याकुब 1:26 - मध्‍य पुरविया थारू

²⁶ कोइ आपनके धरमी सम्‍झैछै, महज आपन जिहके लगाम नै लगाइछै त उ आपनेके धोखा दैछै आ ओकर धरम-करम बेरथ हैछै।

याकुब 1:26 ပူးပေါင်းရင်းမြစ်များ

मतीके लिखल सुसमाचार 15:9

तुसब हमरा बलौसे आराधना करैचिही। कथिलेत तुसब लोकसबके बन्‍याल नियम मातरे सिखाइचिही।’”

मरकुस 7:7

उसब बेकारमे हमर आराधना करैछै, महज उसबके सिक्‍छा लोकसबके बन्‍याल नियम मातरे चियै।’

लुका 8:18

अइ खातिर होसियार रह, सुनल बातसबके ध्‍यान दहै कथिलेत जकरसङे छै, ओकरा औरो देतौ आ जकरसङे नै छै, जे कोइ सङे छै कहके ठानैछै ओकरसे भेल्‍हो छिनलेतौ।”

१ कोरन्‍थी 15:15

अतबेहेक नै, अपनासब त परमेस्‍वरके बारेमे झुठ बोलैबलासब जखा हेब्‍ही, कथिलेत परमेस्‍वर खिरिस्‍टके मरलसे जीयाके उठेल्‍कै कैहके हमसब गबाही दैचियै। यदि मरल लोकसब जीके नै उठैछै त, परमेस्‍वर सेहो खिरिस्‍टके जिबित नै करल्‍कै।

१ कोरन्‍थी 15:2

हमर परचार करल उ सुसमाचारमे बिस्‍बास करैले नै छोरबिही त तुसब उदार पाबबिही, नै त तोरासबके करल बिस्‍बास बेरथ हेतौ।

१ कोरन्‍थी 3:18

कोइ आपनेके धोखा नै देबे। यदि कोइ अइ सन्‍सारके हिसाबसे आपनेके बुधिमान ठानैछै त, उ साँचेके बुधिमान हैले आपनेके मुरुख बनाबे।

गलाती 2:6

उसब मन्‍डलीके मुख अगुवासब मानल गेलोपरभी हमर समादमे कोनो सल्‍लाह नै देल्‍कै। (उसब जतहेक बरका हेबे हमरा ओइसे कोनो फरक नै परतै, कथिलेत परमेस्‍वर ककरो मुह देखके नियाय नै करैछै)।

गलाती 2:9

याकुब, पतरुस आ युहन्‍ना, जेसब मन्‍डलीके खम्‍हासब मानल छेलै, उसब हमरा परमेस्‍वरके देल अनुगरहके पहिचान करल्‍कै। उसब बरनाबास आ हमरा संगतीके लेल देहना हाथ बनाइल्‍कै। बरनाबास आ हम गैर-यहुदीसबके बिचमे आ उसब यहुदीसबके बिचमे काम करैले सहमत भेलियै।

गलाती 3:4

कि तुसब अतहेक दुख बेरथमे काटलिही त? हम आस करैचियौ, कि तुसब बेरथमे दुख नै काटलिही।

गलाती 6:3

यदि कोनो मोलके नै भेल्‍हा लोक आपनके बरका ठानैछैत, उ आपनेके धोखा दैछै।

एफिसी 4:29

तोरासबके मुहसे खराब बात नै निक्‍ले, महज भलाइ करैबला आ मिठ बचन बोल ताकि सुनैयोबलासबके भलाइ हेबे।

एफिसी 5:4

निरलज, मुरुख आ खराब बचनसब तोरासबके मुहसे नै निक्‍ले, यि बात ठिक नै चियै। बरु अकर बदलामे त परमेस्‍वरके धन्‍यबाद दैबला काम हेबे।

कलस्‍सी 4:6

जनङ नोन तरकारिके सबदगर बनाइछै तैहनङ तोरासबके बोलिबचन हरदम अनुगरहसे भरल आ सुनैले असल लागैबला हेबे। तुसब असलसे जबाफ कनङके देबे परतै से जाने परतौ।

याकुब 1:19

हे हमर पिरिय भाइ-भैयासब, यि बात तोरौरके जान। सुनैमे जल्‍दी, बाजैमे अस्‍थिर, तामसमे कम हैलेपरतै।

याकुब 1:22

तोरौरके बचन पालन करैबला बन, सुनैबला मातरे भ्‍याके आपनके धोखा नै दहै।

याकुब 2:20

हे मुरुख, काम बिनाके बिस्‍बास बेरथ हैछै से बात तोरासबके थाह नै छौ?

१ पतरुस 3:10

कथिलेकी पबितर धरमसास्‍तरमे एहेन लिखलछै, “जे खुसि जिबन बिताबैके चाहना करैछै आ असल दिन देखैले चाहना करैछै से आपन जिहसे खराब बोली बाजैसे आ आपन ठोरसे छली बात बाजैसे दुर राखे।