याकुब 3:6 - मध्‍य पुरविया थारू

⁶ मुह आइगे जखा चियै। यि देहके अङसबमे सबसे दुस्‍ट चियै। यि पुरे जिबनमे कलंक लगाइछै। यि नरकके आइग पजाइरके पुरे जिनगिमे आइग लग्‍यादैछै।

याकुब 3:6 ပူးပေါင်းရင်းမြစ်များ

मतीके लिखल सुसमाचार 12:24

महज यि सुइनके फरिसीसब कहल्‍कै, “यि लोक त भुतसबके रजा बालजिबुलके सक्‍तिसे भुतसब निकालैछै।”

मतीके लिखल सुसमाचार 5:22

महज हम तोरासबके कहैचियौ, जे कोइ आपन भाइसे करोध करैछै, उ सजायके भागिदार हेतै, जे कोइ आपन भाइके अपमान करैछै, ओकरा धारमिक महासभामे जबाब देबे परतै। महज जे कोइ आपन भाइके सराप दैछै, उ नरकके आइगमे खसै जोकरके हेतै।

मरकुस 7:15

कोनो एहेन चिज नै छै जे लोकके मुहसे ख्‍याल कोनोभी चिजसे ओकरा असुध करैछै महज लोकसे बाहर निकलैबला बातसबसे ओकरा असुध करैछै।

लुका 16:24

तब उ चिच्‍याके कहल्‍कै, ‘हे पिता अबराहम, हमर उपर दया कैरके लाजरसके पठादिय आ उ आपन औङरीके टुप्‍पी पानीमे डुबाके हमर जिहके जुर कैरदेतै, कथिलेत हम अते आइगके धिधरामे बहुत दुख भोइगरहलचियै।’

परेरित 20:30

अहैसबके बिचसे झुठ बात सिखाइबला लोकसब निकल्‍तौ, जे बिस्‍बासीसबके बहक्‍याके आपन दिसन तान्‍तौ।

परेरित 5:3

तब पतरुस कहल्‍कै, “ऐ हननिया, पबितर आत्‍मा सङे कथिले झुठ बोलैचिही, जमिन बेचलहा कन्‍हिक हिस्‍सा आपनसङे राखबै से बात सैतान कनङके तोहर मनमे भोइर देल्‍कौ?

परेरित 6:13

उसब झुठा गबाहीसबके आइनके यि बोलैले लगेल्‍कै कि, “यि लोक पबितर मन्‍दिर आ धरम नियमके बिरोधमे बात करैले नै छोरने छै।

तितस 1:11

ओकरासबके मुहमे जाबी लगाइए परतै कथिलेत उसब पैसा-कौरी कमाबै खातिर झुठ सिक्‍छा सिख्‍याके सब घर परिबारमे उधपात मचाइने छै।

याकुब 2:7

येसुके बदनाम करैबला ओह्‍यासब चियै नै? तुसब त ओकर लोकसब चिही आ ओकर उच नामसे परिचीत चिही।

याकुब 3:7

सब परकारके जानबर, चिरै-चुरगुन, जमिनमे ससरैबला आ समुन्‍दरके सब जिबसबके लोक आपन बसमे कैरसकैछै आ बसमे करने छै।

२ पतरुस 3:3

सबसे पहिने तोरासबके यि बुझैले परतौ कि, अन्‍तके दिनमे अधलाह लोक आपन स्‍वारथ चाहना बाहेक औरो किछो नै सोच्‍तै। उसब तोरासबके खिसी करैत कहतौ,

३ युहन्‍ना 1:10

हम तोरासबलग एबौ त ओकर करल नै निक काम आ हमरासबके बिरोधमे बाजल सब खराब बात सुनाइबौ। ओतबेहेकमे सन्‍तुस्‍ट नै भ्‍याके उ अनचिन्‍हार बिस्‍बासी लोकसबके स्‍वागत नै करैछै आ जेसब स्‍वागतो करैले चाहैछै ओइसबके नै करैले दैछै आ ओइसबके मन्‍डलीयोसे बाहर निकाइल दैछै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 13:14

पहिन्‍का जानबरके लेल देखाइबला अजगुतके चेन्‍हासब दुवारा उ सन्‍सारके सब लोकसबके बहकेल्‍कै। तरबारके बहौत गैहर चोटसे निक भेल ओइ जानबरके सम्‍मानमे एकटा मुरती बनाबैके आदेस दोसर जानबर सन्‍सारके लोकसबके देल्‍कै।

परकास 18:23

आबसे तोहरमे चिरखाके इजोत कहियो नै चमकतौ आ तोहरमे बर-कनियाके सोर कहियो सुनैले नै पाबतै। कथिलेत तोहर बेपारीसब सन्‍सारके धनिक-धनिक लोकसब छेलै आ तोहर जादु-टोनासे सब जातिके लोकसब ठगलगेल छेलै!”

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।