याकुब 2:5 - मध्‍य पुरविया थारू

⁵ हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

याकुब 2:5 ပူးပေါင်းရင်းမြစ်များ

मतीके लिखल सुसमाचार 11:5

अन्‍हरासब देखैछै, नेङरासब चलैछै, कोढि-कुस्‍टी लागलसब सुध हैछै, बैहरासब सुनैछै, मरलसब जिजाइछै आ दुखी गरिबसबके सुसमाचार सुनाइछै।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

मतीके लिखल सुसमाचार 5:3

धैनके चियै आपनके आत्‍मिक रुपमे कमजोर बुझैबलासब, कथिलेत स्‍वरगके राज ओहिनेसबके चियै।

मरकुस 7:14

येसु फेनो लोकसबके बोल्‍याके कहल्‍कै, “तुसब सबकोइ हमर बात सुन आ बुझ।

लुका 12:21

तब येसु फेनो ओकरा कहल्‍कै, “आपन खातिर कतबो धन समपैत जमा कैरले, महज परमेस्‍वरके नजरमे धनिक नै भेल लोकके दसा ऐहनङ हैछै।”

लुका 12:32

ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

लुका 16:22

“एक दिन उ गरिब लोक मरगेलै आ ओकरा स्‍वरगदुतसब लज्‍याके अबराहमके लगमे राखल्‍कै, तब ओहो धनिक लोक मरलै आ गारलगेलै।

लुका 16:25

महज अबराहम ओकरा कहल्‍कै, ‘बेटा याद कर त, तु आपन जिन्‍गीमे सबचिज असले-असलसे भोग बिलास करलिही महज लाजरस दुखे-दुख काटल्‍कै। आब उ अते सुखमे छै आ तु दुखमे चिही।

लुका 22:29

जनङ हमर पिता हमरा राज करैले अधिकार देल्‍कै, तैहनङे हम्‍हु तोरौरके देबौ।

लुका 6:20

येसु आपन चेलासबके ताकल्‍कै आ कहल्‍कै, “धैन तुहे, दीन-दुखीसब कथिलेत परमेस्‍वरके राज तोरेऔरके लेल चियौ!

युहन्‍ना 7:48

कि कोनो सासकसब या फरिसीसब ओकर उपर बिस्‍बास करने छै से?

परेरित 7:2

स्‍तिफनस जबाब दैत कहल्‍कै, “हे हमर बाबु आ भाइ-भैयारीसब, सुनु। महिमाके परमेस्‍वर अपनासबके पुरखा अबराहम हारानमे बास करैसे पैहने जखुन मेसोपोटामियामे रहै तखुन दरसन देने छेलै,

रोमी 8:17

हमसब परमेस्‍वरके बेटा-बेटी चियै त ओकर हकबला सेहो चियै, परमेस्‍वरके हकबला आ खिरिस्‍टसङे सझिया हकबला हेबै। यदि हमसब खिरिस्‍टसङे दुख-कस्‍ट भोग्‍बै त ओकरेसङे आदर-सम्‍मानमे सेहो सहभागी हेबै।

१ कोरन्‍थी 2:9

महज पबितर धरमसास्‍तरमे एहेन लिखलछै, “आँखसे नै देखलहा आ कानसे नै सुनलहा आ लोकके मनमे नै चितेल्‍हा, एह्‍या बात परमेस्‍वर ओकरा परेम करैबलासबके लेल तयार करने छै।”

२ कोरन्‍थी 4:15

यि सब तोरेसबके हितके लेल भेल छै, कथिलेकी जतेक बहुत लोकसब परमेस्‍वरके अनुगरह पाबतै ओतेक बहुत परमेस्‍वरके महिमाके लेल ओकरा धन्‍यबाद दैबला काम हेतै।

२ कोरन्‍थी 6:10

सोकमे रहितोपरभी हरसमय आनन्‍दमे रहैचियै। गरिब रहितोपरभी बहुतोके आत्‍मिकी रुपमे धनिक बनाबैचियै। कुछो नै रहितोपरभी हमरासबसङे सब चिज छै।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

एफिसी 1:18

हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

१ थेसलोनिकी 2:12

तोरासबके चालचलन परमेस्‍वरके नजरमे योग्‍य हेबे से उदेस्‍यसे हमसब तोरासबके अरतिउपदेस, उत्‍साह आ बिन्‍ती करैत रहलियौ। कथिलेकी परमेस्‍वर आपन राज आ महिमामे तोरासबके सहभागी हैकेलेल बोलाइछौ।

२ थेसलोनिकी 1:5

परमेस्‍वरके धारमिक इन्‍साफके परमान यह्‍या चियै कि तुसब परमेस्‍वरके राजमे जाइके योग्‍य बन। तुसब ओहै राजके खातिर दुख सहैचिही।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

२ तिमोथी 4:18

हँ, परभु हमरा सब परकारके खराबिसबसे बचेतै। उ हमरा बच्‍याके आपन स्‍वरगिय राजमे ल्‍याजेतै। ओकर गुनगान जुगो-जुग तलिक हैतरहे। आमेन।

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

हिबरु 11:26

मिसर देसके धन-सम्‍पतीसे त बरु खिरिस्‍टके लेल निन्‍दीत हैले उ मुल्‍यबान सम्‍पती ठानल्‍कै। कथिलेकी उ आपन नजर इनाम दिसन लगाइने छेलै।

याकुब 1:12

उ लोक धैनके चियै, जे आपत-बिपतमे अस्‍थिर रहैछै, कथिलेकी जाँचके सामना करलाके बाद उ जिबनके मुकुट पाबतै, जे परमेस्‍वरके परेम करैबलासबके परमेस्‍वर दैले परतिग्‍या करने छै।

याकुब 1:16

हे हमर पिरिय भाइ-भैयासब, तोरौरके आपनेसे धोखा नै खो।

याकुब 1:19

हे हमर पिरिय भाइ-भैयासब, यि बात तोरौरके जान। सुनैमे जल्‍दी, बाजैमे अस्‍थिर, तामसमे कम हैलेपरतै।

याकुब 1:9

हे तु गरिब भाइ-भैयासब गर्‌भ कर, कथिलेकी परमेस्‍वर तोरासबके उठाइनेछौ।

१ पतरुस 1:4

स्‍वरगमे तोरासबके खातिर सैतके राखल उतराधिकार कहियो नास नै हैबला, नै सरैबला आ नै मुरझाइबला जखाछै।

२ पतरुस 1:11

तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।

परकास 21:7

जे कोइ जित्‍तै, उ यि सब अधिकार पाबतै। तब हम ओकर परमेस्‍वर हेबै आ उ हमर बेटा हेतै।

परकास 3:18

अहैलेल हम तोरा यि सल्‍लाह दैचियौ कि, धनिक हैकेलेल आइगसे खारल निखुर सोना हमरसे किन। आपन नाङट आङके लाज झापैके लेल उजर बस्‍तर हमरसे किनके लगा आ आँखसे देखे सकैबला हैकेलेल हमरे मलहम किनके लगा।