याकुब 3:17 - मध्‍य पुरविया थारू

¹⁷ महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

याकुब 3:17 ပူးပေါင်းရင်းမြစ်များ

मतीके लिखल सुसमाचार 23:28

ओहैतरहसे तुसब बाहरसे लोकसबके अगा धरमी जखा देखापरैचिही, महज भितरसे कपट आ दुस्‍टतासे भरलचिही।

मतीके लिखल सुसमाचार 5:8

धैनके चियै सुध हिरदयबलासब, कथिलेत उसब परमेस्‍वरके देखतै।

मतीके लिखल सुसमाचार 5:9

धैनके चियै मेल-मिलाप कराइबलासब, कथिलेत उसब परमेस्‍वरके बेटा-बेटी कहाइतै।

लुका 21:15

कथिलेत हम तोरासबके एहेन सब्‍द आ बुधि देबौ, कि तोहर बिरोधीसब तोरासबके बात सुइनके एकोटाके जबाब दैले नै सक्‍तौ, ओकरौरके मुहमे तला लाइग जेतौ।

लुका 6:36

तोरासबके परमेस्‍वर पिता जेहेन दयालु छौ, तुहुसब ओहिनङ दयालु हो।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 1:47

नथानेलेके आपन दिसन आबैत देखके येसु कहल्‍कै, “देख, उ पक्‍के इजराएली चियै, ओकरमे कोनो छलकपट नै छै।”

परेरित 11:24

कथिलेत उ असल, पबितर आत्‍मा आ परमेस्‍वरके बिस्‍बासमे भरपुर भेल लोक रहै। तब बहौत लोकसब अकरे कामसे उत्‍साहित भ्‍याके बहौत लोकसब परभु येसुके बिस्‍बास करल्‍कै।

परेरित 9:36

योप्‍पा सहरमे एकटा तबिता नामके जनी बिस्‍बासी रहै, जकरा गिरिक भसामे “डोरकस” कहैछेलै। (जकर मतलब हरिनी चियै।) उ असल काम आ गरिबसबके दान द्‍याके हरदम सहयोग करैछेलै।

रोमी 12:18

सकभर सबकोइसङे मिल-जुइलके रह।

रोमी 12:9

तोरासबके परेम देखाबटी नै महज सत हेबे। खराब काम छोइरके असल काममे लागल रह।

रोमी 15:14

हे हमर भाइ-भैयासब, हम जानैचियै कि तुसब असल चिही, सब परकारके ग्‍यानसे भरपुर आ एक-दोसरके सिक्‍छा दैले योग्‍यके चिही।

१ कोरन्‍थी 12:8

ककरो पबितर आत्‍मासे बुधिके बात बोलैबला, ककरो ओह्‍या पबितर आत्‍मा ग्‍यानके बात बोलैबला बरदान दैछै।

२ कोरन्‍थी 10:1

हम पावल, तोरासबके सामने डरपोक चियै, महज दुर रहैबेर हम तोरासब परती साहसी हैचियै कैहके तोरासबके बिचमे हल्‍ला चललछै कहाने। खिरिस्‍टके नम्‌रता आ दयासे हम तोरासबके बिन्‍ती करैचियौ कि,

२ कोरन्‍थी 6:6

अपनासबमे रहल पबितर आत्‍मा आ अपनासबके निसकपट परेमसे हमसब आपनेके सुध, समझदार, सहनसिल आ दयालु परमानित करनेचियै।

२ कोरन्‍थी 7:11

परमेस्‍वरसे एल दुखसे तोरासबमे केहेन उत्‍साह जगाइल्‍कौ, ओइके याद कर। आपनेके निरदोस साबित कराइके लेल केहेन उत्‍सुकता छौ। केहेन डाह, केहेन डर, केहेन पियास, केहेन जोस, नियाय हैकेलेल केहेन चाह छौ! सब बातमे तुसब आपनेके निरदोस साबित करनेचिही।

२ कोरन्‍थी 9:10

परमेस्‍वर खेति-किसानी करैबलासबके छिटैले बिया आ खाइले भोजन दैबला तोरासबके बिया देतौ आ ओइमे बहौत बिरधी कैरदेतौ तब तोरासबके धारमिकताके बाली बरह्‍यादेतौ।

