हिबरु 7:1 - मध्‍य पुरविया थारू

¹ मल्‍कीसेदेक सालोम सहरके रजा आ महान परमेस्‍वरके पुजारी छेलै। जखैन अबराहम रजासबके लराइमे जितके घुइमके आबैत रहै तखैन मल्‍कीसेदेक ओकरा भेटके आसिरबाद देल्‍कै।

हिबरु 7:1 ပူးပေါင်းရင်းမြစ်များ

मरकुस 5:7

तब उ जोर-जोरसे हल्‍ला करैत कहल्‍कै, “हे, महान परमेस्‍वरके बेटा येसु, अहाँके हमरसे कोन सरोकार? अहाँ परमेस्‍वरके किरिया खाके कहु कि हमरा आब दुख नै देबै।”

परेरित 16:17

उ पावल आ हमरासबके पछा आइबके चिच्‍याबे लाग्‍लै, “यीसब सबसे महान परमेस्‍वरके सेबकसब चियै। यीसब, ‘कनङ तोरौरके उदार पाबबिही’ से बात तोरौरके कहतौ।”

हिबरु 6:20

अपनासबसे लेल येसु त पहिने ओइ ठाममे गेल छै। मल्‍कीसेदेक पुजारी जखा उ सबदिनके लेल अपनासबके खातिर परधान पुजारी भेलछै।

हिबरु 7:2

अबराहम रजासबसे जितके आनल सब धनसम्‍पतीके दसान्‍स मल्‍कीसेदेकके देल्‍कै। मल्‍कीसेदेक नाउके अरथ, “धारमिक हिसाबसे सासन करैबला रजा” चियै। सालोमके रजा भेलासे ओकर नामके अरथ “सान्‍तीसे सासन करैबला रजा” चियै।

हिबरु 7:3

मल्‍कीसेदेकके बाबु-माँ आ ओकर बंसके बारेमे कुछो थाह नै छै। ओकर जलम आ मरनके बारेमे सेहो कुछो थाह नै छै। परमेस्‍वरके बेटा जखा उ सबदिनके लेल पुजारी चियै।

हिबरु 7:6

महज पुजारी मल्‍कीसेदेक त लेबी बंससे नै छेलै, तैयो उ अबराहमसे दसान्‍स पाबल्‍कै। उ परमेस्‍वरके परतिग्‍या पाबैबला अबराहमके आसिरबाद देल्‍कै।