युहन्‍ना 10:16 - मध्‍य पुरविया थारू

¹⁶ हमर औरो भेंरासब छै जे अइ जेरके नै चियै। हमरा ओकरोसबके अइ जेरमे लाबैके जरुरी छै। उसब हमर बोली सुन्‍तै आ सब एके जेरमे हेतै आ उसबके एकेटा चरबाह हेतै।

युहन्‍ना 10:16 ပူးပေါင်းရင်းမြစ်များ

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

लुका 15:8

फेनो येसु ओइसबके एकटा खिसा सुनाइत कहल्‍कै, “कोन एहेन जनिसब हेतै जकर दस चानीके टकामेसे एकटा हराजेतै त इजोत बाइरके जाबेतक नै भेटतै ताबेतक बरहनीसे बरहाइरके निकसे नै ताक्‍तै?

युहन्‍ना 10:11

“असल चरबाह हम्‍ही चियै। असल चरबाह त आपन भेंरासबके लेल आपन परानो दैले पछा नै हटैछै।

युहन्‍ना 10:2

महज जे केबारबाटे ढुकैछै उ भेंराके चरबाह चियै।

युहन्‍ना 10:27

हमर भेंरासब हमर बोली सुनैछै। हम ओइसबके चिन्‍हैचियै आ उसब हमर पछा-पछा आबैछै।

युहन्‍ना 10:3

ओकरलेल घर रखबारी करैबला केबार खोइलदैछै आ भेंरासब ओकर बोली चिन्‍हैछै। उ आपन भेंरासबके नाम ल्‍याके ल्‍याके बोलाइछै आ ओकरासबके बाहर निकालैछै।

युहन्‍ना 10:4

जब उ आपन भेंरासबके बाहर निकालैछै तब उ ओइसबके अगा-अगा जाइछै आ भेंरासब ओकर पछा-पछा आबैछै, कथिलेत उसब ओकर बोली चिन्‍हैछै।

युहन्‍ना 10:5

उसब अनचिन्‍हार लोकके नै पछुवाइतै, महज ओकरा देखके भाइगजेतै, कथिलेत अनचिन्‍हारके बोली उसब नै चिन्‍हैछै।”

युहन्‍ना 11:52

यहुदीसबके देसके लेल मातरे नै, महज जते-तते छिरियाल परमेस्‍वरके बेटा-बेटीसबके एकसाथ जमा करैके लेल एहेन कहलगेल छेलै।

युहन्‍ना 17:20

“हम यि चेलासबके खातिर मातरे परथना नै करैचियै, महज ओहोसबके लेल करैचियै, जे उसबके सिक्‍छासे हमर उपर बिस्‍बास करतै।

युहन्‍ना 6:37

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

परेरित 15:14

परमेस्‍वर कनङके गैर-यहुदीके दया कैरके ओकरासबके आपन लोक बनाइल्‍कै, से बात सिमोन अखुन्‍ते कहलक,

परेरित 18:10

कथिलेत हम तोरे सङेचियौ। कोइ नै तोरा कोनो हानी करे सक्‍तौ कथिलेत अइ सहरमे हमर बहौत लोकसब छै।”

परेरित 22:14

तकरबाद उ हमरा कहल्‍कै, ‘अपनासबके पुरखाके परमेस्‍वर आपन इक्‍छा अहाँके बुझहाइले, आपन धारमिक सेबकके देखाबैले आ आपन मुहके बात सुनाबैले पहिनेसे अहाँके चुन्‍नेछै।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

२ थेसलोनिकी 2:13

परभुके परेम करल भाइ-भैयासब, तोरासबके खातिर हमसब हरदम परमेस्‍वरके धन्‍यबाद चरहाइले बिबस चियौ, कथिलेत परमेस्‍वर सुरुवेसे तोरासबके मुक्‍ती दैकेलेल चुनल्‍कौ। उ मुक्‍ती तोरासबके पबितर बनाइले पबितर आत्‍मासे आ सत बातमे तोरासबके करल बिस्‍बाससे आबैछै।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।

१ पतरुस 2:10

पहिने त तुसब परमेस्‍वरके जन नै छेल्‍ही, महज अखुन परमेस्‍वरके जन भेलचिही। पहिने तुसब परमेस्‍वरके दया नै पाबनेछेल्‍ही, महज अखुन तुसब परमेस्‍वरके दया पाबनेचिही।

१ पतरुस 2:25

कथिलेत तुसब हर्‌याल भेंरासब जखा छेल्‍ही, महज आब त तुसब आत्‍माके चरबाहा आ रक्‍छा करैबला लग घुइमके एलचिही।

१ पतरुस 5:4

जब परधान चरबाहा परगट हेतै, तब तुसब सबदिन चम्‍कैबला मुकुट पाबबिही जकर सोभा कहियो नै घटतौ।

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।