याकुब 2:19 - मध्‍य पुरविया थारू

¹⁹ परमेस्‍वर एकेटा छै कैहके तु बिस्‍बास करैचिही। बहौत निक! महज एहेन बिस्‍बास त भुतोसब करैछै आ डरसे थरथर कापैछै।

याकुब 2:19 ပူးပေါင်းရင်းမြစ်များ

मतीके लिखल सुसमाचार 8:29

उसब चिच्‍याके कहल्‍कै, “हे परमेस्‍वरके बेटा, हमरासबसे अहाँके कोन काम? कि समयसे पहिने अहाँ हमरासबके सताबैले एलचियै?”

मरकुस 1:24

“हौ, नासरतके येसु, अहाँके हमरासबसे कोन काम? अहाँ हमरासबके बरबाद करैले एलचियै? अहाँ के चियै से हमरा थाहछै, अहाँ परमेस्‍वरके पठेल्‍हा एकटा पबितर जन चियै।”

मरकुस 12:29

तब येसु ओकरा जबाफ देल्‍कै, “सबसे महान आग्‍या एह्‍या चियै, ‘हे इजराएलके बासिसब सुन, परमपरभु अपनासबके परमेस्‍वर एकेटा परमेस्‍वर चियै।

मरकुस 5:7

तब उ जोर-जोरसे हल्‍ला करैत कहल्‍कै, “हे, महान परमेस्‍वरके बेटा येसु, अहाँके हमरसे कोन सरोकार? अहाँ परमेस्‍वरके किरिया खाके कहु कि हमरा आब दुख नै देबै।”

मरकुस 7:9

येसु फेनो उसबके कहल्‍कै, “तुसब आपन रितिरिबाजके लेल कतेक चलाकिसे परमेस्‍वरके आग्‍यासब इन्‍कार करैचिही।

लुका 4:34

“हौ नासरतके येसु अहाँसे हमरासबके कोन काम? अहाँ हमरासबके बरबाद करैले एलचियै? अहाँके चियै कैहके हमरा थाहछै, अहाँ परमेस्‍वरसे पठेल्‍हा एकटा पबितर जन चियै।”

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

परेरित 16:17

उ पावल आ हमरासबके पछा आइबके चिच्‍याबे लाग्‍लै, “यीसब सबसे महान परमेस्‍वरके सेबकसब चियै। यीसब, ‘कनङ तोरौरके उदार पाबबिही’ से बात तोरौरके कहतौ।”

परेरित 19:15

महज एक दिन भुत आत्‍मा ओकरासबके कहल्‍कै, “हम येसुके चिन्‍हैचियै, पावलोके चिन्‍हैचियै, महज तुसब के चिही?”

परेरित 24:25

जब पावल धरमी भ्‍याके काम करे परतै, आपन मनके बसमे राखे परतै आ आबैबला नियाइके बारेमे बोल्‍लै तब फेलिक्‍स डेरेलै आ कहल्‍कै, “अखुन जो, मौका मिल्‍तौ त हम फेनो तोरा बोलाइबौ।”

रोमी 3:30

कथिलेत परमेस्‍वर एकेटा छै। उ यहुदी आ गैर-यहुदी दुनुके बिस्‍बास दुवारा धरमी ठहराइछै।

१ कोरन्‍थी 8:4

तैखातिर मुरुतिके चरह्‍याल खाइले मिलैछै कि नै मिलैछै तैके बारेमे हमसब जानैचियै कि, सन्‍सारके मुरती किछो नै चियै आ एक मातरे परमेस्‍वर बाहेक औरो कोइ नै छै।

१ कोरन्‍थी 8:6

महज हमसब जानैचियै कि, अपनासबके एक मातरे परमेस्‍वर पिता छै, जकरसे सब चिजके सिरिस्‍टी भेलै आ हमसब ओकरे लेल जियैचियै। अपनासबके थाहछै कि, अपनासबके एक मातरे परभु, येसु खिरिस्‍ट छै। ओकरेसे सबकुछ सिरिस्‍टी भेलै आ जकरसे हमसब जियैचियै।

गलाती 3:20

मिलाप हैकेलेल दुनु पक्‍छ चाही महज परमेस्‍वर एक पक्‍छ मातरे छै।

१ तिमोथी 2:5

कथिलेकी परमेस्‍वर एकेटा छै। परमेस्‍वर आ लोकसबके बिचमे मिलाप कराइबला एकेटा लोक छै। उ लोक येसु खिरिस्‍ट चियै।

याकुब 2:8

यदि तुसब “आपन परोसियासबके आपने जखा परेम कर” कैहके पबितर धरमसास्‍तरमे लिखल परमेस्‍वरके राजकिय नियमके पालन करैचिही त तोरौरके असले करैचिही।

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।

यहुदा 1:6

तोरासबके याद करैबला बात यि चियौ कि, आपन अधिकारमे नै रहैबला आ आपन रहैयोबला ठाम छोरैबला स्‍वरगदुतसबके समेत परमेस्‍वर सबदिनके लेल बाइन्‍हके राखनेछै। उ नियायके बरका दिनमे सजाय दैकेलेल ओइसबके पतालके अन्‍हारमे बाइन्‍हके राखनेछै।

परकास 20:10

तब जाती-जातीके लोकसबके बहकाबैबला दुस्‍टके रजा सैतानके आइग आ गन्‍धकके खाइदमे फेकदेल्‍कै, जते जानबर आ झुठा अगमबक्‍तासबके फेकने छेलै। ओते उसब दिन-रात सबदिन दुख-कस्‍ट भोगैतरहतै।