युहन्‍ना 11:33 - मध्‍य पुरविया थारू

³³ जब येसु मरियमके कानैत आ ओकरसङे आबैयोबलाके कानैत देखल्‍कै, तब उ आत्‍मामे एकदम दुखित आ बेचैन भ्‍यागेलै,

युहन्‍ना 11:33 ပူးပေါင်းရင်းမြစ်များ

मरकुस 3:5

ओइसबके हिरदयके कठोर बिचार जाइनके दुखीत भेलै आ खिस्‍याके उ सबके ताकल्‍कै तब येसु ओइ लोकके कहल्‍कै, “तोहर हाथ पसार।” उ हाथ पसारल्‍कै आ ओकर हाथ पहिने जहिनङ छेलै तहिनङ भेलै।

मरकुस 9:19

तब येसु ओकरासबके कहल्‍कै, “ए थेथर पुस्‍ता, कहियातक हम तोरासबके बिचमे रहबौ? कहियातक बिस्‍बासमे कमजोरे रहबिही? तोहर बेटाके हमरलग आन।”

युहन्‍ना 11:19

बहुतो यहुदीसब मारथा आ मरियमके ओकर भाइके बारेमे चितभरोस दैले एलछेलै।

युहन्‍ना 11:31

घरमे चितभरोस दैले एल यहुदीसब मरियमके झटसिन उइठके बाहर जाइत देखके, कतौ उ चिहानमे कानैले गेलै से सोइचके ओकर पछा-पछा गेलै।

युहन्‍ना 11:34

आ उसबके पुछल्‍कै, “तुसब ओकरा कते राखनेचिही?” उसब जबाफ देल्‍कै, “परभु, हमरासबसङे आइबके देखु।”

युहन्‍ना 11:35

येसु कान्‍लै।

युहन्‍ना 11:38

तब येसु फेनो एकदम दुखित भ्‍याके चिहानके लगमे गेलै। उ चिहान एकटा सोइन छेलै, ओकर मुहमे एकटा बरका पथलसे झापल छेलै।

युहन्‍ना 12:27

“आब हमर मन बेचैन भेल छै, हम कथी कहु? कि हम यि कहबै ‘हे परमेस्‍वर पिता, आबैबला दुखसे हमरा बचाबु’? नै, एह्‍या कारनसे हम अइ समयतक आइबगेलियै।

युहन्‍ना 13:21

यि कहलाकेबाद येसुके मन एकदम बेचैन भेलै आ आपन चेलासबके कहल्‍कै, “साँचोके हम तोरासबके कहैचियौ, तोरेसबमेसे एक गोरे हमरा पकरा देब्‍ही।”

रोमी 12:15

आनन्‍द करैबलासबसङे आनन्‍द कर आ कानैबलासबसङे कान।

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।