युहन्‍ना 10:14 - मध्‍य पुरविया थारू

¹⁴ “असल चरबाह हम्‍ही चियै। हम आपन भेरासबके चिन्‍हैचियै आ भेरोसब हमरा चिन्‍हैछै,

युहन्‍ना 10:14 ပူးပေါင်းရင်းမြစ်များ

युहन्‍ना 10:11

“असल चरबाह हम्‍ही चियै। असल चरबाह त आपन भेंरासबके लेल आपन परानो दैले पछा नै हटैछै।

युहन्‍ना 10:13

ओइ बखत बनिहार भाइग जाइछै, कथिलेकी उ बनिहारी लोक चियै, तैल्‍याके उ भेंरासबके वस्‍ते नै करैछै।

युहन्‍ना 10:27

हमर भेंरासब हमर बोली सुनैछै। हम ओइसबके चिन्‍हैचियै आ उसब हमर पछा-पछा आबैछै।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

युहन्‍ना 17:8

कथिलेत अहाँके देल सिक्‍छा हम ओइसबके देनेचियै आ उसब उ सुइकार करने छै। हम अहाँसे एलचियै कैहके उसब साँचोके बुझनेछै। तब हमरा अहै पठेलियै कैहके उसब बिस्‍बास करने छै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

एफिसी 1:17

हम अपनासबके परभु येसु खिरिस्‍टके महिमाके पिता, परमेस्‍वरके यि परथना करैचियै कि उ तोरासबके बुइध आ परकासके आत्‍मा देबे ताकी तुसब ओकरा असलसे चिन्‍हैले सके।

एफिसी 3:19

ग्‍यान आ बुइधसे बुझैले नै सकैबला खिरिस्‍टके परेमके बुझैले सक आ तुसब परमेस्‍वरके सारा सक्‍तीसे भरपुर हैले सक कैहके हम परथना करैचियौ।

फिलिप्‍पी 3:8

साँचोके कहबै त, खिरिस्‍ट येसु हमर परभुके चिन्‍हैले पाबैबला अनमोल बातके तुलनामे औरो सब बातके हम बेकार सम्‍झैचियै। खिरिस्‍टके पाबैले सकी कैहके ओकरलेल हम सबबातके नोक्‍सानी भोगने चियै आ सब चिजके मैला सम्‍झैचियै,

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

२ तिमोथी 2:19

महज तैयो परमेस्‍वरके आपनेसे बनेल्‍हा जग सबदिन अटल छै। ओइ जगमे एहेन लिखल छै: “परभु आपन लोकसबके चिन्‍हैछै” आ “परभुके नाम लैबला सब गोरा खराब कामसे दुर रहे परतै।”

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।

परकास 2:19

तुसब कि-कि करैचिही हमरा थाहछै। तोरासबके करल परेम, बिस्‍बास, सेबा आ तोरासबके करल धिरज हमरा थाहछै। तुसब पहिने जे करने छेल्‍ही ओहौसे बेसी अखैन करैचिही से हमरा थाहछै।

परकास 2:2

तोहर करल मेहनतके काम आ तोहर धिरज हमरा थाहछै। तु दुस्‍ट लोकसबके सहन करैले नै सकैचिही कैहके हमरा सेहो थाहछै। परेरित नै चियै तैयो आपनके परेरित कहैबलासबके तु जाँच कैरके झुठ साँच पता लगाइनेचिही सेहो थाहछै।

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।

परकास 3:1

“सारडिसके मन्‍डलीके देख-भाल करैबला दुतके यि बात लिख: ‘जरकसङे सातटा तरा आ परमेस्‍वरके सातटा आत्‍माछै, उ अनङ कहैछै। तोहर काम हमरा थाहछै, तुसब आत्‍मामे जिबित चिही कैहके नाम त चललछौ, महज बास्‍तममे तुसब आत्‍मामे कमजोर भ्‍याके मरल चिही।

परकास 3:15

तोरासबके काम हमरा थाहछै। तुसब नै त जुर चिही नै त गरम चिही। कि त तुसब जुर कि त गरम रहतिही त असल हेतियै।

परकास 3:8

तोहर काम हमरा थाहछै। देख, हम तोहर अगा केबार खोलल छोरदेने चियौ, जकरा कोइ नै बन्‍द करैले सकैछै। तोरासङे कनहिक सक्‍तीछै कैहके हमरा थाहछै, तैयो तु हमर बचन पालन करनेचिही आ हमर नाउके इन्‍कार नै करनेचिही।