युहन्‍ना 1:15 - मध्‍य पुरविया थारू

¹⁵ युहन्‍ना ओकरे बारेमे गबाही दैत जोरसे कहल्‍कै, “हमरसे पछा आबैबला हमरसे बहौत महान छै, कथिलेत उ हम जलमैसे पैहनैयेसे छेलै। यि ओह्‍या लोक चियै, जकर बारेमे सब बात हम कहने छेलियौ।”

युहन्‍ना 1:15 ပူးပေါင်းရင်းမြစ်များ

मतीके लिखल सुसमाचार 3:11

“हम पस्‍चातापके खातिर तोरासबके पानीसे बप्‍तिस्‍मा देबौ, महज हमरसे पाछे जे आबैबला छै, उ हमरोसे सक्‍तिसाली छै, जकर हम जुतो बोकैके जोकर नै चियै। उ तोरासबके पबितर आत्‍मा आ आइगसे बप्‍तिस्‍मा देतौ।

मरकुस 1:7

युहन्‍ना लोकसबके एहेन कैहके परचार करैछेलै, “जे हमरसे पछा एतौ उ हमरसे बरका छै आ हम निहुकके ओकर जुताके फितो तक खोलैके जोकर के नै चियै।

लुका 3:16

तब युहन्‍ना ओकरासबके जबाब देल्‍कै, “हम त तोरासबके पानीसे बप्‍तिस्‍मा दैचियौ, महज एक गोरा जे आइबरहल्‍छौ उ हमरोसे बरका छै, जकर हम जुताके फितो तक खोलैके जोकरके नै चियौ। उ तोरासबके पबितर आत्‍मा आ आइगसे बप्‍तिस्‍मा देतौ।

युहन्‍ना 1:27

हमरसे पछा आबैबला ओह्‍या चियौ। जकर हम जुताके फितो तक खोलैके जोकर नै चियै।”

युहन्‍ना 17:5

हे पिता, सन्‍सार सिरिस्‍टी हैसे पहिने अहाँसङे हमर जे महिमा छेलै, ओह्‍या महिमासे आब अहाँके अगा हमरा महिमीत करु।

युहन्‍ना 8:58

तब येसु ओकरासबके कहल्‍कै, “हम तोरासबके साँचोके कहैचियौ, अबराहमके जलमसे पहिनेसे हम चियै।”

कलस्‍सी 1:17

वह्‍या सब चिज सिरिस्‍टी हैसे पहिनेसे छेलै आ ओकरेमे सब चिज अरल छै।

हिबरु 13:8

येसु खिरिस्‍ट काइल, आजु आ सबदिन एकसमान रहैछै।

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

परकास 2:8

“इस्‍मुरनामे भेल मन्‍डलीके देख-भाल करैबला दुतके यि लिख, ‘जे सुरु आ अन्‍त चियै, उ मरियोके जिबित हैबला अनङ कहैछै।