याकुब 1:17 - मध्‍य पुरविया थारू

¹⁷ सब असल आ सब सिध दान स्‍वरगसे आबैछै। यि बरदान इजोतके पितासे आबैछै। उ छाह जखा कहियो नै बदलैछै।

याकुब 1:17 ပူးပေါင်းရင်းမြစ်များ

मतीके लिखल सुसमाचार 7:11

अहिनङके तुसब दुस्‍ट रइहतो परभी आपन धियापुतासबके असल चिज दैले जानैचिही त, स्‍वरगमे रहैबला तोरासबके पिता, ओकरासे माङैबलासबके औरो कतेक बेसीसे असल चिज देतै।

लुका 11:13

तुसब खराब हैतोपरभी आपन धियापुतासबके असल चिजसब दैले आबैछौ त, औरो तोरासबसे बेसी स्‍वरगमे रहैबला पिता, ओकरसङे माङेबलाके पबितर आत्‍मा दैछै!”

युहन्‍ना 1:9

साँचोके इजोत उ चियै जे सन्‍सारके सबकोइके इजोत दैछै उ इजोत आइबरहल छेलै।

युहन्‍ना 3:27

युहन्‍ना जबाफ देल्‍कै, “जाबेतक परमेस्‍वरसे नै देतै ताबे तक लोकके कुछो नै मिल्‍तै।

युहन्‍ना 3:3

येसु निकोदेमसके कहल्‍कै, “साँचोके हम तोरासबके कहैचियौ, जाबेतक फेनोसे लोक नया कैरके जलम नै लेतै ताबे तक उ परमेस्‍वरके राज देखे नै सक्‍तै।”

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

परेरित 11:18

यि बात सुइनके परभुमे बिस्‍बास करैबला यहुदीसब पतरुसके दोस लगाइले छोइरदेल्‍कै आ परमेस्‍वरके परसन्‍सा करल्‍कै, “आब त परमेस्‍वर आनो जातीसबके पापसे पस्‍चाताप कैरके अनन्‍त जिबन पाबैके अबसर देने छै।”

परेरित 5:31

इजराएलके लोकसबके पस्‍चातापके खातिर आ ओइसबके पापसे छमा दैके खातिर परमेस्‍वर येसुके परभु आ मुक्‍तीदाता बनाके आपन देहना कात बैठेल्‍कै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

१ कोरन्‍थी 4:7

के तोरासबके औरोसे बरका बनेल्‍कौ? कि तोरासबसङे जे छौ, उ परमेस्‍वर नै देल्‍कौ? यदि तुसब उ पाबनेचिही त, कथिले घमन्‍ड करैचिही?

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

एफिसी 1:18

हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

१ तिमोथी 6:16

उ अजर-अमर रहैबला आ उ एहेन इजोतमे बास करैछै जकर लगमे कोइ नै जाइले सकैछै। ओकरा कोइयो नै देखने छै आ नै देखे सक्‍तै। सब आदर आ सब सक्‍ति, सबदिन ओकरे चियै। आमेन।

हिबरु 13:8

येसु खिरिस्‍ट काइल, आजु आ सबदिन एकसमान रहैछै।

याकुब 1:5

महज तोरौरके बिचमे ककरो-ककरो बुइधके कमी छौ त उ परमेस्‍वरसे माङे आ परमेस्‍वर तोरासबके उदार चितसे परसस्‍त कैरके देतौ।

याकुब 3:15

एहेन बुइध स्‍वरगसे नै आबैछै, महज यि त सन्‍सारसे, लोकके आपन चाहनासे आ सैतानसे आबैछै।

याकुब 3:17

महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

१ युहन्‍ना 1:5

जे बात हमसब परमेस्‍वरके बेटा येसुसे सुनलियै से बात एह्‍या चियै कि, परमेस्‍वर इजोत चियै आ ओकरमे एकोरती अन्‍हार नै छै।

१ युहन्‍ना 4:10

साँचो परेम यि चियै कि, हमसब परमेस्‍वरके परेम नै करलियै महज तैयो परमेस्‍वर अपनासबके परेम करल्‍कै आ अपनासबके पापके बलिहैके लेल आपन बेटाके पठाइल्‍कै।

परकास 21:23

उ सहरमे इजोतके लेल सुरुज आ चानके आबस्‍यक नै छै, कथिलेत परमेस्‍वरके महिमा ओतेका इजोत चियै आ थुमा आपने चिरखा चियै।

परकास 22:5

ओते कहियो रात नै हेतै, ओते दिया या रौदके जरुरत नै परतै कथिलेत परभु परमेस्‍वरे ओइसबके लेल इजोत हेतै आ उसब सबदिन राज करतै।