युहन्‍ना 1:33 - मध्‍य पुरविया थारू

³³ साँचोके उ के चियै से हम नै चिन्‍है छेलियै, महज जे हमरा पानीसे बप्‍तिस्‍मा दैले पठाइल्‍कै ओह्‍या हमरा कहल्‍कै, जकर उपरमे पबितर आत्‍मा उतैरके बैठल देखबिही ओह्‍या पबितर आत्‍मासे बप्‍तिस्‍मा दैबलाहेतौ।

युहन्‍ना 1:33 ပူးပေါင်းရင်းမြစ်များ

मतीके लिखल सुसमाचार 3:11

“हम पस्‍चातापके खातिर तोरासबके पानीसे बप्‍तिस्‍मा देबौ, महज हमरसे पाछे जे आबैबला छै, उ हमरोसे सक्‍तिसाली छै, जकर हम जुतो बोकैके जोकर नै चियै। उ तोरासबके पबितर आत्‍मा आ आइगसे बप्‍तिस्‍मा देतौ।

लुका 3:16

तब युहन्‍ना ओकरासबके जबाब देल्‍कै, “हम त तोरासबके पानीसे बप्‍तिस्‍मा दैचियौ, महज एक गोरा जे आइबरहल्‍छौ उ हमरोसे बरका छै, जकर हम जुताके फितो तक खोलैके जोकरके नै चियौ। उ तोरासबके पबितर आत्‍मा आ आइगसे बप्‍तिस्‍मा देतौ।

युहन्‍ना 1:31

उ के चियै से हम्‍हु नै चिन्‍हैछेलियै, महज ओकरा इजराएलीसबके बिचमे परगट हेबे कैहके हम पानीके बप्‍तिस्‍मा दैत एलियै।”

युहन्‍ना 14:26

महज पिता हमर नाममे पठाइबला सल्‍लाहकार पबितर आत्‍मा तोरासबके सब बात सिखाइतौ आ हमर कहल सब बात तोरासबके मन पाइरदेतौ।

युहन्‍ना 3:34

परमेस्‍वरसे पठाएल लोक परमेस्‍वरेके बात बाजैछै कथिलेत परमेस्‍वर ओकरा आपन आत्‍मा भरपुर कैरके दैछै।

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

युहन्‍ना 7:39

येसु यि बात पबितर आत्‍माके बारेमे कहने छेलै, जे पबितर आत्‍मा ओकरमे बिस्‍बास करैबलासब पाबैले लागलछेलै। ओइ बखत तक परमेस्‍वर पबितर आत्‍माके नै पठेने छेलै, कथिलेत येसु आपन स्‍वरगके महिमामे घुइमके नै गेलछेलै।

परेरित 1:5

युहन्‍ना त पानीसे बप्‍तिस्‍मा देल्‍कै, महज आबके कुछ दिनमे तुसब पबितर आत्‍मासे बप्‍तिस्‍मा हेब्‍ही।”

परेरित 2:4

तब उ सबगोरे पबितर आत्‍मासे भरलै आ पबितर आत्‍माके सक्‍तिसे उसब आन भसासबमे बोले लाग्‍लै।

१ कोरन्‍थी 12:13

हमसब चाहे यहुदी हेबे, चाहे गिरिक, चाहे दास हेबे, चाहे स्‍वतन्‍तर, सबकोइ एके पबितर आत्‍मासे बप्‍तिस्‍मा पाबनेचियै आ एके देह भेलचियै। तब अपनासबके एके पबितर आत्‍मा देनेछै।