युहन्‍ना 11:47 - मध्‍य पुरविया थारू

⁴⁷ तब मुल पुजारीसब आ फरिसीसब महासभाके सदससबके बोल्‍याके कहल्‍कै, “आब अपनासब कथी करबै? यि लोक त बहुतो अजगुतके कामसब कैररहलछै।

युहन्‍ना 11:47 ပူးပေါင်းရင်းမြစ်များ

मतीके लिखल सुसमाचार 26:3

ओहै बखत परधान पुजारी कैयाफाके दरबारमे मुख पुजारीसब आ अगुवासब जमा भ्‍याके बैठक बैठलै।

मतीके लिखल सुसमाचार 5:22

महज हम तोरासबके कहैचियौ, जे कोइ आपन भाइसे करोध करैछै, उ सजायके भागिदार हेतै, जे कोइ आपन भाइके अपमान करैछै, ओकरा धारमिक महासभामे जबाब देबे परतै। महज जे कोइ आपन भाइके सराप दैछै, उ नरकके आइगमे खसै जोकरके हेतै।

मरकुस 14:1

निस्‍तार पाबैन आ अखमिरी रोटीके पाबैन हैले दुइ दिन बाकी छेलै। मुल पुजारीसब आ धरमगुरुसब ओकरा कनङ छलसे पकरबै आ मारबै तै दाउमे रहै।

लुका 22:2

मुल पुजारीसब आ धरमगुरुसब येसुके कनङके मारबै से मौका ताकैछेलै, महज उसब लोकसबसे डराइछेलै।

युहन्‍ना 11:57

मुल पुजारीसब आ फरिसीसब येसुके पकरैले ताकैछेलै। तैल्‍याके उसब येसु कते छै थाह भेल्‍हासबके समाद आनैले आग्‍या देनेछेलै।

युहन्‍ना 12:19

ओहैसे फरिसीसब एक-दोसरके एहेन कहेलाग्‍लै, “आब तुसब कुछो करे नै सकैचिही। देख, सारा दुनिया ओकर पछा लाइग गेलछै!”

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 6:2

लोकसबके बरका भिर येसुके पछा-पछा जाइलेलाग्‍लै, कथिलेत रोगी-बिमारीसबके उपर करलहा येसुके अचमके कामसब उसब देखने रहै।

युहन्‍ना 7:32

जब फरिसीसब भिरमे येसुके बारेमे गुदुरफुसुर करैत सुनल्‍कै, तब मुल पुजारीसब आ फरिसीसब ओकरा पकरैले मन्‍दिरके पहरेदारसबके पठेल्‍कै।

युहन्‍ना 7:45

तब मन्‍दिरके पहरेदारसब मुल पुजारीसब आ फरिसीसब लग घुइमके एलै। उसब पहरेदारसबके कहल्‍कै, “तुसब कथिले येसुके पकैरके नै आनलिही?”

परेरित 5:21

यि सुनलाके बाद उसब अनगुते मन्‍दिरमे गेलै आ उपदेस देबेलाग्‍लै। महज मुल पुजारी आ ओकरसङे रहैबलासब एलै, महासभामे भेल्‍हा सब इजराएलीसबके बोलाइल्‍कै आ परेरितसबके जहलसे लाबैले लोकसबके पठेल्‍कै।

परेरित 5:24

जब यि बात मन्‍दिरके कप्‍तान आ मुल पुजारीसब सुनल्‍कै तब अइसबके नतिजा कथी हेतै कैहके परेरितसबके बारेमे दोधारमे पैरगेलै।