याकुब 1:5 - मध्‍य पुरविया थारू

⁵ महज तोरौरके बिचमे ककरो-ककरो बुइधके कमी छौ त उ परमेस्‍वरसे माङे आ परमेस्‍वर तोरासबके उदार चितसे परसस्‍त कैरके देतौ।

याकुब 1:5 ပူးပေါင်းရင်းမြစ်များ

मतीके लिखल सुसमाचार 11:20

तकरबाद येसु जै-जै नगरसबमे सबसे बेसी अजगुतके कामसब करने रहै, तैसबके उ धिक्‍कारे लाग्‍लै, कथिलेत ओतेका लोकसब आपन पापके खातिर पस्‍चाताव नै करने रहै।

मरकुस 16:14

अन्‍तमे जब एगारहो चेलासब बैठके खान-पिन करैतरहै तहै बखत येसु ओइसबके बिचमे परगट भेलै। उसबके अबिस्‍बास आ कठोर हिरदयके कारन येसु उसबके खिस्‍याइल्‍कै। कथिलेत उ मरके जिबित भ्‍याल ओकरा देखैबला सबके बातमे उसब बिस्‍बास नै करने रहै।

युहन्‍ना 14:13

तुसब हमर नाममे जे कुछ माङबिही, ओइसे बेटासे पिताके महिमा हेबे कैहके हम पुरा कैरदेबौ।

युहन्‍ना 15:7

यदी तुसब हमरमे रहबिही आ हमर बचन तोरासबमे रहतौ त, तुसब जे माङैले चाहैचिही से माङ आ उ तोरासबके देतौ।

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

२ कोरन्‍थी 2:16

नास हैबलासबके लेल हमसब मिरतुके गन, महज मुक्‍ती पाबैबलासबके लेल हमरासबके जिबन गमक चियै। एहेन भारी कामके लेल के योग्‍य छै?

याकुब 1:17

सब असल आ सब सिध दान स्‍वरगसे आबैछै। यि बरदान इजोतके पितासे आबैछै। उ छाह जखा कहियो नै बदलैछै।

याकुब 3:17

महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

याकुब 5:16

ओहैसे यदि निक हैले चाहैचियै त आपन करल पाप एक-दोसरके अगा सुइकार कर आ एक-दोसरके खातिर परथना कर। धरमी लोकके करल परथनासे परमेस्‍वर सक्‍तिसाली आ परभावकारी तबरसे काम करैछै।

१ युहन्‍ना 3:22

तब अपनासब जे माङबिही से सब चिज ओकरेसे पाबबिही कथिलेत अपनासब ओकर आग्‍या मानैचियै आ ओकरा निक लागैबला काम करैचियै।