हिबरु 7:16 - मध्‍य पुरविया थारू

¹⁶ येसु लोकसबके देल आग्‍या आ नियमके आधारमे पुजारी नै भेलछै, महज कहियो नास नै हैबला जिबनके सक्‍तीके आधारमे पुजारी भेलछै।

हिबरु 7:16 ပူးပေါင်းရင်းမြစ်များ

रोमी 7:14

अपनासबके यि बात थाहेछै कि बेबस्‍था त आत्‍मिक चियै कथिलेकी यि परमेस्‍वरसे आबल छै। महज हम देहके पाप स्‍वभाब अनुसार चलैबला आ दास जखा पापमे बेचलगेल लोक चियै।

गलाती 4:3

खिरिस्‍ट आबैसे पहिने हमसब सेहो ओहिनङे छेलियै आ अइ सन्‍सारके रितिरिबाजके अधिनमे छेलियै।

गलाती 4:9

महज आब त तुसब परमेस्‍वरके चिन्‍हनेचिही या परमेस्‍वर तोरासबके चिन्‍हने छौ। महज तुसब कनङ फेर अइ सन्‍सारके कमजोर रितिरिबाज दिसन लागैचिही आ कथिले ओइसबके दास बनैले चाहैचिही?

कलस्‍सी 2:14

उ अपनासबके बिरोधमे लिखल सब तमसुक आ दाबीसब सङे रद कैरदेल्‍कै आ कुरूसमे किला ठोइकके नास कैरदेल्‍कै।

कलस्‍सी 2:20

तुसब खिरिस्‍टसङे मैरके यि सन्‍सारके आधारभुत सिदान्‍तसबसे छुटकारा पाबनेचिही त, कथिले तुसब यि सन्‍सारके नियमसब पालन करैचिही?

हिबरु 10:1

मोसाके बेबस्‍था आबैबला उतम बातसबके खास रुप नै चियै, महज उ त छाह मातरे चियै। ओहैसे साले-साल चरहाइबला एके किसिमके बलीसे परमेस्‍वरके लग आबैबला लोकसबके सिध करैले नै सक्‍तै।

हिबरु 7:15

मल्‍कीसेदेक जखा दोसर पुजारी आइबगेलाके कारन आब लेबी कुलके पुजारी पद आ बेबस्‍था फेरलछै कैहके औरो परस्‍टे हैछै।

हिबरु 7:17

कथिलेत पबितर धरमसास्‍तरमे एहेन लिखलछै, “मल्‍कीसेदेक जखा अहाँ सबदिनके लेल पुजारी चियै।”

हिबरु 7:21

ओकर कहल बात पबितर धरमसास्‍तरमे अनङ लिखल छै, “‘तु सबदिनके लेल पुजारी चिही।’ कैहके परमपरभु किरिया खेनेछै आ उ आपन मन नै बदलतै।”

हिबरु 7:28

बेबस्‍था कमजोर लोकसबके परधान पुजारी नियुक्‍त करैछै, महज बेबस्‍थासे पछा एल परतिग्‍यासे परमेस्‍वर आपने बेटाके सबदिनके लेल सिध परधान पुजारी नियुक्‍त करल्‍कै।

हिबरु 7:3

मल्‍कीसेदेकके बाबु-माँ आ ओकर बंसके बारेमे कुछो थाह नै छै। ओकर जलम आ मरनके बारेमे सेहो कुछो थाह नै छै। परमेस्‍वरके बेटा जखा उ सबदिनके लेल पुजारी चियै।

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।

परकास 1:18

जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।