युहन्‍ना 12:27 - मध्‍य पुरविया थारू

²⁷ “आब हमर मन बेचैन भेल छै, हम कथी कहु? कि हम यि कहबै ‘हे परमेस्‍वर पिता, आबैबला दुखसे हमरा बचाबु’? नै, एह्‍या कारनसे हम अइ समयतक आइबगेलियै।

युहन्‍ना 12:27 ပူးပေါင်းရင်းမြစ်များ

मतीके लिखल सुसमाचार 11:25

ओहै बखत येसु कहल्‍कै, “हे पिता स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत यि बातसब अहाँ बातसब बुधिमान आ बिदवान सबसे घोसाइरके राखलियै, महज बच्‍चासबमे परगट करलियै।

मतीके लिखल सुसमाचार 11:26

हँ पिता, कथिलेत अहाँके अहिनङ करैले असल लागल।

मतीके लिखल सुसमाचार 26:42

येसु फेनो ज्‍याके परथना करे लाग्‍लै, “हे हमर पिता, यि दुखके बाटी पिने बिना नै बनेबला छै त अहाँके इछा जे छै से पुरा हेबे।”

मतीके लिखल सुसमाचार 26:45

तब उ चेलासब लग आइबके ओइसबके कहल्‍कै, “कि अखनियो तुसब सुतले चिही आ आरामे करैचिही? देख, समय नजदिक आइबगेल छौ। मानबके बेटा पापी लोकके हाथमे पकराबैले लागल छै।

लुका 22:44

ओकर हिरदय एकदम दुखसे भरल छेलै, तब उ धियानसे परथना करे लाग्‍लै, तै बखत ओकर पसिना लहुके बरका-बरका ठोप जखा भुइयामे चुबै छेलै।

लुका 22:53

हम सबदिन मन्‍दिरमे तोरेऔरकेसङे छेलियौ। महज हमरा पकरैले तोरौरके साहस नै करलिही। आब तोरौरके काम करैबला समय उहे चियौ आ सैतानके सक्‍ती ऐहनङे राज करतौ।”

युहन्‍ना 11:41

तब उसब चिहानके मुहमे राखलहा पथल हटाइल्‍कै। तब येसु उपर दिसन ताइकके कहल्‍कै, “हे पिता, हम अहाँके धन्‍यबाद दैचियै, कथिलेत अहाँ हमर बिन्‍ती सुनलियै।

युहन्‍ना 12:23

येसु ओइसबके कहल्‍कै, “मानब बेटाके महिमा परगट हैबला समय आइबगेल छै।

युहन्‍ना 13:21

यि कहलाकेबाद येसुके मन एकदम बेचैन भेलै आ आपन चेलासबके कहल्‍कै, “साँचोके हम तोरासबके कहैचियौ, तोरेसबमेसे एक गोरे हमरा पकरा देब्‍ही।”

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

१ तिमोथी 1:15

यि बात सत चियै आ सुइकार योग्‍य छै कि येसु खिरिस्‍ट पापीसबके बचाइके लेल अइ सन्‍सारमे एलै। ओइ पापीसबसे बेसी पापी हम चियै।

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

हिबरु 5:7

येसु अइ सन्‍सारमे रहैतकाल मिरतुसे बचाबेबला परमेस्‍वरसङे जोरसे कानैत बिन्‍ती आ परथना करल्‍कै। ओकर नमरता आ भक्‍तीके कारन ओकर परथना परमेस्‍वर सुनल्‍कै।