याकुब 4:4 - मध्‍य पुरविया थारू

⁴ हे बेबिचारी लोकसब! परमेस्‍वरके छोइरके यि सन्‍सारके खराब चालचलनमे चलैबला लोकसब परमेस्‍वरके दुस्‍मन हैछै से बात तोरौरके थाह नै छौ? अहैलेल यदि कोनो लोक यि सन्‍सारके खराब चालचलनमे चल्‍तै, उ परमेस्‍वरके दुस्‍मन चियै।

याकुब 4:4 ပူးပေါင်းရင်းမြစ်များ

मतीके लिखल सुसमाचार 12:39

महज येसु उसबके जबाफ देल्‍कै, “अखुन्‍का दुस्‍ट आ बिस्‍बास घात करैबला पुस्‍ताके लोकसब चेन्‍हा माङैछै, महज परमेस्‍वर योना अगमबक्‍ताके जिबनमे देख्‍याल चेन्‍हा बाहेक औरो कोनो चेन्‍हा नै देखैले देतै।

मतीके लिखल सुसमाचार 16:4

दुस्‍ट आ बिस्‍बास घात करैबला पुस्‍ता चेन्‍हाके माङ करैछै, महज योना अगमबक्‍ताके चेन्‍हाके अलाबा कोनो चेन्‍हा नै देलजेतै।” तकरबाद येसु उसबके छोइरके चैलगेलै।

मतीके लिखल सुसमाचार 6:24

“दुइटा मालिकके सेबा कोइ नै करे सकैछै। कथिलेत उ एकटाके घिरना करतै आ दोसरसे परेम करतै। उ एकटाके मान-दान करतै आ दोसरके खराब समझतै। तुसब परमेस्‍वर आ धन दुनुके सेबा करे नै सकबिही।

लुका 19:27

आब हमरा ओइसबके उपर राज करैत नै देखे सकैबला बिरोधीसबके हमरलग आन आ हमरे अगामे मार!’”

युहन्‍ना 15:19

यदी तुसब अइ सन्‍सारके रहतिही त, सन्‍सारके लोकसब तोरा आपन कैहके परेम करतियौ। महज तुसब अइ सन्‍सारके नै चिही। हम तोरासबके सन्‍सारसे चुनलियौ, ओहैसे अइ सन्‍सारके लोकसब तोरासबके घिरना करैछौ।

युहन्‍ना 17:14

हम ओइसबके अहाँके बचन देलियै, महज सन्‍सारके लोकसब ओकरासबके घिरना करल्‍कै, कथिलेत उसब सन्‍सारके नै चियै, जहिनङे हम सन्‍सारके नै चियै।

युहन्‍ना 7:7

सन्‍सारके लोकसब तोरासबके घिरना नै करे सक्‍तौ, महज हमरा त घिरना करैछै, कथिलेत उसबके काम दुस्‍ट छै कैहके हम गबाही दैचियै।

रोमी 5:10

कथिलेत अपनासब परमेस्‍वरके सतरु भेल बखत ओकर बेटाके मिरतु दुवारा अपनासबके आपनसङे मिलापमे आनल्‍कै। अपनासब ओकर सङी भेलाके कारनसे उ आपन बेटाके जिबनसे अपनासबके बचाइतै।

रोमी 8:7

पाप स्‍वभाबके इक्‍छामे चलैबला लोक परमेस्‍वरके बिरोधी रहैछै, कथिलेत उसब परमेस्‍वरके बेबस्‍था पालन नै करैछै आ करैयोले नै सकैछै।

१ कोरन्‍थी 1:20

बुधिमान लोक कते छै? धरमगुरु कते छै? अइ जुगके तरक-बितरक करैबला कते छै? कि परमेस्‍वर यि सन्‍सारके बुइधके मुरुख नै कैरदेल्‍कै?

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

गलाती 1:10

कि हम लोकसबके खुसी करैले चाहैचियै या परमेस्‍वरके? कि हम लोकसबके खुसी करैले चाहैचियै? यदि हम लोकसबके खुसी करने रहतियै त हम खिरिस्‍टके सेबक नै हेतियै।

याकुब 1:27

परमेस्‍वर पिताके मनपरैबला साँचोके धरम-करम एह्‍या चियै दुखमे परल बिधुवा आ टुगर-टापरसबके देखभाल करनाइ आ सन्‍सारके अधलाह बातसे अलग रहनाइ चियै।