युहन्‍ना 11:55 - मध्‍य पुरविया थारू

⁵⁵ तकरबाद यहुदीसबके निस्‍तार पाबैन लगच्‍या गेलछेलै आ गाम-गामसे बहुतो लोकसब पाबैनसे पहिने अपनाके सुध करैले यरुसलेममे गेलै।

युहन्‍ना 11:55 ပူးပေါင်းရင်းမြစ်များ

मतीके लिखल सुसमाचार 26:1

यि सब बात कहलाके बाद येसु आपन चेलासबके कहल्‍कै,

मतीके लिखल सुसमाचार 26:2

“तोरासबके थाहे छौ कि आइके दुइ दिन बाद निस्‍तार पाबैन छै। ओहै समयमे हम मानबके बेटा कुरूसमे टाङैके लेल पकराएल जेबै।”

मरकुस 14:1

निस्‍तार पाबैन आ अखमिरी रोटीके पाबैन हैले दुइ दिन बाकी छेलै। मुल पुजारीसब आ धरमगुरुसब ओकरा कनङ छलसे पकरबै आ मारबै तै दाउमे रहै।

लुका 22:1

अखमिरी रोटीके पाबैन नजदिक चैल एलछेलै। ऐ पाबैनके निस्‍तार पाबैन कहैछै।

युहन्‍ना 12:1

निस्‍तार पाबैनके छ दिन पहिने येसु बेथानिया गाममे एलै। ओते लाजरस रहैछेलै, जकरा येसु मुरदासे जियाइने छेलै।

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

युहन्‍ना 18:28

तकरबाद उसब येसुके कैयाफाके घरसे रोमी सासकके दरबारमे ल्‍यागेलै। ओइ बखत अनगुत भेल छेलै। असुध नै हेबे महज निस्‍तार पाबैनके भोज खाइले सकि कैहके उसब दरबार भितर नै गेलै।

युहन्‍ना 2:13

यहुदीसबके निस्‍तार पाबैन लगच्‍या गेल छेलै। तहै समयमे येसु यरुसलेम गेलै।

युहन्‍ना 2:6

ओते छटा पथलके सय-सय लिटर पानी अटैबला घैलासब राखल छेलै। यहुदीसब उ घैलाके पानीसे अपने-आपके सुध करैबला चलनके काममे लगाइछेलै।

युहन्‍ना 5:1

कुछदिन बाद यहुदीसबके एकटा पाबैनमे येसु यरुसलेम गेलै।

युहन्‍ना 6:4

तै बखत यहुदीसबके निस्‍तार पाबैन लगचियाल छेलै।

परेरित 21:24

ओकरासबके लाइबके अहुँ ओकरेसबसङे सुध हेबु आ ओकरासबके लागैबला खरच अहि भैर दियौ आ उसब आपन केस कटाबे। अहिनङ अहाँके बेबस्‍था मानैत देखके अहाँमे लग्‍याल दोस सब झुठे चियै से कैहके सबकोइ थाह पाबतै।

परेरित 21:26

तब पावल उ चारुगोरेके लज्‍याके बिहान भेने आपनके सुध करल्‍कै, तकरबाद सुधहैबला दिन कहिया पुरा हेतै आ उ सबके लेल चरहाइले जाइबला भेटीके जानकारी दैले उ मन्‍दिरमे गेलै।

परेरित 24:18

एह्‍या काम कैरते-कैरते उसब हमरा मन्‍दिरमे देखल्‍कै। तखैन हम सुध हैबला बिधी पुरा कैरलेने छेलियै। ओते कोनो किसिमके भिर-भार आ हो-हल्‍लो नै छेलै।

१ कोरन्‍थी 11:28

तैखातिर हरेक लोक पहिने अपनाके ठिकसे जाँचे तकरबाद उ रोटी खेबे आ बाटीसे पिबे।

याकुब 4:8

तुसब परमेस्‍वरके लगमे या तब परमेस्‍वरो तोरासबके लगमे एतौ। हे पापीसब, तोरौरके हाथ सुध कर, हे दोमनके लोकसब, आपन हिरदय सुध कर।