युहन्‍ना 10:18 - मध्‍य पुरविया थारू

¹⁸ कोइने हमर परान हमरासे लैले सक्‍तै, महज हम आपने राजिखुसीसे दैचियै। आपन परान दैके अधिकार हमरेसङे छै आ फेनो ओकरा लैयोके अधिकार छै। एह्‍या आग्‍या हम आपन पितासे पाबनेचियै।”

युहन्‍ना 10:18 ပူးပေါင်းရင်းမြစ်များ

युहन्‍ना 10:11

“असल चरबाह हम्‍ही चियै। असल चरबाह त आपन भेंरासबके लेल आपन परानो दैले पछा नै हटैछै।

युहन्‍ना 10:15

जहिनङ पिता हमरा चिन्‍हैछै आ हम पिताके चिन्‍हैचियै, तहिनङ हम आपन भेंरासबके चिन्‍हैचियै आ भेंरासब हमरा चिन्‍हैछै। हम भेरासबके लेल आपन परानो दैचियै।

युहन्‍ना 10:17

“पिता हमरा अहैलेल परेम करैछै, कथिलेत हम आपन परान फेनसे फिरता लेबै कैहके दैचियै।

युहन्‍ना 14:31

महज हम पिताके परेम करैचियै से बात सन्‍सारके सबलोक जाने कैहके हम सबकाम ओकरे आग्‍या अनुसार करैचियै। आब उठ आ अपनासब अतेसे चल।”

युहन्‍ना 15:10

जनङ हम आपन पिताके आग्‍यापालन करनेचियै आ ओकर परेममे रहैचियै, तहिनङे तुहुसब हमर आग्‍यापालन करबिही त हमर परेममे रहबिही।

युहन्‍ना 19:11

येसु जबाब देल्‍कै, “यदी परमेस्‍वर अहाँके कोनो अधिकार नै देने रहतियौ त हमर उपर अहाँके कोनो अधिकार नै रहतियै। तै खातिर हमरा तोहर हाथमे सोपै बलासब औरो बेसीसे पापके भागिदार हेतै।”

युहन्‍ना 5:26

कथिलेत जहिनङे पिता आपनेमे जिबनके मुल चियै, तहिनङे उ आपन बेटोके जिबनके मुल बनाइनेछै,

युहन्‍ना 5:30

“हम आपनेसे कुछो करे नै सकैचियै। हम पितासे जे सुनैचियै, ओह्‍या अनुसार हम नियाइ करैचियै आ हमर नियाइ ठिक छै, कथिलेत हम आपन इक्‍छा नै महज हमरा पठाइबलाके इक्‍छा अनुसार करैचियै।

युहन्‍ना 6:38

हमर आपन इक्‍छा नै महज हमरा पठाइबलाके इक्‍छा पुरा करैले हम स्‍वरगसे एलचियै।

परेरित 2:24

महज ओकरा परमेस्‍वर मरनके दुखसे छुटकारा द्‍याके जिबित करल्‍कै। कथिलेत ओकरा मिरतुके अधिनमे रहनाइ असम्‍भब छेलै।

परेरित 2:32

“अहै येसुके परमेस्‍वर जिबित करल्‍कै। यि हम सबकोइ अकर साक्‍छी चियै।

परेरित 3:15

अहिनङे जिबन दैबलाके तुसब मारलिही, जकरा परमेस्‍वर मरलसे जियाइल्‍कै। हमसब यि बातके गबाही चियौ।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

हिबरु 2:9

महज हमसब येसुके देखैचियै कि परमेस्‍वरके अनुगरहके कारनसे उ सबके लेल मरैले सके कैहके एकछनके लेल स्‍वरगदुतसे ओकरा छोट करल्‍कै। उ अपनासबके लेल मिरतुके दुख भोगल्‍कै, ओहैसे परमेस्‍वर ओकरा महिमा आ आदरके मुकुट पिन्‍हाइल्‍कै।