युहन्‍ना 1:19 - मध्‍य पुरविया थारू

¹⁹ जखन यहुदी अगुवासब यरुसलेमसे पुजारी आ लेबीके युहन्‍ना लग “तु के चिही?” कैहके पुछैले पठेल्‍कै।

युहन्‍ना 1:19 ပူးပေါင်းရင်းမြစ်များ

युहन्‍ना 1:7

ओकरेसे सबकोइ इजोतमे बिस्‍बास करे कैहके इजोतके गबाही दैले उ साक्‍छी भ्‍याके एलै।

युहन्‍ना 10:24

यहुदी अगुवासब ओकर चारुकात जमा भ्‍याके कहल्‍कै, “अहाँ कहियातक हमरासबके दोधारमे राखबै? यदी अहाँ मुक्‍ती दैबला खिरिस्‍ट चियै त हमरासबके सत बात कैहदियौ।”

युहन्‍ना 10:31

यहुदी अगुवासब फेनो येसुके मारैके लेल पथल उठाइल्‍कै।

युहन्‍ना 11:19

बहुतो यहुदीसब मारथा आ मरियमके ओकर भाइके बारेमे चितभरोस दैले एलछेलै।

युहन्‍ना 2:18

महज यहुदी अगुवासब येसुके रोकैत कहल्‍कै, “यि कामसब करैके अधिकार छै कहके परमान दैले अहाँ हमरासबके कोन चेन्‍हा देखाइबै?”

युहन्‍ना 2:20

तब यि बात सुइनके यहुदीसब कहल्‍कै, “एह्‍या मन्‍दिर बनाइले हमरासबके छियालिस बरिस लागल छेलै, कि अकरा तिन दिनमे ठार कैरदेबै?”

युहन्‍ना 5:10

तैखातिर यहुदी अगुवासब निक भेल लोकके कहल्‍कै, “आइके त बिसरामके दिन चियौ, बेबस्‍था अनुसार तोरा बिछौना नै बोकैके चाही।”

युहन्‍ना 5:15

तकरबाद उ लोक यहुदी अगुवासब लग ज्‍याके “हमरा निक करैबला त येसु चियै” कहैके सुनाइल्‍कै।

युहन्‍ना 5:16

तैल्‍याके यहुदी अगुवासब येसुके सताबे लाग्‍लै, कथिलेत उ यि काम बिसराम दिनमे करने छेलै।

युहन्‍ना 5:18

यि बात सुइनके यहुदी अगुवासब औरो येसुके मारैले ताकैछेलै, कथिलेत उ बिसराम दिन भङ मातरे नै, महज परमेस्‍वरके आपन पिता कैहके अपने-आपके परमेस्‍वरके समान ठहराइछेलै।

युहन्‍ना 6:41

अतबेहेकमे यहुदीसब ओकर बिरोध करैत गनगनाबे लाग्‍लै, कथिलेत उ कहल्‍कै, “स्‍वरगसे उतैरके एल रोटी हम्‍ही चियौ।”

युहन्‍ना 6:52

यि बातसे यहुदीसबके बिचमे बाद-बिबाद हैले लाग्‍लै। उसब कहेलाग्‍लै, “यि लोक अपनासबके कनङके आपन देह खाइले देबेसक्‍तै?”

युहन्‍ना 7:1

तकरबाद येसु गालिल परदेसमे घुमफिर करल्‍कै। उ यहुदिया इलाका दिसन जाइले नै चाहल्‍कै, कथिलेत यहुदीसब ओकरा जानसे मारैले मौका ताकैछेलै।

युहन्‍ना 7:11

यहुदीसब पाबैनमे येसुके ताकैत रहै आ लोकसबसे पुछैछेलै कि “उ कते छै?”

युहन्‍ना 7:15

तब यहुदी अगुवासब एकदम छक परैत एहेन कहेलाग्‍लै, “यि लोक बिना सिक्‍छा पाइबके कनङके सिखाबे सकैछै?”

युहन्‍ना 8:22

यि बात सुइनके यहुदी अगुवासब एक-दोसरमे कहेलाग्‍लै, “कतौ यि आपने मरे ज्‍यारहल छै कि? अकर कहैके मतलब कथी चियै, ‘जते हम जेबौ, तते तुसब आबे नै सकबिही।’”

युहन्‍ना 8:48

यि बातसब सुइनके यहुदी अगुवासब येसुके कहल्‍कै, “तु सामरी चिही आ तोरा भुत लागल छौ। कि हमसब ठिके कहैचियौ नै?”

युहन्‍ना 8:52

तखन यहुदी अगुवासब ओकरा कहल्‍कै, “आब त साँचेके हमसब जाइन गेलियै कि, तोरा भुत लागल छौ। अबराहम मरलै आ अगमबक्‍तासब सेहो मरलै, महज तु कहैचिही कि ‘यदी कोनो लोक हमर बचनके पालन करतै त उ कहियो नै मरतै।’

युहन्‍ना 8:57

यहुदी अगुवासब ओकरा कहल्‍कै, “तु त पचासो बरिस नै पुगल चिही, तब कनङके अबराहमके देखलिही त?”

परेरित 13:25

जखुन युहन्‍ना आपन काम ओराबे लाग्‍लै तखुन कहल्‍कै, ‘तुसब हमरा जे बुइझ रहलचिही, से हम नै चियौ। महज हमरसे पछा एक गोरा आबैछौ, जकर हम जुताके फितो तक खोलैके जोकर नै चियै।’

परेरित 19:4

तकरबाद पावल ओकरौरके बुझ्‍हाके कहल्‍कै, “युहन्‍नाके सिख्‍याल बप्‍तिस्‍मा पापसे पस्‍चाताव करैबला बप्‍तिस्‍मा चियै। उ लोकसबके कहने छेलै ‘हमरसे पाछे आबैबला येसु खिरिस्‍टमे बिस्‍बास कर।’”

१ युहन्‍ना 1:5

जे बात हमसब परमेस्‍वरके बेटा येसुसे सुनलियै से बात एह्‍या चियै कि, परमेस्‍वर इजोत चियै आ ओकरमे एकोरती अन्‍हार नै छै।