युहन्‍ना 1:38 - मध्‍य पुरविया थारू

³⁸ येसु पछामाथे घुइमके ताकल्‍कै त ओइसबके आपन पछा लागल देखके पुछल्‍कै, “तुसब कथी ताकैचिही?” उसब जबाब देल्‍कै, “रब्‍बी, (जकर अरथ गुरु जी चियै) अहाँ कते रहैचियै?”

युहन्‍ना 1:38 ပူးပေါင်းရင်းမြစ်များ

लुका 10:39

ओकर बहिनके नाम मरियम छेलै। उ येसुके गोर लग बैठके ओकर बचन सुनैछेलै।

लुका 14:25

एक दिन बहुत लोकसब येसुके सङे-सङे जाइ छेलै, तब येसु ओइसबके घुइमके कहल्‍कै,

लुका 15:20

तब उठके उ आपन बाबुलग घुइमके एलै। “महज बहुत दुरेसे ओकर बाबु आबैत देख लेल्‍कै, ओकर मन दयासे भरलै आ दौरले ज्‍याके ओकरा पजियाके गालमे चुम्‍मा लेल्‍कै।

लुका 19:5

जब येसु ओइ ठाममे पुग्‍लै, तब उ उपर दिसन ताकैत कहल्‍कै, “ए जक्‍कैया, झटसिना निचा उतर। कथिलेत आइ हमरा तोहर घरमे मेजवानी रहैके छै।”

लुका 22:61

तब येसु घुइमके पतरुस दिसन ताकल्‍कै। “आइ मुरगा डाँकैसे पहिने तु हमरा तिन बेर इन्‍कार करबिही” परभुके कहलाहा बचन पतरुसके मनमे याद एलै।

लुका 8:38

महज जे लोकसे भुतसब निकलल छेलै उ येसुके बिन्‍ती करैत कहल्‍कै, “गुरु जी, अहाँसङे हमरो ल्‍या चलु।” महज येसु ओकरा कहल्‍कै,

युहन्‍ना 1:37

यि बात सुइनके दुइ गोरा चेलासब येसुके पछा लाग्‍लै।

युहन्‍ना 1:39

तब येसु जबाब देल्‍कै, “आइबके देख!” उसब ओकरसङे ज्‍याके ओकर रहैबला ठाम देखल्‍कै आ ओइ दिन ओकरेसङे रहलै। कथिलेकी तै बखत बेरियाके चार बजे लागल छेलै।

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

युहन्‍ना 12:21

उसब गालिल परदेसके बेथसेदा गामके फिलिप लग आइबके बिन्‍ती करैत कहल्‍कै, “हजुर, हमसब येसुसे भेट करैले चाहैचियै।”

युहन्‍ना 18:4

आपन उपर आबैबला सब बात येसुके थाह छेलै, तैल्‍याके अगा ज्‍याके उसबके पुछल्‍कै, “तुसब ककरा ताकैचिही?”

युहन्‍ना 18:7

तब येसु फेनो उसबके पुछल्‍कै, “तुसब ककरा ताकैचिही?” उसब कहल्‍कै, “नासरतके येसुके।”

युहन्‍ना 3:2

राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

युहन्‍ना 3:26

उसब युहन्‍ना लग आइबके कहल्‍कै, “गुरु जी, यरदन लदीके ओइपार जे अहाँसङे रहै, जकर बारेमे अहाँ गबाही देने रहियै, से बप्‍तिस्‍मा द्‍यारहलछै आ सब गोरा ओकरे लग जाइछै।”

युहन्‍ना 4:31

ओह्‍या बखत चेलासब येसुके बिन्‍ती करैत कहल्‍कै, “गुरु जी, कुछ ख्‍या लिय।”

युहन्‍ना 6:25

लोकसब तालके ओइ कात येसुके कहल्‍कै, “गुरु जी, अहाँ अते कहिया एलियै?”

परेरित 10:21

तब पतरुस निचा उतरलै आ ओइसबलग ज्‍याके कहल्‍कै, “तुसब जै लोकके ताकैचिही उ हम्‍ही चियौ। तुसब कथिले अते एलचिही?”

परेरित 10:29

अहै कारन अहाँ बोलाइत मातर कोनो आपती नै मानैत हम एलियौ। आब कह, तुसब हमरा कथिले बोलाइलिही?”