युहन्‍ना 1:14 - मध्‍य पुरविया थारू

¹⁴ तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 1:14 ပူးပေါင်းရင်းမြစ်များ

मतीके लिखल सुसमाचार 1:16

आ याकुबके बेटा योसेफ जे मरियमके घरबला रहै, ओही मरियमसे खिरिस्‍ट कहाइबला येसुके जलम भेलै।

लुका 2:11

आइ दाउदके सहरमे मुक्‍तीदाताके जलम भेल छै, जे खिरिस्‍ट परभु चियै।

लुका 2:7

उ आपन जेठका बेटाके जलम देल्‍कै तब ओकरा गुदरीमे लपेटके गोहालिके नाइदमे सुतेल्‍कै कथिलेत ओकरासबके धरमसलामे ठहरैले कतौ ठाम नै मिल्‍लै।

लुका 9:32

पतरुस आ ओकर साथीसब बिहान निनसे सुतल छेलै। महज जाग्‍लाकेबाद उसब येसुके महिमा आ ओकरसङे दुइटा लोकसबके ठारभेल देखल्‍कै।

युहन्‍ना 1:1

सिरिस्‍टी हैसे पहिने बचन रहै। बचन परमेस्‍वरसङे रहै आ बचने परमेस्‍वर रहै।

युहन्‍ना 11:40

येसु ओकरा कहल्‍कै, “यदि तु बिस्‍बास करबिही त परमेस्‍वरके महिमा देखबिही से हम तोरा नै कहने छेलियौ?”

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 14:9

येसु ओकरा जबाब देल्‍कै, “फिलिप! अतहेक दिनसे त हम तोरेसबसङे चियौ, तैयो तु हमरा नै चिन्‍हैचिही? जे हमरा देख्‍ने छै, उ पिताके देख्‍ने छै। तब तु कनङके कहैचिही, कि ‘हमरासबके पिताके देख्‍यादिय?’

युहन्‍ना 17:22

जे महिमा अहाँ हमरा देनेचियै, ओह्‍या महिमा हम ओइसबके देनेचियै, ताकि जहिनङे हम आ अहाँ एक चियै तहिनङे ओहोसब एक हेबे।

युहन्‍ना 17:24

“हे पिता, हम इक्‍छा करैचियै कि, जकरासबके अहाँ हमरा देनेचियै, सेसब हमरसङे रहे आ हमर महिमा देखे, जे महिमा सन्‍सार सिरिस्‍टी हैसे पहिने अहाँ हमरा परेम करलाके कारनसे देनेछेलियै।

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

युहन्‍ना 3:18

ओकर उपर बिस्‍बास करैबला कोइने दोसी ठहरतै, महज ओकर उपर बिस्‍बास नै करैबलासब पहिने दोसी ठहैरगेलछै। कथिलेत उसब परमेस्‍वरके एकलौता बेटाके बिस्‍बास नै करने छै।

युहन्‍ना 6:51

स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

युहन्‍ना 8:32

तब तुसब सतके जानबिही आ सत तोरासबके छुटकारा देतौ।”

परेरित 13:33

परमेस्‍वर येसुके मरलसे जियाके उ यि परतिग्‍या अपनासबके आ ओकरसबके धियापुताके खातिर पुरा करने छै। जनङ धरमसास्‍तरके भजनसङगरहके दोसर अध्‍यायमे लिखल छै, ‘तु हमर बेटा चिही, आइके दिन हम तोरा जलम देनेचियौ।’

रोमी 8:3

बेबस्‍था जे करैले नै सक्‍लै, से परमेस्‍वर करल्‍कै, कथिलेकी अपनासबके पापी स्‍वभाबके कारनसे बेबस्‍था कमजोर भेलै। परमेस्‍वर अपनासबके पापसे छुटकरा करैके लेल आपनेसब जखा आपन बेटाके देहमे पठेल्‍कै आ उ खिरिस्‍टके देहके बलिदान कैरके अपनासबके पापके नास करल्‍कै।

रोमी 9:5

इजराएलीसब नाम चलल पुरखासबके बेटा-बेटीसब चियै, येसु खिरिस्‍ट सेहो अहै जातीसे जलम लेल्‍कै। उ त सब जातीसबमे राज करैबला परमेस्‍वर चियै। ओकर परसन्‍सा सबदिन हैतरहे! आमेन।

