पिता हमरा जे कुछो सिखाइने छै, ओह्‍या बात बोलैचियै कैहके तुहुसब बुझबिही।

युहन्‍ना 8:42

येसु ओकरासबके कहल्‍कै, “यदी परमेस्‍वर तोरासबके पिता रहतियौ त, तुसब हमरा मया करने रहतिही, कथिलेकी हम परमेस्‍वर लगसे एलचियै आ अखन हम अते चियै। हम आपन इक्‍छासे नै एलचियै, महज उ हमरा पठेने छै।

परकास 1:1

यि किताबमे भेल बातसब येसु खिरिस्‍ट परकट करने छै। परमेस्‍वर आपन सेबकसबके जल्‍दीए हैबला घटनासबके बारेमे बुझैले सके कैहके येसुके परकट करल्‍कै। येसु खिरिस्‍ट यि बात कहैके लेल एकटा स्‍वरगदुतके पठाके आपन सेबक युहन्‍नाके परकट करल्‍कै।