युहन्‍ना 12:16 - मध्‍य पुरविया थारू

¹⁶ ओकर चेलासब पहिने यि बात नै बुझल्‍कै। महज येसु महिमीत भेलाके बाद ओकरासबके याद एलै कि यि बात ओकरे बारेमे लिखल छेलै आ उ लोकसब यि सबकाम ओकरे लेल करल्‍कै कैहके बुझल्‍कै।

युहन्‍ना 12:16 ပူးပေါင်းရင်းမြစ်များ

मरकुस 16:19

तकरबाद परभु येसु ओइसबसङे बोइल लेलाकेबाद स्‍वरग दिसन उठ्‍यालगेलै आ परमेस्‍वरके देहनाकात बैठलै।

मरकुस 9:32

महज चेलासब यि बातके अरथ नै बुझल्‍कै आ ओकरसे पुछैयोले डराइछेलै।

लुका 18:34

महज यि बात चेलासब नै बुझल्‍कै। कथिलेत यि बात ओइसबके लेल रहसके बात छेलै आ उसब यि बातके अरथ बुझैले नै सकल्‍कै।

लुका 24:25

तब येसु ओइसबके कहल्‍कै, “तुसब केहन मुरुख लोकसब चिही, तोरासबके हिरदय अतहेक मोट भ्‍यागेल्‍छौ, कि अगमबक्‍तो सबके कहलहा बातके बिस्‍बास नै करैचिही?

लुका 24:45

तब येसु ओकरासबके धरमसास्‍तरसब बुझैले समझसक्‍ती खोइल देल्‍कै,

लुका 9:45

महज चेलासब यि बात नै बुझल्‍कै, कथिलेत यि बात उसब नै बुझे कैहके उसबसे घोसरल छेलै। उसब यि बारेमे येसुसे पुछैले डराइछेलै।

युहन्‍ना 12:23

येसु ओइसबके कहल्‍कै, “मानब बेटाके महिमा परगट हैबला समय आइबगेल छै।

युहन्‍ना 14:26

महज पिता हमर नाममे पठाइबला सल्‍लाहकार पबितर आत्‍मा तोरासबके सब बात सिखाइतौ आ हमर कहल सब बात तोरासबके मन पाइरदेतौ।

युहन्‍ना 16:4

महज यि सब बातसब हम तोरासबके कैह देनेचियौ, ‘जब उ समय एतौ, तोरासबके कथी कहने रहौ से बात थाह हेतौ। पैहने हम यि बात तोरासबके नै कहलियौ, कथिलेत हम तोरेसबसङे रहियौ।’

युहन्‍ना 17:5

हे पिता, सन्‍सार सिरिस्‍टी हैसे पहिने अहाँसङे हमर जे महिमा छेलै, ओह्‍या महिमासे आब अहाँके अगा हमरा महिमीत करु।

युहन्‍ना 2:22

उ मरलाके बाद जिबित भ्‍याके उठलै तब चेलासब ओकर कहल बातके याद करल्‍कै। तहियासे उसब धरमसास्‍तरमे लिखल आ येसुके कहल बातसबमे बिस्‍बास करल्‍कै।

युहन्‍ना 7:39

येसु यि बात पबितर आत्‍माके बारेमे कहने छेलै, जे पबितर आत्‍मा ओकरमे बिस्‍बास करैबलासब पाबैले लागलछेलै। ओइ बखत तक परमेस्‍वर पबितर आत्‍माके नै पठेने छेलै, कथिलेत येसु आपन स्‍वरगके महिमामे घुइमके नै गेलछेलै।

परेरित 2:33

अहैसे परमेस्‍वर पिता आपन देहना हाथ कात बैठेल्‍कै आ आपन परतिग्‍या अनुसार ओकरा पबितर आत्‍मा देल्‍कै। ओह्‍या पबितर आत्‍मा हमरासबके देने छै, जे अहाँसब देखैचियै आ सुनैचियै।

परेरित 2:36

“तै खातिर इजराएलके पुरे खानदान निकसे जाने कि येसु जकरा, तोहेसब कुरूसमे लटकेल्‍ही, परमेस्‍वर ओकरा परभु आ खिरिस्‍ट बनाइल्‍कै।”

परेरित 3:13

अबराहम, इसहाक आ याकुबके परमेस्‍वर, अपनासब पुरखासबके परमेस्‍वर आपन सेबक येसुके महिमीत करल्‍कै, जकरा अहाँसब पकराइलियै आ पिलातस ओकरा छोइरदैके बिचार करल्‍कै तैयो अहाँसब ओकरा पिलातसके अगामे इन्‍कार करलियै।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

हिबरु 8:1

हमसब यि बात कहैले चाहैचियै कि, अपनासबके एहेन परधान पुजारी छै, जे स्‍वरगके महान परमेस्‍वरके सिंहासनके दहिनाकात बिराजमान छै।