युहन्‍ना 1:18 - मध्‍य पुरविया थारू

¹⁸ परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 1:18 ပူးပေါင်းရင်းမြစ်များ

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

लुका 10:22

“हमर पिता हमरा सबचिजके जिमा देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै आ बेटा ओकरा जकरलग परगट करैके इक्‍छा करैछै से औरो कोइ नै जानैछै।”

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 12:41

यसैया यि बात कहल्‍कै, कथिलेकी उ येसुके महिमा देखल्‍कै आ ओकर बारेमे बाज्‍लै।

युहन्‍ना 13:23

ओकर चेलासबमेसे एक गोरे, जकरा येसु परेम करैछेलै, उ ओकरे कातमे ओङैठके बैठल छेलै।

युहन्‍ना 14:9

येसु ओकरा जबाब देल्‍कै, “फिलिप! अतहेक दिनसे त हम तोरेसबसङे चियौ, तैयो तु हमरा नै चिन्‍हैचिही? जे हमरा देख्‍ने छै, उ पिताके देख्‍ने छै। तब तु कनङके कहैचिही, कि ‘हमरासबके पिताके देख्‍यादिय?’

युहन्‍ना 17:26

हम ओकरासबके अहाँके चिन्‍हादेनेचियै आ अहाँके चिन्‍हाइते रहबै, ताकि जे परेम अहाँ हमरा करलियै, ओह्‍या परेम ओइसबमे रहे आ हम ओइसबमे रही।”

युहन्‍ना 17:6

“जे लोकसब अहाँ हमरा सन्‍सारसे देलियै हम ओइ लोकसबके अहाँके बारेमे सब चिज कैह देलियै। उसब अहाँके छेलै आ उसबके अहाँ हमरा देलियै आ उसब अहाँके बचन पालन करने छै।

युहन्‍ना 3:11

साँचोके हम तोरा कहैचियौ, जे बात हमसब जानैचियै, ओह्‍या बात हमसब कहैचियै आ जे बात देखने चियै ओहैके गबाही दैचियै, महज तैयो तुसब हमरासबके गबाहीके सुइकार नै करैचिही।

युहन्‍ना 6:46

परमेस्‍वर पिताके कोइ नै देख्‍ने छै। जे पितासे एलछै, उ मातरे पिताके देख्‍ने छै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

कलस्‍सी 1:15

खिरिस्‍ट त नै देखैबला परमेस्‍वरके देखैबला रुप चियै। उ सारा सिरिस्‍टीके उपर अधिकार करैछै।

१ तिमोथी 1:17

जुगो-जुगके रजा, अमर, देखा नै परैबला एक मातरे परमेस्‍वरके आदर-भाव आ महिमा सबदिन हैते रहे। आमेन।

१ तिमोथी 6:16

उ अजर-अमर रहैबला आ उ एहेन इजोतमे बास करैछै जकर लगमे कोइ नै जाइले सकैछै। ओकरा कोइयो नै देखने छै आ नै देखे सक्‍तै। सब आदर आ सब सक्‍ति, सबदिन ओकरे चियै। आमेन।

१ युहन्‍ना 4:12

परमेस्‍वरके कोइने कहियो देख्‍नेछै। महज अपनासब एक-दोसरके परेम करबिही त परमेस्‍वर अपनासबमे बास करतै आ ओकर परेम अपनासबमे पुरा हेतै।

१ युहन्‍ना 4:20

यदि कोइ परमेस्‍वरके परेम करैचियै कहैछै आ आपन भाइ-बहिनके घिरना करैछै त उ झुठ छै। आपनसे देखल भाइके परेम नै करैबला नै देखल परमेस्‍वरके कनङ परेम करे सक्‍तै?

१ युहन्‍ना 4:9

परमेस्‍वर अपनासबके एहेन परेम करल्‍कै कि उ आपन एक मातरे बेटाके सन्‍सारमे पठाइल्‍कै, ताकी अपनासब ओकरसे जिबन पाबेसकी।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।