युहन्‍ना 10:25 - मध्‍य पुरविया थारू

²⁵ येसु जबाफ देल्‍कै, “हम पहिने तोरासबके कैहदेने चियौ, महज तुसब बिस्‍बासे नै करैचिही। आपन पिताके नाममे हम जे कामसब करैचियै, उहेसब हमर गबाही दैछै।

युहन्‍ना 10:25 ပူးပေါင်းရင်းမြစ်များ

युहन्‍ना 10:32

महज येसु ओइसबके कहल्‍कै, “हम तोरासबके हमर पितासे बहुतो अजगुतके कामसब कैरके देखेलियौ, ओइसबमेसे कोन कामके लेल तुसब हमरा पथलसे मारैले चाहैचिही?”

युहन्‍ना 10:37

यदी हम आपन पिताके काम नै करैचियै त, हमरा बिस्‍बास नै कर।

युहन्‍ना 10:38

महज यदी हम पिताके काम करैचियै तबो तुसब हमरा बिस्‍बास नै करैचिही त हमर करलाहा अजगुतके कामसबमे त बिस्‍बास कर। तब तुसब जानबिही आ बुझबिही, कि पिता हमरमे छै आ हम पितामे चियै।”

युहन्‍ना 11:47

तब मुल पुजारीसब आ फरिसीसब महासभाके सदससबके बोल्‍याके कहल्‍कै, “आब अपनासब कथी करबै? यि लोक त बहुतो अजगुतके कामसब कैररहलछै।

युहन्‍ना 12:37

येसु लोकसबके अगा बहुतो अजगुतके कामसब करल्‍कै, तैयो उसब ओकरमे बिस्‍बास नै करल्‍कै।

युहन्‍ना 14:11

हम पितामे चियै आ पिता हमरमे छै कैहके बिस्‍बास कर। कम्‍तीमे हमर करल अजगुतके कामसब देखके त बिस्‍बास कर।

युहन्‍ना 20:30

येसु औरो बहुतो अजगुतके कामसब आपन चेलासबके अगामे करल्‍कै, जे बात अइ किताबमे नै लिखलगेल छै।

युहन्‍ना 3:2

राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

युहन्‍ना 7:31

तैयो भिरके बहुतो लोकसब ओकर उपर बिस्‍बास करल्‍कै। तब उसब कहल्‍कै, “जब खिरिस्‍ट एतै, तब कि उ यि लोकके करलहासे बेसी अजगुतके कामसब करतै?”

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

युहन्‍ना 8:24

अहैलेल हम ‘तुसब आपने पापमे मरबिही’ कहलियौ। यदि हम ओह्‍या चियै कैहके बिस्‍बास नै करबिही त तुसब साँचोके आपन पापमे मरबिही।”

युहन्‍ना 8:56

तोरासबके पुरखा अबराहम हमर आबैबला दिन देखैके लेल बहुते इक्‍छा करने छेलै। उ देख्‍बो करल्‍कै आ बहुत खुसियो भेलै।”

युहन्‍ना 8:58

तब येसु ओकरासबके कहल्‍कै, “हम तोरासबके साँचोके कहैचियौ, अबराहमके जलमसे पहिनेसे हम चियै।”

परेरित 10:38

कनङ परमेस्‍वर नासरतके येसुके पबितर आत्‍मा आ सक्‍ती बिसेस रुपमे ओकरा देल्‍कै। उ कनङ भलाइके काम करैत गेलै, दियाबलसके सताबटमे परलहासबके निक करैत गेलै, कथिलेकी परमेस्‍वर ओकरसङे छेलै।

परेरित 2:22

“इजराएलके लोकसब, यि बात सुन, नासरतके येसु एहेन लोक छेलै, जकरा परमेस्‍वर सक्‍तिसाली कामसब, अच्‍चमके कामसब आ चेन्‍हासबसे तोरौरके अगा साबित करल्‍कौ। तोरौरके थाहे छौ कि परमेस्‍वर तोरासबके बिचमे यि सब कामसब ओकरसे कराइने छै।

हिबरु 2:3

आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।