युहन्‍ना 10:28 - मध्‍य पुरविया थारू

²⁸ हम ओकरासबके अनन्‍त जिबन दैचियै, उसब कहियो नै नास हेतै आ कोइ नै ओकरासबके हमर हाथसे छिनके लजाबे सक्‍तै।

युहन्‍ना 10:28 ပူးပေါင်းရင်းမြစ်များ

मरकुस 13:22

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

लुका 23:46

तब येसु जोर-जोरसे कहल्‍कै, “हे पिता, हम आपन आत्‍मा अहाँके हाथमे सोपै चियै!” अतेक कैहके ओकर परान छुइट गेलै।

युहन्‍ना 10:29

हमर पिता ओकरासबके हमर जिमामे देने छै उ सबसे महान छै। हमर पिताके हाथसे त औरो कोइ नै ओकरासबके छिनके लजाबे सक्‍तै।

युहन्‍ना 11:25

तब येसु ओकरा कहल्‍कै, “पुनरुथान आ जिबन हम्‍ही चियै। जे हमरा बिस्‍बास करतै, उ मरबो करतै त जिबित हेतै।

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

युहन्‍ना 17:2

कथिलेत अहाँ आपन बेटाके सब लोकसब उपर अधिकार देनेचियै, ताकि अहाँके देल सब लोकसबके अनन्‍त जिबन देबेसकी।

युहन्‍ना 18:9

(अहिनङे “अहाँ हमरा जतहेक लोकसब देलियै, उसबमेसे ककरो हम नै हरेलियै” से ओकर कहल बचन पुरा हेबे कैहके एहेन भेलै।)

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

युहन्‍ना 6:37

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

युहन्‍ना 6:47

“साँचोके हम तोरासबके कहैचियौ, जे बिस्‍बास करैछै, ओकरसङे अनन्‍त जिबन छै।

युहन्‍ना 6:68

सिमोन पतरुस जबाफ देल्‍कै, “हे परभु, हमसब कते जेबै? अहाँसङे अनन्‍त जिबन दैबला बचन छै।

परेरित 7:59

जैहनङ उसब स्‍तिफनस उपर पथल मारैत खिना एहेन कहैत परथना करैतरहै, “हे परभु येसु, हमर आत्‍माके सुइकारु।”

रोमी 5:17

एकेटा लोक आदमके करल पापके कारन सब लोकसब मरैछै। महज असल बात यि चियै कि, परमेस्‍वर परसस्‍त अनुगरह आ धारमिकताके बरदानसे लोकसबके धरमी ठहराइल्‍कै। अनङ उसब एकेटा लोक येसु खिरिस्‍ट दुवारा जिबन पाबतै।

रोमी 5:2

खिरिस्‍ट हमरासबके बिस्‍बास दुवारा परमेस्‍वरके अनुगरहमे लाबने छै। यह्‍या अनुगरहके हमसब अखुन अनुभव करैचियै आ परमेस्‍वरके महिमामे सहभागी हैके आसमे आनन्‍द मनाबैचियै।

रोमी 5:21

पहिने पापके सक्‍ती सब लोकसबके पाप करैले लगेल्‍कै आ मरलै। आब परमेस्‍वरके दयासे हमसब ओकर अगा धरमी ठहरैचियै आ अपनासबके परभु येसु खिरिस्‍ट दुवारा अनन्‍त जिबन पाबैछै।

रोमी 5:9

खिरिस्‍ट बलिदान भ्‍याके आपन लहुसे अपनासबके परमेस्‍वरके अगा धरमी ठहरेनेछै। ओहैसे खिरिस्‍ट दुवारा औरो बेसिसे अपनासबके परमेस्‍वरके करोधसे बचेतै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

फिलिप्‍पी 1:6

हमरा पुरा बिस्‍बास छै कि, परमेस्‍वर तोरासबमे एकटा असल काम सुरु करल्‍कौ, वह्‍या येसु खिरिस्‍ट आबैबला दिनमे उ काम पुरा करतै।

२ थेसलोनिकी 2:13

परभुके परेम करल भाइ-भैयासब, तोरासबके खातिर हमसब हरदम परमेस्‍वरके धन्‍यबाद चरहाइले बिबस चियौ, कथिलेत परमेस्‍वर सुरुवेसे तोरासबके मुक्‍ती दैकेलेल चुनल्‍कौ। उ मुक्‍ती तोरासबके पबितर बनाइले पबितर आत्‍मासे आ सत बातमे तोरासबके करल बिस्‍बाससे आबैछै।

१ तिमोथी 1:16

अहैकारनसे उ हमरा दया करल्‍कै आ पापीसबमेसे मुख पापी भेलापरभी हमरमे खिरिस्‍ट येसु आपन महान धिरज देखेल्‍कै ताकि पछा ओकरा बिस्‍बास करैबला आ अनन्‍त जिबन पाबैबलाके लेल हम एकटा उदाहरन बनी।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

१ पतरुस 1:5

तुसब बिस्‍बास करलाके कारन परमेस्‍वरके सक्‍तिसे सुरक्‍छित रहलचिही। उ मुक्‍ती तोरासबके खातिर तैयार करनेछौ जे अन्‍तिम समयमे परगट हेतौ।

१ युहन्‍ना 1:2

जब जिबन दैबला परगट भेलै, तब हमसब ओकरा देखलियै आ हमसब वह्‍या अनन्‍त जिबनके बिसयमे साक्‍छी दैचियौ आ तोरासबके कहैचियौ, जे पिता सङे छेलै वह्‍या अपनासबके लग परगट भेलै।

१ युहन्‍ना 2:19

उसब अपनासबके लोक नै रहै, तहै खातिर अपनासबके छोइरके चैलगेलै। यदि उसब अपनासबके लोकसब रहतियै त आपनेसबके सङे रहतियै। उसब अपनासबके नै चियौ से बात परस्‍टे छै से देखाइले उसब अपनासबके छोइरके चैलगेलै।

१ युहन्‍ना 2:25

उ अपनासबके एकटा परतिग्‍या करने छै, उ परतिग्‍या अनन्‍त जिबन चियै।

१ युहन्‍ना 5:11

उ साक्‍छी यि चियै कि परमेस्‍वर अपनासबके अनन्‍त जिबन देने छै आ उ जिबन ओकर बेटामे छै।

यहुदा 1:1

हम यहुदा, येसु खिरिस्‍टके सेबक आ याकुबके भाइ, परमेस्‍वर पितासे बोल्‍याल आ येसु खिरिस्‍टसे रक्‍छा पाबलहासबके यि चिठी लिखैचियै।

यहुदा 1:21

आपनके परमेस्‍वरके परेममे राख आ अनन्‍त जिबनके लेल अपनासबके परभु येसु खिरिस्‍टके किरपाके परतिक्‍छा कर।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।