युहन्‍ना 12:42 - मध्‍य पुरविया थारू

⁴² तैयो यहुदी अगुवासबमेसे बहुतो गोरा येसुमे बिस्‍बास करल्‍कै। महज फरिसीसबके डरसे उसब आपन बिस्‍बासके बारेमे ककरो नै कहल्‍कै, कथिलेकी फरिसीसब यहुदी सभाघरसे निकाइलदेतै कैहके डराइछेलै।

युहन्‍ना 12:42 ပူးပေါင်းရင်းမြစ်များ

मतीके लिखल सुसमाचार 10:32

“जे हमरा लोकसबके सामने परभु कैहके सुइकार करतै, तकरा हम्‍हु स्‍वरगमे रहैबला आपन पिताके सामने सुइकार करबै।

लुका 12:8

“हम तोरासबके कहैचियौ, जेसब हमरा लोकसबके सामने परभु कैहके सुइकार करतै, ओकरा मानबोके बेटा परमेस्‍वरके स्‍वरगदुतसबके सामने सुइकार करतै।

लुका 23:13

तकरबाद पिलातस मुल पुजारीसब, सासकसब आ लोकसबके बोल्‍याके जमा करल्‍कै।

लुका 6:22

“धैन तुसब, मानबके बेटाके खातिर तोरासबके घिरना करतौ, समाजसे बहिस्‍कार करतौ, निन्‍दा करतौ आ बदनाम करतौ त तुसब धैनके हेब्‍ही।

युहन्‍ना 11:45

तब येसुके करल यि काम देखके मरियमके भेटैले एल यहुदी लोकसबमेसे बहुतो लोक ओकरा बिस्‍बास करल्‍कै।

युहन्‍ना 12:11

कथिलेत लाजरस जिबित भेलासे बहुतो यहुदीसब पुजारीसबके छोइरके येसुमे बिस्‍बास करैछेलै।

युहन्‍ना 16:2

उसब तोरासबके सभाघरसबसे निकाइल देतौ। तोरासबके उपर अहिनङो समय एतौ, जे तोरासबके जानोसे मारैबला ‘परमेस्‍वरके सेबा करैचियै’ कैहके सोच्‍तै।

युहन्‍ना 19:38

तकरबाद अरिमाथिया नगरके योसेफ, जे यहुदीसबके डरके कारन गुप्‍तमे उ येसुके चेला रहै। उ येसुके लहास लजाइले दिय कैहके बिन्‍ती करल्‍कै। तब पिलातस अनुमति देल्‍कै आ ओकर लहास कुरूससे निचा उताइरके ल्‍यागेलै।

युहन्‍ना 3:2

राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

युहन्‍ना 7:13

तैयो यहुदीसबके डरसे कोइ ओकर बारेमे खोइलके नै बोलैछेलै।

युहन्‍ना 7:31

तैयो भिरके बहुतो लोकसब ओकर उपर बिस्‍बास करल्‍कै। तब उसब कहल्‍कै, “जब खिरिस्‍ट एतै, तब कि उ यि लोकके करलहासे बेसी अजगुतके कामसब करतै?”

युहन्‍ना 9:22

यहुदीसबके डरसे ओकर बाप-महताइर एहेन जबाब देल्‍कै कथिलेत येसुके मुक्‍ती दैबला रजा खिरिस्‍ट जेसब कहतै, तैसबके सभाघरसे निकाले परतै तै बातमे यहुदीसब पैहने सहमत भेलरहै।

युहन्‍ना 9:34

उसब ओकरा जबाब दैत कहल्‍कै, “तु त एकदमसे आपन पापेमे जलमल चिही आ तु हमरासबके सिखाबैचिही?” तब उसब ओकरा सभाघरसे बाहर निकाइलदेल्‍कै।

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

रोमी 10:10

कथिलेत लोक आपन हिरदयसे बिस्‍बास कैरके परमेस्‍वरके अगा धरमी ठहरैछै आ बिस्‍बास करल बात आपन मुहसे सुइकार कैरके उधार पाबैछै।

१ युहन्‍ना 4:15

येसुवे परमेस्‍वरके बेटा चियै कैहके सुइकार करैबला लोकमे परमेस्‍वर बास करैछै आ उ लोक परमेस्‍वरमे बास करैछै।

१ युहन्‍ना 4:2

येसु खिरिस्‍ट मानबके रुपमे एलछै से सुइकार करैबला आत्‍मा परमेस्‍वरसे चियै कैहके चिन्‍हबिही।