युहन्‍ना 10:6 - मध्‍य पुरविया थारू

⁶ येसु यि बातसब ओकरासबके दिस्‍टान्‍तमे कहने छेलै, महज येसु कथी कहैले चाहैछेलै से बातके अरथ उसब नै बुझल्‍कै।

युहन्‍ना 10:6 ပူးပေါင်းရင်းမြစ်များ

मतीके लिखल सुसमाचार 13:34

येसु यि सब बात लोकसबके खिसामे कहल्‍कै, उ ओइसबके बिना खिसा कुछो नै कहल्‍कै।

मतीके लिखल सुसमाचार 13:51

तब येसु चेलासबके पुछल्‍कै, “कि तुसब यि सब बात बुझलिही?” उसब जबाब देल्‍कै, “हँ, बुझलियै।”

मरकुस 4:34

बिना खिसासे येसु ओकरासबसङे नै बोल्‍लै, महज आपन चेलासबके परोछमे सबके अरथ खोइल देल्‍कै।

युहन्‍ना 16:25

“यि बात हम तोरासबके खिसा-पिहानीसबमे कहनेचियौ। महज समय आइबरहल छौ, तैबखत हम तोरासबके सङे फेनो खिसा पिहानीमे नै बाज्‍बौ, बल्‍की पिताके बिसयमे साफ-साफ कैहदेबौ।

युहन्‍ना 16:29

तब चेलासब येसुके कहल्‍कै, “अखुन अहाँ खिसामे नै महज साफ-साफ बाजैचियै।

युहन्‍ना 6:52

यि बातसे यहुदीसबके बिचमे बाद-बिबाद हैले लाग्‍लै। उसब कहेलाग्‍लै, “यि लोक अपनासबके कनङके आपन देह खाइले देबेसक्‍तै?”

युहन्‍ना 6:60

यि बातसब सुइनके येसुके चेलासबमेसे बहुतो गोरा कहल्‍कै, “यि सिक्‍छा त एकदम करा छै। यि के माने सक्‍तै?”

युहन्‍ना 7:36

‘तुसब हमरा ताकबिही महज नै भेटाइबिही आ हम जते रहबौ, तते तुसब आबैले नै सकबिही’?” एकर कहैके मतलब कथी चियै?

युहन्‍ना 8:27

येसु यि बात आपन पिताके बारेमे कैहरहल छेलै से बात उसब नै बुझल्‍कै।

युहन्‍ना 8:43

हमर कहल बात तुसब कथिले नै बुझैचिही? कथिलेकी तुसब हमर कहल बचन सुनैयोले नै चाहैचिही।

१ कोरन्‍थी 2:14

जै लोकमे परमेस्‍वरके आत्‍मा नै छै, उ लोक परमेस्‍वरके आत्‍माके बातसबके गरहन नै करैछै। कथिलेत एहैन बातसब ओकरलेल मुरुख बात हैछै। एहैन बात त परमेस्‍वरके आत्‍मासे मातरे बुझैले सकैछै।

२ पतरुस 2:22

एकटा एहेन खिसा-पिहानी ओइसबमे मिलैछै, “कुता आपन बोकरल चाटैके लेल घुइमके आबैछै” आ “असलान करल सुगर फेनसे घुइमके थालेमे ओङहराइले लागैछै।”

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।