युहन्‍ना 1:51 - मध्‍य पुरविया थारू

⁵¹ येसु फेनो कहल्‍कै, “साँचोके हम तोरासबके कहैचियौ, तुसब स्‍वरग उघरैत आ परमेस्‍वरके स्‍वरगदुतसबके मानब-बेटाके उपरमे चरहैत आ उतरैत देखबिही।”

युहन्‍ना 1:51 ပူးပေါင်းရင်းမြစ်များ

मतीके लिखल सुसमाचार 25:31

येसु कहल्‍कै, “जहिया मानबके बेटा पुरे स्‍वरगदुतसङे आपन महिमामे एतै, तहिया उ आपन महिमाके सिंहासनमे बैठतै।

मतीके लिखल सुसमाचार 26:24

मानबके बेटाके समबन्‍धमे जे धरमसास्‍तरमे लिखल छै, तहिने ओकरा जाही परतै, महज धिक्‍कार छै ओइ लोकके जे मानबके बेटाके पकराइतै। उ लोक जलम नै लेने रहतियै त ओकरलेल असल हेतियै।

मतीके लिखल सुसमाचार 3:16

तब येसु बप्‍तिस्‍मा ल्‍याके तुरन्‍ते पानीसे बाहर निकल्‍लै, तब स्‍वरग उघरलै आ उ परमेस्‍वरके आत्‍मा पौरकीके रुपमे आपन उपरमे आबैत देखल्‍कै।

मतीके लिखल सुसमाचार 4:11

तब सैतान येसु लगसे चैलगेलै आ स्‍वरगदुतसब आइबके ओकर सेबा-टहल करे लाग्‍लै।

मतीके लिखल सुसमाचार 8:20

तब येसु ओकरा कहल्‍कै, “देख, नरहियाके सोहैन छै आ चिरै-चुरगुनसबके खोता छै महज मानबके बेटाके त मुर राखैके ठामोतक नै छै।”

मतीके लिखल सुसमाचार 9:6

महज मानबके बेटाके पिरथिबीमे पाप छमा करैके अधिकार छै, से तुसब जान।” तकरबाद उ लकबा मारल लोकके कहल्‍कै, “उठ, तोहर बोरिया-बिस्‍तर बोक आ घर जो।”

मरकुस 1:10

येसु पानीसे बाहर निकलते मातर स्‍वरग उघरलै आ पबितर आत्‍मा पौरकीके रुपमे आपन उपर आबैत देखल्‍कै।

मरकुस 14:62

तब येसु कहल्‍कै, “हँ, हम चियै। एक दिन अहाँ मानबके बेटाके महान परमेस्‍वरके देहना हाथ कातमे बैठल आ अकाससे बादलके सङे आइबरहल देखबिही!”

लुका 2:13

तब ओहै बखत औरो बहुतेकरा स्‍वरगदुतसब ओइठाम देखा परलै तब परमेस्‍वरके परसन्‍सा करैत कहल्‍कै,

लुका 2:9

परभुके स्‍वरगदुत ओहै ठाम देखा परलै, तब परभुके इजोत चारुओर चरबाहासबके उपर चम्‍कलै आ उसब एकदमसे डेरागेलै।

लुका 22:43

तब स्‍वरगसे एकटा स्‍वरगदुत ओकरा सहयोग करैले ओकरलग देखाब देल्‍कै।

लुका 22:69

महज आब मानबके बेटा महान परमेस्‍वरके देहना हाथ कता बैठतै।”

लुका 24:4

यि बातसब देखके जनिजाइतसब अलमलमे परलै, अपरझट उजर चमकदार बस्‍तर पिन्‍हलहा दुइटा लोकसब कातमे ठडा भेल देखल्‍कै।

लुका 3:21

जब सब लोकसब बप्‍तिस्‍मा लैछेलै तखुन्‍ते येसु ओहो बप्‍तिस्‍मा लेल्‍कै। परथना करैबखत स्‍वरग उघरलै,

युहन्‍ना 1:50

येसु ओकरा जबाब देल्‍कै, “हम तोरा अन्‍जिरके गाछ तरमे देखलियौ कहलियौ त तु बिस्‍बास करलिही? तु त अहौसे बरका-बरका कामसब देखबिही।”

युहन्‍ना 10:1

येसु कहल्‍कै, “हम साँचोके तोरासबके कहैचियौ, जे कोइ भेंरा रहैबला घारिघरके केबारबाटे नै ढुकैछै, महज दोसरकातसे उपर चरहैके ढुकैछै, उ चोर आ डाकु चियै।

युहन्‍ना 10:7

ओहैसे येसु फेनो ओइसबके कहल्‍कै, “हम तोरा साँचोके कहैचियौ, भेंरासबके ढुकैबला केबार हम्‍ही चियै।

युहन्‍ना 13:16

साँचोके हम तोरासबके कहैचियौ, नोकर आपन मालिकसे बरका नै हैछै, समाद पठाइबलासे समाद आनैबला बरका नै हैछै।

युहन्‍ना 13:38

तब येसु जबाफदैत कहल्‍कै, “कि तु हमर लेल जानो द्‍यादेब्‍ही? साँचोके हम तोरा कहैचियौ, बिहान मुरगा डाँक दैसे पहिने तु हमरा तिन बेर इन्‍कार करबिही!”