एफिसी 5:9

कथिलेत इजोतके फल त सब किसिमके भलाइ, धारमिकता आ सत्‍यता चियै।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

फिलिप्‍पी 4:8

अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

१ थेसलोनिकी 2:7

महज जहिने माँ आपन बालबच्‍चाके देखभाल करैछै, तहिने कैरके हमसब सेहो तोरासबसङे नरमसे बेबहार करलियौ।

१ तिमोथी 5:21

हम तोरा परमेस्‍वर, खिरिस्‍ट येसु आ चुनलगेल स्‍वरगदुतके अगा करा आग्‍या द्‍याके यि कहैचियौ कि भेदभाव बिना यि नियमसब पालन कर। पक्‍छपात कैरके कोनो काम नै कर।

२ तिमोथी 2:24

परभुके सेबक लराइ करैबला आ झगरिया नै हैकेचाही, महज सब लोकसबसे मिलजुइलके रहैबला हैकेचाही, दोसरके सिखाबे सकैबला आ सब बात सैहके रहे सकैबला हेबेपरतै।

तितस 1:15

सुध मन भेल लोकसबके लेल सब चिज सुध रहैछै। महज पतित आ अबिस्‍बासीसबके लेल कोनोभी चिज सुध नै रहैछै, कथिलेकी ओइसबके मन आ सोचबिचार असुध रहैछै।

तितस 3:2

उसब ककरो बदनाम नै करे, लराइ-झगरा नै करे महज सब लोकसबसङे मिलजुइल असल बेबहार करे।

हिबरु 12:11

सब किसीमके अनुसासन सुरुमे सुखद नै हैछै महज पिरा दायक हैछै। अनङ तालिम पाबलहासब धारमिक जिबन जियैछै आ औरोसङे मेलमिलापमे रहैछै।

हिबरु 12:14

जम्‍मे लोकसबसङे मिलके सान्‍तीमे रह आ पबितर जिबन जियैके कोसिस कर, कथिलेत पबितर नै भ्‍याके कोइयो नै परमेस्‍वरके देखैले सक्‍तै।

याकुब 1:17

सब असल आ सब सिध दान स्‍वरगसे आबैछै। यि बरदान इजोतके पितासे आबैछै। उ छाह जखा कहियो नै बदलैछै।

याकुब 1:5

महज तोरौरके बिचमे ककरो-ककरो बुइधके कमी छौ त उ परमेस्‍वरसे माङे आ परमेस्‍वर तोरासबके उदार चितसे परसस्‍त कैरके देतौ।

याकुब 2:13

कथिलेकी जे लोक किरपा नै करैछै ओकर नियाय किरपे बिनाके हैछै। किरपा नियायके उपर बिजय हैछै।

याकुब 2:4

कि तोरौरके आपने बिचमे भेदभाव नै करलिही आ गलत बिचार करल दोख नै लाग्‍तौ?

याकुब 3:15

एहेन बुइध स्‍वरगसे नै आबैछै, महज यि त सन्‍सारसे, लोकके आपन चाहनासे आ सैतानसे आबैछै।

याकुब 4:8

तुसब परमेस्‍वरके लगमे या तब परमेस्‍वरो तोरासबके लगमे एतौ। हे पापीसब, तोरौरके हाथ सुध कर, हे दोमनके लोकसब, आपन हिरदय सुध कर।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 2:1

अहैलेल तुसब दुस्‍टतासे, छल-कपटसे, सब डाहसे आ सब निन्‍दासे दुरे रह।

१ पतरुस 2:18

हे नोकरसब, पुरा आदरकेसाथ आपन मालिकसबके अधिनमे रह। तोरा भलाइ चिताइबला आ दया करैबला मालिकसबके अधिनमे मातरे नै महज निरदयी मालिकसबके अधिनमे सेहो रह।

१ युहन्‍ना 3:18

हे हमर धियापुतासब, अपनासब खाली मुह आ बातसे मातरे परेम नै कर, महज अपनासब काम आ सत्‍यतासे परेम करैजो।

१ युहन्‍ना 3:3

खिरिस्‍टमे एहेन आस करैबला, उ आपनोके खिरिस्‍टे जखा पबितर कैरके राखैछै।