याकुब 2:18 - मध्‍य पुरविया थारू

¹⁸ महज कोइ हमरा पुछतै, “कि तु परमेस्‍वरमे बिस्‍बास करैचिही?” हम त कहबै, “हम ओकर आग्‍या अनुसार काम करैचियै। ओकर आग्‍यापालन बिना करल आपन बिस्‍बास देखा त? हम त कामसे आपन बिस्‍बास देखाइबै।”

याकुब 2:18 ပူးပေါင်းရင်းမြစ်များ

रोमी 14:23

महज जे कोइ सङका कैरके खाइछै त, उ दोसी ठहरैछै, कथिलेत बिस्‍बास बिनाके करल सबकाम पाप चियै।

रोमी 3:28

बेबस्‍था पालन कैरके नै महज खिरिस्‍टमे बिस्‍बास कैरके मातरे परमेस्‍वरके अगा धरमी ठहराबैछै से बात हमसब जानैचियै।

रोमी 4:6

अहै तरहसे धरम करम बिना परमेस्‍वरके नजरमे धरमी ठहरल लोकके बारेमे रजा दाउद अनङ कहैछै,

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

रोमी 9:19

तोरासबमेसे कोइ कोइ भरसक अनङ कहैत हेब्‍ही, “ओहेन चियै आ सब बात परमेस्‍वरके इक्‍छा अनुसार हैछै त, कथिले परमेस्‍वर लोकसबके दोस लगाबैछै?”

१ कोरन्‍थी 13:2

हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।

२ कोरन्‍थी 5:17

अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

२ कोरन्‍थी 7:1

अहैलेल हे हमर पिरिय सङीसब, परमेस्‍वर अपनासबके देल यि परतिग्‍या अनुसार देह आ आत्‍माके असुध बनाबैबला हर किसिमके बातसे अपनासब दुरे रह आ परमेस्‍वरके डर मानैत औरो पबितर हैत चल।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

हिबरु 11:31

बेसिया राहाब बिस्‍बासेके भरमे परमेस्‍वरके बात नै मानैबलासबके सङे मरैले नै परलै कथिलेकी उ ओते सुराक लैले एल इजराएलीसबके स्‍वागत करने छेलै।

हिबरु 11:33

उसब त बिस्‍बास दुवारा राजसबके जितल्‍कै, नियायके साथ राज करल्‍कै, परमेस्‍वरके परतिग्‍या करल चिजसब पाबल्‍कै आ सिंहसबके मुह बन्‍द कैरदेल्‍कै।

हिबरु 11:6

बिस्‍बास बिना परमेस्‍वरके खुसी करनाइ असम्‍भवछै, कथिलेकी जे परमेस्‍वरके नजदिक आबैछै, उ परमेस्‍वर छै आ ओकरा खोजैबलासबके इनाम देतै कैहके पक्‍का बिस्‍बास करेपरतै।

याकुब 2:14

हे हमर भाइ-भैयासब, यदी कोनो लोक “हम परमेस्‍वरमे बिस्‍बास करैचियै” त कहतै, महज ओकर इक्‍छा बमौजी नै चल्‍तै त कोन फाइदा? कि एहेन लोकके परमेस्‍वर बचाइतै त?

याकुब 3:13

तोरासबमेसे बुधिमान आ बुझहैबला लोक के छै? उ आपन असल चालचलनसे बुइधके नमरतासे निक काम कैरके देखाबे।