युहन्‍ना 1:11 - मध्‍य पुरविया थारू

¹¹ उ आपने लोकसबलग एलै, महज ओकर आपने लोकसब ओकरा सुइकार नै करल्‍कै।

युहन्‍ना 1:11 ပူးပေါင်းရင်းမြစ်များ

मतीके लिखल सुसमाचार 15:24

तब फेनो येसु कहल्‍कै, “परमेस्‍वर हमरा इजराएलके लोकसबके लेल मातरे पठाइने छै। उसब हर्‌याल भेंरासब जखाछै।”

लुका 19:14

महज देसके परजासबके ओकर बात निक नै लाग्‍लै, तै खातिर उसब ओकर पछा-पछा दुतसबके पठाइल्‍कै आ कहल्‍कै, ‘यि लोक हमरासब उपर राज करे से हमसब नै चाहैचियै।’

युहन्‍ना 1:10

उ सन्‍सारमे छेलै, सन्‍सार ओकरेसे बन्‍लै, तैयो सन्‍सार ओकरा नै चिन्‍हल्‍कै।

युहन्‍ना 1:12

जेसब ओकरा सुइकार करल्‍कै आ ओकरमे बिस्‍बास करल्‍कै, तैसबके उ परमेस्‍वरके धियापुता हैके हक देल्‍कै।

युहन्‍ना 19:27

तब उ चेलोके कहल्‍कै, “देख, तोहर माँ!” ओइ दिनसे उ चेला ओकरा आपन घरमे ल्‍यागेलै।

युहन्‍ना 3:32

उ जे बात देखनेछै आ सुन्‍नेछै, उ तहै बातके गबाही दैछै, महज ओकर गबाही कोइ नै सुइकार करैछै।

परेरित 13:26

“ऐ, अबराहमके कुलके धियापुता आ ओकरौरके परमेस्‍वरके डर मानैबला चाहे उ आने जातीके कियनै हेबै, कथिलेत यि मुक्‍तीके खबर परमेस्‍वर अपनासबके खातिर पठाइने छै।

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

परेरित 21:6

ओकरबाद हमसब बिदा भ्‍याके पानी जहादमे चरहलियै आ उसब आपन घर दिसन घुइमके गेलै।

रोमी 15:8

हम तोरासबके यि बात कहैचियौ कि, परमेस्‍वर यहुदीसबके पिता-पुरखासबसङे करल परतिग्‍या सत छै से देखाबैले खिरिस्‍ट यहुदीसबके सेबक बन्‍लै।

रोमी 9:1

हमर कहल बात सत छै, झुठ नै, कथिलेत हम खिरिस्‍टके लोक चियै। पबितर आत्‍माके अधिनमे रहल हमर बिबेक हम झुठ नै बोलैचियै कैहके साक्‍छी दैछै।

रोमी 9:5

इजराएलीसब नाम चलल पुरखासबके बेटा-बेटीसब चियै, येसु खिरिस्‍ट सेहो अहै जातीसे जलम लेल्‍कै। उ त सब जातीसबमे राज करैबला परमेस्‍वर चियै। ओकर परसन्‍सा सबदिन हैतरहे! आमेन।

गलाती 4:4

महज परमेस्‍वरके देल समय पुरा भेलाके बाद आपन बेटाके पठाइल्‍कै। उ जनिके कोखसे जलमलै आ बेबस्‍थाके अधिनमे जलमल छेलै।