युहन्‍ना 14:12

“साँचोके हम तोरासबके कहैचियौ, हमरमे बिस्‍बास करैबला सेहो यि कामसब करे सक्‍तै जे कामसब हम करैचियै आ ओहौसे पैध कामसब करतै कथिलेत हम पितालग जाइचियै।

युहन्‍ना 16:20

साँचोके हम तोरासबके कहैचियौ, तुसब कानबिही आ खिजबिही, महज सन्‍सार खुसी हेतौ। तुसब दुखमे परबिही, महज तोरासबके दुख, खुसी आ आनन्‍दमे बदैल जेतौ।

युहन्‍ना 16:23

ओइ दिन तुसब हमरा कुछो नै पुछबिही। हम साँचोके कहैचियौ, तुसब हमर नाममे पिता सङे जे माङबिही, से उ तोरासबके देतौ।

युहन्‍ना 21:18

हम तोरा साँचेके कहैचियौ, जब तु जबान छेल्‍ही तब तु आपन गम्‍छा आपनेसे कसै छेल्‍ही, जते मन लागैछेलौ ओते जाइ छेल्‍ही। महज जब तु बुढ हेब्‍ही तब तु आपन हाथ पसारबिही आ दोसरकोइ तोहर डारमे गम्‍छा बाइन्‍हदेतौ आ तोरा जते जाइले मन नै लाग्‍तौ ओते ल्‍याजेतौ।

युहन्‍ना 3:3

येसु निकोदेमसके कहल्‍कै, “साँचोके हम तोरासबके कहैचियौ, जाबेतक फेनोसे लोक नया कैरके जलम नै लेतै ताबे तक उ परमेस्‍वरके राज देखे नै सक्‍तै।”

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

युहन्‍ना 5:19

तब येसु ओइसबके जबाफ देल्‍कै, “साँचोके हम तोरासबके कहैचियौ, बेटा स्‍वयम आपनेसे कुछो करे नै सकैछै, महज पिताके जे करैत देखैछै, उ ओह्‍या मातरे करे सकैछै, कथिलेत पिता जे-जे करैछै, बेटो ओह्‍या-ओह्‍या करैछै।

युहन्‍ना 5:27

आ ओकरा नियाइयो करैबला अधिकार देनेछै, कथिलेत उ मानबके बेटा चियै।

युहन्‍ना 6:26

येसु ओइसबके जबाब देल्‍कै, “हम तोरासबके साँचोके कहैचियौ, तुसब अचमके कामसब देखके नै महज रोटी ख्‍याके अगहेलासे हमरा ताकैचिही।

युहन्‍ना 6:32

यि बात सुइनके येसु ओइसबके कहल्‍कै, “साँचोके हम तोरासबके कहैचियौ, मोसा तोरासबके स्‍वरगके रोटी नै देनेछौ, महज हमर पिता तोरासबके स्‍वरगके साँचोके रोटी देतौ।

युहन्‍ना 6:47

“साँचोके हम तोरासबके कहैचियौ, जे बिस्‍बास करैछै, ओकरसङे अनन्‍त जिबन छै।

युहन्‍ना 6:53

येसु उसबके कहल्‍कै, “साँचोके हम तोरासबके कहैचियौ, यदी तुसब मानबके बेटाके देह नै खेबही आ ओकर लहु नै पिब्‍ही त, तोरासबमे अनन्‍त जिबन नै रहतौ।

युहन्‍ना 8:34

येसु ओइसबके जबाफ देल्‍कै, “हम साँचे तोरासबके कहैचियौ, जे पाप करैछै, उ पापके दास चियै।

युहन्‍ना 8:51

साँचोके हम तोरासबके कहैचियौ, यदी जे कोइ हमर कहल बचनके पालन करतै त उ कहियो नै मरतै।”

युहन्‍ना 8:58

तब येसु ओकरासबके कहल्‍कै, “हम तोरासबके साँचोके कहैचियौ, अबराहमके जलमसे पहिनेसे हम चियै।”

परेरित 10:11

तब उ स्‍वरग उघरल आ ओतेसे बरका तन्‍ना जखा कोनो चिज जकर चारु खुट बान्‍हल पिरथिबी दिसन उतरैत देखल्‍कै।

परेरित 7:56

तब उ कहल्‍कै, “देख, हम स्‍वरग उघरल आ परमेस्‍वरके देहनाकात मानब पुतर येसुके ठारभेल देखैचियै।”

२ थेसलोनिकी 1:7

परमेस्‍वरमे दुख सहैबला तोरासबके आ हमरासबके छुटकारा देतौ। यि त तब हेतै, जब परभु येसु स्‍वरगसे धधकैत आइगमे आपन सक्‍तीसाली स्‍वरगदुतसबसङे परगट हेतै तब यि सब करतै।

२ थेसलोनिकी 1:9

एहैन लोकसब परभुके उपस्‍थिती आ ओकर सक्‍तिके महिमासे अलग हेतै आ सबदिनके लेल नास हेतै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

हिबरु 1:14

स्‍वरगदुतसब त परमेस्‍वरके सेबा करैबला आत्‍मासब चियै। परमेस्‍वर ओकरासबके मुक्‍ती पाबैबला लोकसबके सहायता करैके लेल पठाइनेछै।

यहुदा 1:14

आदमसे सातम पुस्‍ताके हनोक यि लोकसबके बारेमे एहेन अगमबानी कहनेरहै, “देख, हजारो-हजार पबितर स्‍वरगदुतसब सङे परभु आबैछै।

परकास 19:11

तकरबाद हम स्‍वरग उघरल देखलियै आ ओते एकटा उजर घोरा छेलै। ओइमे सबार हैबला “बिस्‍बासयोग्‍य” आ “सत” कहेतै। उ ठिकसे नियाइ आ लराइ करतै।

परकास 4:1

तकरबाद हम दोसर दरसन देखलियै आ स्‍वरगमे एकटा केबार खुलल देखलियै। हमर सुनल पहिन्‍का अबाज तुरहीके जखा आबाजमे हमरसङे अनङ बोलैत सुनलियै, “अते उपर या, तकरबाद हैले आबैबला बात हम तोरा देखाइबौ।”