युहन्‍ना 1:10 - मध्‍य पुरविया थारू

¹⁰ उ सन्‍सारमे छेलै, सन्‍सार ओकरेसे बन्‍लै, तैयो सन्‍सार ओकरा नै चिन्‍हल्‍कै।

युहन्‍ना 1:10 ပူးပေါင်းရင်းမြစ်များ

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

युहन्‍ना 1:11

उ आपने लोकसबलग एलै, महज ओकर आपने लोकसब ओकरा सुइकार नै करल्‍कै।

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 1:3

सबचिज परमेस्‍वर ओकरेसे सिरिस्‍टी करल्‍कै। सिरिस्‍टी भ्‍याल चिजसबमेसे एकोटा चिज ओकरबिना नै बन्‍लै।

युहन्‍ना 1:5

उ इजोत अन्‍हारमे चम्‍कैछै आ अन्‍हार कहियो नै इजोतके मुझाइले सकल छै।

युहन्‍ना 17:25

“हे धारमिक पिता, सन्‍सारके लोकसब अहाँके नै जानैछै, महज हम अहाँके जानैचियै आ अहाँ हमरा पठाइनेचियै कैहके यि चेलासब जानैछै।

युहन्‍ना 5:17

महज येसु उसबके जबाफ देल्‍कै, “हमर पिता अखनियोतक काम कैरते छै आ हम्‍हु काम कैरते चियै।”

परेरित 14:17

तैयो उ आपन भलाइके असल कामसब दुवारा लोकसबके आपन बारेमे गबाही दैत रहलै। कथिलेत उ अकाससे पानी बरसाइछै आ ठिक समय पिरथिबीमे उब्जा दैछै। अहाँसबके भोजन जुटाबैछै आ अहाँसबके मन आनन्‍दित करैछै।”

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ कोरन्‍थी 2:8

अइ जुगके कोनो सासकसब परमेस्‍वरके बातके बुझैले नै सकल्‍कै। यदि उसब बुझने रहतियै त महिमाके परभुके कुरूसमे नै टाङतियै।

१ कोरन्‍थी 8:6

महज हमसब जानैचियै कि, अपनासबके एक मातरे परमेस्‍वर पिता छै, जकरसे सब चिजके सिरिस्‍टी भेलै आ हमसब ओकरे लेल जियैचियै। अपनासबके थाहछै कि, अपनासबके एक मातरे परभु, येसु खिरिस्‍ट छै। ओकरेसे सबकुछ सिरिस्‍टी भेलै आ जकरसे हमसब जियैचियै।

कलस्‍सी 1:16

कथिलेत स्‍वरग आ पिरथिबीमे भेल सब चिज ओकरेसे सिरिस्‍टी भेलै। देखापरैबला आ नै देखापरैबला सब चिज, चाहे सिंहासन या सक्‍तीसब हेबे, सासकसब आ अधिकार चलाइबलासब, यि सब चिज खिरिस्‍टेसे आ खिरिस्‍टेके खातिर सिरिस्‍टी भेलै।

हिबरु 11:3

हमसब बिस्‍बास दुवारा यि बात बुझैले सकैचियै कि, सन्‍सारके सब बात परमेस्‍वरके बचनसे सिरिस्‍टी करल्‍कै आ जे देखल बातछै से अनदेखल चिजसे बन्‍लै।

१ युहन्‍ना 3:1

देख्‍ही त, पिता अपनासबके कतहेक परेम करने छै, जे साँचोके हमसब परमेस्‍वरके बेटा-बेटी कहाइचियै। सन्‍सारके लोकसब परमेस्‍वरके नै चिन्‍हलाके कारन अपनासबके नै चिन्‍हैछै।