हिबरु 7:11 - मध्‍य पुरविया थारू

¹¹ मोसाके बेबस्‍था अनुसार लेबीके कुलके लोक पुजारी हैके अधिकार पाबने छेलै, महज ओइसबके कामसे सब लोकसबके सिध करैले नै सक्‍लै। ओहैसे लेबी कुलके हारुनके सन्‍तानसे पुजारी नै भ्‍याके मल्‍कीसेदेक जखा दोसर पुजारीके खाचो नै परतियै।

हिबरु 7:11 ပူးပေါင်းရင်းမြစ်များ

गलाती 2:21

हम परमेस्‍वरके अनुगरहके बेरथके नै ठानैचियै। यदि बेबस्‍था पालन कैरके हमसब परमेस्‍वरके अगा धरमी ठहरैचियै त, खिरिस्‍टके मरनाइ बेरथ हेतै।

गलाती 4:3

खिरिस्‍ट आबैसे पहिने हमसब सेहो ओहिनङे छेलियै आ अइ सन्‍सारके रितिरिबाजके अधिनमे छेलियै।

गलाती 4:9

महज आब त तुसब परमेस्‍वरके चिन्‍हनेचिही या परमेस्‍वर तोरासबके चिन्‍हने छौ। महज तुसब कनङ फेर अइ सन्‍सारके कमजोर रितिरिबाज दिसन लागैचिही आ कथिले ओइसबके दास बनैले चाहैचिही?

हिबरु 5:10

परमेस्‍वर ओकरा मल्‍कीसेदेक जखा परधान पुजारीके पदमे नियुक्‍त करल्‍कै।

हिबरु 5:6

दोसर ठाममे उ अनङ कहल्‍कै, “तु मल्‍कीसेदेक पुजारी जखा, सबदिनके लेल पुजारी चिही।”

हिबरु 6:20

अपनासबसे लेल येसु त पहिने ओइ ठाममे गेल छै। मल्‍कीसेदेक पुजारी जखा उ सबदिनके लेल अपनासबके खातिर परधान पुजारी भेलछै।

हिबरु 7:10

कथिलेकी मल्‍कीसेदेक अबराहमके भेट करैबखत लेबीके जलम नै भेलरहै, महज अनङ बुझैचियै त उ अबराहमके देहमे छेलै, कथिलेत पाछु उ अबराहमके कुलसे जलम लेल्‍कै।

हिबरु 7:12

कथिलेत पुजारी पद फेरैबखत बेबस्‍था सेहो फेरैएपरैछै।

हिबरु 7:13

यि बातसब अपनासबके परभुके बारेमे कहलगेलछै, उ त लेबी कुलके नै भ्‍याके दोसर कुलके चियै। ओकर कुलमे कोनो लोक पुजारी भ्‍याके कहियो सेबा नै करने छेलै।

हिबरु 7:15

मल्‍कीसेदेक जखा दोसर पुजारी आइबगेलाके कारन आब लेबी कुलके पुजारी पद आ बेबस्‍था फेरलछै कैहके औरो परस्‍टे हैछै।

हिबरु 7:21

ओकर कहल बात पबितर धरमसास्‍तरमे अनङ लिखल छै, “‘तु सबदिनके लेल पुजारी चिही।’ कैहके परमपरभु किरिया खेनेछै आ उ आपन मन नै बदलतै।”

हिबरु 8:7

यदि उ पहिन्‍का करारमे खोट नै रहतियै त दोसर करारके आबसेक्‍ते नै परतियै।

हिबरु 9:6

यि सब बात मिलेलाके बाद पुजारीसब आपन बिधी आ करतब पालन करैत निरन्‍तर पहिन्‍का कोठलीके पबितर ठाममे परबेस करैछेलै।