युहन्‍ना 12:36 - मध्‍य पुरविया थारू

³⁶ जाबेतक इजोत तोरासबसङे छौ, इजोतमे बिस्‍बास कर तब तुसब इजोतके बेटा-बेटी हेब्‍ही।” यि बात कहलाकेबाद येसु ओतेसे चैलगेलै आ ओइसबसे घोसैरके रहेलाग्‍लै।

युहन्‍ना 12:36 ပူးပေါင်းရင်းမြစ်များ

मतीके लिखल सुसमाचार 21:17

तब येसु उसबके ओहै ठाममे छोइरके सहरसे बाहर गेलै आ बेथानिया गाममे ज्‍याके रात रहलै।

मतीके लिखल सुसमाचार 5:14

“तुसब सन्‍सारके इजोत चिही। पहारमे रहल सहर घोसरैले नै सकैछै।

लुका 16:8

“यि बात थाह पाइबके ओकर मालिक ओइ बैमान मुन्‍सीके चाबसी देल्‍कै कथिलेत उ चलाकिसे काम करने रहै। कथिलेकी दुनियाके लोक आपनसङे औरो लोकसबसे बेबहार करैतखिना इजोतके धियापुतासे बेसी चलाक छै।

युहन्‍ना 1:7

ओकरेसे सबकोइ इजोतमे बिस्‍बास करे कैहके इजोतके गबाही दैले उ साक्‍छी भ्‍याके एलै।

युहन्‍ना 11:54

तैखातिर येसु फेनो यहुदीसबके बिचमे खुलमखुला नै चलेलाग्‍लै, महज उजार जगहके नजदिकमे रहल एफराइम नाउके सहरमे गेलै आ आपन चेलासबसङे ओतै रहेलाग्‍लै।

युहन्‍ना 12:37

येसु लोकसबके अगा बहुतो अजगुतके कामसब करल्‍कै, तैयो उसब ओकरमे बिस्‍बास नै करल्‍कै।

युहन्‍ना 12:46

हम सन्‍सारके इजोत बैनके एलचियै, तैल्‍याके हमरा बिस्‍बास करैबला कोइने अन्‍हारमे रहतै।

युहन्‍ना 3:21

महज सत काम करैबला लोकसब इजोतमे आबैछै आ अहिनङे ओकर करल कामसब परमेस्‍वरके इक्‍छा अनुसार चियै से निकसे देखैछै।

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

युहन्‍ना 8:59

यि बात सुइनके उसब येसुके मारैके लेल पथल उठेल्‍कै, महज येसु ओइसबसे घोसैरके मन्‍दिरसे बाहर चैलगेलै।

एफिसी 5:8

पहिने तुसब अन्‍हारमे छेल्‍ही महज आब परभुके लोक भेलाके कारन इजोतमे चिही। तैखातिर तुसब इजोतके धियापुतासब जखा बेबहार कर।

१ थेसलोनिकी 5:5

कथिलेकी तुसब इजोत आ दिनके धियापुता चिही। हमसब रातके आ अन्‍हारके धियापुता नै चियै।

१ थेसलोनिकी 5:8

महज अपनासब दिनके धियापुता भेलाके कारन, चौकल रह। अपनासब बिस्‍बास आ परेमके कबच लगा आ मुक्‍तीके आसाके टोपी पिन्‍हके होसियार रह।