१ कोरन्‍थी 15:47

पहिल्‍का लोक आदम पिरथिबीके माटीसे बन्‍याल छेलै, महज दोसर लोक खिरिस्‍ट स्‍वरगसे एलै।

२ कोरन्‍थी 12:9

महज परभु हमरा कहल्‍कै, “हमर अनुगरह तोहर लेल परसस्‍त छौ, कथिलेत हमर सक्‍ती कमजोरीमे पुरा हैछै।” तैखातिर खिरिस्‍टके सक्‍ति हमरमे रहे कैहके कमजोरीमे हम औरो खुसीसे घमन्‍ड करैचियै।

गलाती 4:4

महज परमेस्‍वरके देल समय पुरा भेलाके बाद आपन बेटाके पठाइल्‍कै। उ जनिके कोखसे जलमलै आ बेबस्‍थाके अधिनमे जलमल छेलै।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

कलस्‍सी 1:19

कथिलेत परमेस्‍वरके निरनयसे ओकर आपन सब स्‍वभाव खिरिस्‍टमे मिलल छै।

कलस्‍सी 2:3

ओकरेमे परमेस्‍वरके सब ग्‍यान आ बुइधके सारा सम्‍पतीके भन्‍डारछै।

कलस्‍सी 2:9

कथिलेत परमेस्‍वरके सारा परिपुर्‌नता खिरिस्‍टके देहमे बास करैछै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

हिबरु 1:5

परमेस्‍वर आपन बेटाके कहल्‍कै, “तु हमर दुलरुवा बेटा चिही, आइ हम तोहर बाबु भेल चियौ।” यि बात कोनो स्‍वरगदुतके परमेस्‍वर कहियो नै कहल्‍कै। उ आपन बेटाके बारेमे अनङ कहल्‍कै, “हम ओकर बाबु हेबै आ उ हमर बेटा हेतै।” यि बात कोनो स्‍वरगदुतसबके कहियो नै कहल्‍कै।

हिबरु 10:5

अहैकारनसे सन्‍सारमे आबैतखिना खिरिस्‍ट परमेस्‍वरके अनङ कहल्‍कै, “अहाँ भेटी आ बलीसब नै चाहलियै, महज अहाँ हमर खातिर एकटा देह तैयार कैरदेने चियै।

हिबरु 2:11

लोकसबके पबितर बनाबैबला येसु आ पबितर बन्‍यालगेल सब एकेटा परिबारके चियै। ओहैलेल उ ओइसबके, “आपन भाइ-भैया आ दिदी-बहिनसब” कहैले नै लजाइछै।

हिबरु 5:5

खिरिस्‍ट सेहो परधान पुजारी हैबला आदर आपने नै लेल्‍कै, महज ओकरा यि कहैबला आदर देल्‍कै, “तु हमर पिरिय बेटा चिही आ आइ हम तोहर बाबु भेल चियौ।”

१ युहन्‍ना 4:14

हमसब यि देख्‍ने चियै आ साक्‍छी दैचियै कि, परमेस्‍वर पिता सन्‍सारके मुक्‍ती दैबला हैकेलेल आपन बेटाके पठाइने छै।

१ युहन्‍ना 4:9

परमेस्‍वर अपनासबके एहेन परेम करल्‍कै कि उ आपन एक मातरे बेटाके सन्‍सारमे पठाइल्‍कै, ताकी अपनासब ओकरसे जिबन पाबेसकी।

२ युहन्‍ना 1:7

कथिलेत बहुतो धोखा दैबलासब सन्‍सारके बहुतो ठामसबमे पुइगगेल छै, जेसब येसु खिरिस्‍ट देहधारी भेल छै कैहके नै सुइकारैछै। एहैन लोकसब धोखा दैबला आ खिरिस्‍ट बिरोधी चियै।

परकास 19:13

उ लहुमे डुब्‍याल बस्‍तर लगाइने रहै। ओकर नाम “परमेस्‍वरके बचन” छेलै।

परकास 21:3

तब हम सिंहासनसे एहेन कहल एकटा बरका अबाज सुनलियै, “देख, परमेस्‍वरके बास लोकसबसङे भेल छै। परमेस्‍वर ओइसबसङे बास करतै आ उसब ओकर लोकसब हेतै। परमेस्‍वर आपने ओइसबके परमेस्‍वर भ्‍याके ओकरासबसङे रहतै।